Morgunblaðið - 25.08.2010, Page 28

28 MenningFRÉTTIR
MORGUNBLAÐIÐ MIÐVIKUDAGUR 25. ÁGÚST 2010
Áhugaleikhús atvinnumanna
sýnir áttunda örverkið af tólf
um áráttur, kenndir og kenjar
á fimmtudag kl. 12.30 í Útgerð
Hugmyndahúss háskólanna.
Leikstjóri er Steinunn Knúts-
dóttir og leikarar Aðalbjörg
Árnadóttir, Árni Pétur Guð-
jónsson, Hannes Óli Ágústs-
son, Orri Huginn Ágústsson
og Sveinn Ólafur Gunnarsson.
Verkið sem heitir „Örverk
um Ágúst eins og hann leggur sig“ er sýnt í beinni
útsendingu á slóðinni www.herbergi408.is en þar
er jafnframt hægt að skoða fyrri verk úr örverka-
röðinni.
Aðgangur er ókeypis.
Leiklist
Örverk um Ágúst
í Hugmyndahúsi
Lára Sveinsdóttir
í örverki.
Aðalbjörg Þórðardóttir, eða
Abba eins og hún er oftast köll-
uð, sýnir olíumálverk í Gerðu-
bergi undir yfirskriftinni Hug-
arflug. Sýningin verður opnuð
á fimmtudag kl. 17.00 og stend-
ur til 17. október.
Viðfangsefni Öbbu eru svan-
ir sem birtast í myndum henn-
ar sem náttúrufyrirbrigði, en
ekki síður sem sagnaminni og
táknmyndir sálar.
Aðalbjörg útskrifaðist sem B.Sc. í líffræði frá
Háskóla Íslands 1979. Hún lauk námi í grafískri
hönnun frá Myndlista- og handíðaskóla Íslands
1988 og hefur starfað við hönnun, myndskreyt-
ingar og auglýsingagerð hérlendis og í Svíþjóð.
Myndlist
Hugarflug Öbbu
í Gerðubergi
Aðalbjörg
Þórðardóttir
Schola cantorum hefur haldið
vikulega tónleika fyrir erlenda
ferðamenn og íslenska unn-
endur kórtónlistar á mið-
vikudögum í júlí og ágúst í
sumar. Nú er komið að síðustu
tónleikunum í röðinni og verða
haldnir í Hallgrímskirkju í dag
kl. 12.00. Á efnisskránni er ís-
lensk og erlend kirkjutónlist
og ættjarðarlög, m.a. tónlist
sem tengd er sálmum Hall-
gríms Péturssonar, en kórinn hefur gert sér far
um að kynna íslenska kóramenningu og sálma
Hallgríms.
Schola cantorum var stofnaður 1996. Stjórnandi
kórsins er Hörður Áskelsson.
Tónlist
Síðustu hádegistón-
leikar sumarsins
Hörður
Áskelsson
Þýsku myndlistarmennirnir Fiete
Stolte og Timo Klöppel sýna nú
verk sín í Hólmakaffi á Hólmavík.
Sýningin er hluti af verkefni Þjóð-
fræðistofu sem snýr að þjóðfræði
og menningarsögu rekaviðar.
Fiete Stolte lærði í Kunsthoch-
schule Berlin Weissensee og út-
skrifaðist þaðan 2007. Í verkum
sínum tekst hann á við óhefð-
bundnar hugmyndir um tímann,
hvernig hann líður og hvernig við
skynjum hann. Í sýningunni
Sjóndeildarhringur / Skógur stillir
Fiete Stolte saman andstæðum:
raunverulegum og auðsnert-
anlegum efniviði annars vegar,
eins og t.d. rekavið í fjöru, og hins
vegar sjóndeildarhringnum sem
sjá má sem hinn ósnertanlega
áfangastað eða einhvers konar ei-
lífðartakmark sem aldrei næst.
Timo Klöppel lærði við Universität
der Künste og útskrifaðist þaðan
2008. Hann vinnur með staðbund-
inn efnivið sem hann finnur, færir
til og setur í nýtt samhengi. Verk
Klöppels, Siberian Forest / Síb-
eríuskógur, stendur nú í fjörunni
við gistiheimilið Kirkjuból á
Ströndum. Verkið er samsett úr
rekaviðardrumbum sem bundnir
hafa verið saman með reipisbútum
úr fjörunni og mynda „skógar-
lund“. Tilurð verksins er sýnd á
Hólmakaffi í ljósmyndaseríu.
Hólmakaffi á Hólmavík er opið
alla daga frá 10.00 til 18.00 til 1.
september.
Þeir sem vilja skoða sýninguna
utan þess tíma sem opið er geta
hringt í síma 866 1940.
Strandaðir skógar í Hólmakaffi
 Tveir þýskir myndlistarmenn sýna
verk úr rekaviði á Hólmavík
Samhengi Timo Klöppel við verk sitt Siberian Forest / Síberíuskógur.
Spænski alt- og sópransaxófónleik-
arinn Perico Sambeat kemur fram
á Jazzhátíð Reykjavíkur næstkom-
andi föstudagskvöld með Asa
tríóinu; Agnari Má Magnússyni á
orgel, Andrési Þór Gunnlaugssyni á
gítar og Scott McLemore á tromm-
ur. Sambeat er einn af helstu
djasstónlistarmönnum Spánar í
dag, en hann hefur líka starfað
talsvert utan heimalandsins. Þann-
ig bjó hann í New York um tíma á
tíunda áratug síðustu aldar og spil-
aði þá meðal annars með Lee Ko-
nitz, Jimmy Cobb og Joe Cham-
bers, en hann hefur líka unnið með
Brad Mehldau, Kurt Rosenwinkel,
Tete Montoliu, Michael Brecker og
Pat Metheny. Alls hefur Sambeat
gefið út á þriðja tug diska undir
eigin nafni og leikið inn á nærfellt
hundrað.
Perico Sambeat hefur hlotið
fjölda verðlauna, til að mynda fékk
hann Bird-verðlaunin á North Sea-
djasshátíðinni, en þau eru kennd
við Charlie Parker. Hann hefur
líka fengið ýmsar viðurkenningar í
heimalandi sínu, meðal annars oft
verið valinn saxófónleikari árins og
hljómplata hans Flamenco Big
Band hlaut verðlaun sem plata árs-
ins.
Perico
Sambeat á
Jazzhátíð
Tónleikar með ASA
tríóinu á Sódómu
Verðlaunaður Spænski alt- og sópran-
saxófónleikarinn Perico Sambeat.
Á Menningarnótt
sýndi Ingi Hrafn
Hilmarsson leik-
verkið In the
Beginning í
Listasafni
Reykjavíkur,
Hafnarhúsi.
Verkið, sem er
án orða og tekur
um það bil 30
mínútur í flutn-
ingi, var lokaverkefni hans við leik-
listarskólann Rose Bruford College
í London.
Tveir leikarar komu fram í sýn-
ingunni, Ingi Hrafn og Kane Hus-
bands. Á sýningunni sl. laugardag
fór svo illa að Ingi Hrafn slasaðist
og því verður verkið ekki flutt í
Hafnarhúsinu annað kvöld eins og
til stóð.
Leiksýningu
aflýst
Ingi Hrafn
Hilmarsson
Arnar Eggert Thor-
oddsen lýsir eftir
meiri ástríðu við lýsingar á
knattspyrnuleikjum 30
»
Árni Matthíasson
arnim@mbl.is
Næstkomandi laugardag heldur
Tríó Esja tónleika í Selinu á Stokka-
læk. Á þessum tónleikum skipa þau
tríóið Arngunnur Árnadóttir klarín-
ettuleikari, Greta Salóme Stef-
ánsdóttir fiðluleikari og Hákon
Bjarnason píanóleikari, en annars
sér Páll Palomares um fiðluleik.
Arngunnur segir að þau þrjú, hún,
Hákon og Páll, hafi kynnst í Listahá-
skóla Íslands á árunum 2005 til 2008
og svo vildi til að þau spiluðu öll ein-
leik með Sinfóníunni í janúar 2008.
Þau kynntust svo betur úti í Berlín
þar sem þau voru öll við nám og upp
úr þeim kynnum varð til Tríó Esja.
„Páll forfallaðist svo í ágúst og þá
hljóp Greta í skarðið, en við Hákon
þekktum hana úr Listaháskólanum
og Hákon hafði spilað með henni í
kammerhóp. Hún þekkti prógramm-
ið mjög vel svo það small vel saman
hjá okkur.“
Djass með meiru
Þó dæmi séu um verk sem samin
eru fyrir tríó með klarínettu, píanói
og fiðlu, þá er það ekki fyrr en á tutt-
ugustu öld sem almennileg efnisskrá
verður til. Verkin sem Tríó Esja
hyggst spila eru líka öll frá tutt-
ugustu öldinni, samin af Darius Mil-
haud, Igor Stravinskíj og Leifi Þór-
arinssyni.
„Okkur finnst gaman að spreyta
okkur á tuttugustu aldar verkum þó
við séum hrifin af Mozart, Bach og
Beethoven,“ segir Arngunnur, en
bendir á að það sé lítið til af verkum
fyrir þessa hljóðfærasamsetningu,
nema frá tuttugustu öldinni. „Verkin
eftir þá Milhaud og Stravinskíj eru
samin í París þegar þar var mikið á
seyði í tónlistinni og eins og heyra
má á þeim voru tónskáld þess tíma
mjög hrifin af djassinum sem barst
frá Bandaríkjunum. Þau eru bæði
byggð á tónlist fyrir sviðsverk og
það renna því saman í þeim lista-
stefnur. Verkið eftir Leif, Áfangar,
sem er innblásið af málverki eftir
Kristján Davíðsson, er aftur á
móti miklu yngra, samið
1979.
Leifur var eitt
fyrsta íslenska tón-
skáldið til að skrifa
verk í seríalisma,
sem heyra má í
þessu verki, en
það má líka finna
djassáhrif í því.“
Tríó Esja leikur tuttugustu
aldar tónlist á Stokkalæk
 Verk eftir Dar-
ius Milhaud, Igor
Stravinskíj og Leif
Þórarinsson
Ljósmynd/Árni Árnason
Tríó Arngunnur Árnadóttir klarínettuleikari, Greta Salóme Stefánsdóttir
fiðluleikari og Hákon Bjarnason píanóleikari.
Það var evrópskum tón-
skáldum mikil upplifun að
kynnast djass á þriðja áratugn-
um og mörg nýttu sér hum-
yndir þaðan í tónsmíðar, til að
mynda Stravinskíj og Darius
Milhaud, sem varð fyrir áhrif-
um af djass og hafði einnig
áhrif á djass vestan hafs.
Milhaud, sem fæddist 1892
og lést 1974, heyrði djass í
fyrsta sinn í heimsókn sinni
vestur um haf 1922 og varð
stórhrifinn. Ári síðar samdi
hann eitt sitt þekktasta verk,
Sköpun heimsins, sem beitir
djasshugmyndum.
Milhaud fluttist síðan til
Bandaríkjanna 1940 og bjó þar
fram yfir seinni heimsstyrjöld-
ina, stundaði tónsmíðar
og kennslu. Meðal nem-
enda hans voru tón-
skáldin Philip Glass og
Steve Reich, lagasmið-
urinn snjalli Burt
Bacharach og nokkrir
djasstónlistarmenn,
þar á meðal píanó-
leikarinn Dave
Brubeck.
Milhaud og
Brubeck
DJASS Í FRAKKLANDI
Darius Milhaud