Morgunblaðið - 21.10.2010, Blaðsíða 28

28 MINNINGAR
MORGUNBLAÐIÐ FIMMTUDAGUR 21. OKTÓBER 2010
✝ Anna María Guð-mundsdóttir
fæddist á Eskifirði 22.
mars 1929. Hún lést á
Fjórðungssjúkrahús-
inu á Akureyri 10.
október 2010. For-
eldrar hennar voru
Guðmundur Karl
Stefánsson vélstjóri
frá Borgum í Eski-
fjarðarkjálka, f. 2.4.
1894, d. 15.6. 1976, og
Jóhanna Kristín
Magnúsdóttir, f. á
Stöðvarfirði 15.3.
1904, d. 8.2. 1996. Systkini Önnu
Maríu eru: 1) Stefán Viðar, f. 9.6.
1927, d. 30.4. 1979. 2) Sæbjörn
Reynir, f. 27.10. 1930. 3) Guð-
mundur Kristinn, f. 21.9. 1933. 4)
Bára, f. 3.9. 1936.
Anna María, eða Mæja eins og
hún var oftast kölluð, ólst upp á
Eskifirði og byrjaði ung að vinna
fyrir sér, eða um 16 ára aldurinn.
Lagði hún ýmislegt fyrir sig og
meðal annars var hún um skeið í
Reykjavík þar sem hún var vinnu-
kona á heimilum. Til þeirra starfa
kom hún norður til Akureyrar og
hóf síðar störf á netaverkstæði. Þar
kynntist Mæja eiginmanni sínum,
Pétri Sigurjóni Kristjánssyni frá
Bót í Glerárþorpi. Þau settu saman
heimili í húsinu Rósenborg á Akur-
eyri. Mæja og Pétur bjuggu lengst í
Glerárhvefinu, í húsi sem þau reistu
við Langholt 10 og í tæpa tvo ára-
tugi var heimili þeirra í Smárahlíð
7a. Frá árinu 2006 hafa þau átt
heima í Einholti 16b. Börn þeirra
hjóna eru: 1) Guðmundur Pét-
ursson, f. 9.6. 1954, kvæntur
Ágústu Ólafsdóttur, f. 21.5. 1954,
búsett á Akureyri, börn þeirra eru:
a) Sævar Guðmundsson, f. 25.6.
1972, hans börn eru: Sonja, Birta, d.
10.10. 2004, og Máni. b) Róbert
Guðmundsson, f. 8.8. 1974, í sam-
búð með Sigrúnu Hörpu Ingadótt-
ur, f. 27.9. 1972, þeirra börn eru:
Rakel, Patrik og Katrín. c) Elvar
Guðmundsson, f. 7.5. 1985. 2) Magn-
ús Pétursson, f. 22.5. 1956, d. 15.8.
1978. 3) Anna Péturs-
dóttir, f. 3.2. 1958, bú-
sett í Reykjavík, börn
hennar með Steindóri
Geir Steindórssyni, f.
6.3. 1953, eru: a)
Steindór Stein-
dórsson, f. 22.7. 1977,
í sambúð með Ástu
Guðlaugu Þorkels-
dóttur, f. 28.7. 1979,
dóttir þeirra er Ragn-
heiður Perla. b) Anna
María Steindórs-
dóttir, f. 26.9. 1978, í
sambúð með Karli
Heiðari Vernharðssyni, f. 6.5. 1975,
dóttir þeirra er Alexandra Dís. 4)
Drífa Pétursdóttir, f. 23.1. 1959,
gift Ólafi Péturssyni, f. 22.1. 1968,
búsett á Akureyri, börn hennar frá
fyrra hjónabandi með Helga Rúnari
Jónssyni, f. 19.3. 1958, eru: a)
Magnús Helgason, f. 28.9. 1980, í
sambúð með Sigurbjörgu Ýri Guð-
mundsdóttur, f. 30.6. 1980, þeirra
börn eru Þórhildur Tinna og Magn-
ús Máni. b) Barbara Helgadóttir, f.
30.4. 1986, í sambúð með Valdimari
Heiðari Valssyni, f. 4.8. 1982, börn
Drífu og Ólafs eru: c) Ólafur Pétur
Ólafsson, f. 24.2. 1995. d) Tómas
Daníel Ólafsson, f. 17.5. 2001. 5) Jó-
hanna Pétursdóttir, f. 6.7. 1960, bú-
sett á Akureyri, börn hennar með
Friðriki Baldri Þórssyni, f. 29.6.
1955, eru a) Rósa Friðriksdóttir, f.
9.9. 1979, í sambúð með Sigurði Má
Haraldssyni, f. 18.2. 1962, sonur
hennar er Baldur Þór. b) Eva María
Friðriksdóttir, f. 2.2. 1985, í sam-
búð með Birgi Hólm Þórhallssyni,
dóttir þeirra er Bríet Hólm. 6) Pét-
ur Pétursson, f. 5.6. 1965, kvæntur
Margréti Þórarinsdóttur, f. 28.1.
1967, búsett í Keflavík, börn þeirra
eru: a) Tara Lind Pétursdóttir, f.
8.3. 2000. b) Magnús Pétursson, f.
15.1. 2002. c) Baldvin Þeyr Pét-
ursson, f. 15.12. 1983, móðir hans er
Halldóra Björg Sævarsdóttir, f.
12.7. 1965.
Útför Önnu Maríu fór fram frá
Glerárkirkju 15. október 2010 í
kyrrþey.
Elsku Mæja mín,
Við áttum hér saman svo indæla stund
sem aldrei mér hverfur úr minni.
Og nú ertu genginn á guðanna fund
það geislar af minningu þinni.
(Friðrik Steingrímsson)
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Þinn eiginmaður,
Pétur.
Elsku amma Mæja.
Núna þegar þú ert farin, elsku
amma mín, þá langar mig að skrifa
litla minningu um þig og þakka þér
fyrir allt sem þú hefur gert fyrir mig í
lífinu. Ég man nú ekki mikið eftir því
þegar þú og afi bjugguð í Langholt-
inu, þó rámar mig í einhver prakk-
arastrik með Steindóri frænda. Úr
Smárahlíð 7a á ég margar góðar
minningar. Fyrstu minningar mínar
þaðan eru síðan ég var lítill og var að
fá að gista. Þá fékk ég alltaf að gista á
milli þín og afa og man ég hvað mér
fannst það notalegt. Seinna meir
flutti ég til ykkar. Fyrst þegar
mamma og Óli fluttu suður einn vet-
ur og seinna þegar ég flutti norður
eitt sumarið þegar ég var fyrir sunn-
an í háskólanum. Fyrir það er ég afar
þakklátur því það var gott að vera hjá
ykkur og leið mér alltaf vel hjá ykk-
ur. Maður var ýmist prinsinn eða
kóngurinn á heimilinu, eins og afi
sagði alltaf. Ég man að í fyrra skiptið
sem ég bjó hjá ykkur þá spjölluðum
við oft saman um heima og geima.
Oftar en ekki þegar þú vildir hvíla þig
á saumaskapnum, sem þú varst al-
gjör snillingur í, spiluðum við Olsen
Olsen. Það var yfirleitt þegar líða tók
á seinni hluta kvölds undir ómi út-
varpstækisins í eldhúsinu. Í útvarps-
tækinu ómaði rödd Eiríks Jónssonar
sem stjórnaði þættinum Kvöldsögur.
Ég held að þér hafi þótt svolítið
skemmtilegt að hlusta á þann þátt, og
ég er ekki frá því að mér hafi þótt það
gaman líka.
Ég held að líf þitt hafi ekki alltaf
verið dans á rósum og hlýtur eitt það
erfiðasta sem þú hefur lent í að vera
að kveðja þinn eigin son. Ég er afar
stoltur af því að vera skírður í höfuðið
á honum og fá að bera hans fallega
nafn. Í vor fæddist einn gullmoli,
Magnús Máni, sem mun ásamt öðr-
um fjölskyldumeðlimum sem bera
þetta nafn halda minningu hans á
lofti. Til marks um hversu öflug og
kraftmikil kona þú varst þá nægir að
nefna fæðinguna hennar mömmu og
hversu sterk þú varst í veikindum
þínum undir það síðasta. Ég man
þegar ég hitti þig í síðasta sinn, á
spítalanum fyrir sunnan daginn eftir
þrítugsafmælið mitt, þá leistu svo vel
út og ekki óraði mig fyrir því að svona
myndi fara. Þetta þýðir að þú verður
ekki sjáanleg í næsta áramótapartíi,
en ég veit að þú verður þar með okk-
ur enda alltaf glatt á hjalla á áramót-
unum hjá fjölskyldunni.
Þegar við Sibba sögðum Þórhildi
Tinnu að amma Mæja væri dáin þá
hafði hún miklar áhyggjur af því að
nú yrði afi einn. Hún sagðist vilja
heimsækja afa og ömmu, ekki bara
afa. Þrátt fyrir að þú sért búin að
kveðja okkur þá veit ég að þú verður
með honum afa og segir manni fréttir
af fjölskyldunni þegar maður kíkir í
heimsókn í Einholtið.
Elsku amma Mæja, ég veit að þér
líður vel þar sem þú ert. Takk fyrir
mig. Hvíl í friði.
Magnús Helgason.
Elsku besta amma okkar. Við vilj-
um þakka þér fyrir allar góðu stund-
irnar sem við áttum með þér. Það var
alltaf svo gott að koma til ykkar afa á
Akureryi, þar var allt leyfilegt. Við
fengum að borða það sem við vildum í
morgunmat, hvort sem það var speci-
al eða marzipan. Þú kenndir okkur að
föndra og gleymum við ekki þeim
stundum sem við sátum við eldhús-
borðið og föndruðum kort, myndir og
máluðum. Við kveðjum þig með sökn-
uði en við vitum að núna ertu orðin að
engli og umvafin ljósinu. Við sendum
þér bænina sem þú kenndir okkur og
málaðir á mynd handa okkur.
Láttu nú ljósið þitt
loga við rúmið mitt.
Hafðu þar sess og sæti,
signaði Jesús mæti.
(Höf. ók.)
Eins láttu ljósið þitt
lýsa í hjarta mitt,
skína í sál og sinni,
sjálfur vaktu þar inni.
Lát húmið milt og hljótt
hlúa að mér í nótt
og mig að nýju minna
á mildi arma þinna.
Ég fel minn allan hag
einum þér nótt og dag,
ljósið af ljósi þínu
lifi í hjarta mínu.
(Sigurbjörn Einarsson)
Þín
Tara Lynd og
Magnús Pétursbörn.
Anna María
Guðmundsdóttir
Morgunblaðið birtir minningargreinar endurgjaldslaust alla útgáfudaga.
Skil | Greinarnar skal senda í gegnum vefsíðu Morgunblaðsins. Smellt á
reitinn Senda inn efni á forsíðu mbl.is og viðeigandi efnisliður valinn.
Skilafrestur | Ef óskað er eftir birtingu á útfarardegi verður greinin að
hafa borist eigi síðar en á hádegi tveimur virkum dögum fyrr (á föstudegi ef
útför er á mánudegi eða þriðjudegi).
Þar sem pláss er takmarkað getur birting dregist, enda þótt grein berist
áður en skilafrestur rennur út.
Lengd | Minningargreinar sem birtast í Morgunblaðinu séu ekki lengri en
3.000 slög. Ekki er unnt að senda lengri grein. Lengri greinar eru eingöngu
birtar á vefnum. Hægt er að senda örstutta kveðju, HINSTU KVEÐJU, 5-15
línur. Ekki er unnt að tengja viðhengi við síðuna.
Formáli | Minningargreinum fylgir formáli sem nánustu aðstandendur
senda inn. Þar koma fram upplýsingar um hvar og hvenær sá sem fjallað er
um fæddist, hvar og hvenær hann lést og loks hvaðan og klukkan hvað útförin
fer fram. Þar mega einnig koma fram upplýsingar um foreldra, systkini,
maka og börn. Ætlast er til að þetta komi aðeins fram í formálanum, sem er
feitletraður, en ekki í minningargreinunum.
Undirskrift | Minningargreinahöfundar eru beðnir að hafa skírnarnöfn sín
en ekki stuttnefni undir greinunum.
Myndir | Hafi mynd birst í tilkynningu er hún sjálfkrafa notuð með minn-
ingargrein nema beðið sé um annað. Ef nota á nýja mynd skal senda hana
með æviágripi í innsendikerfinu. Hafi æviágrip þegar verið sent er ráðlegt að
senda myndina á netfangið minning@mbl.is og láta umsjónarmenn minning-
argreina vita.
Minningargreinar
Veit ekki hvað vakti
mig
vil liggja um stund
togar í mig tær birtan
lýsir mína lund
Þessi fallegi dagur
þessi fallegi dagur
Íslenskt sumar og sólin
syngja þér sitt lag
þú gengur glöð út í hitann
inn í draumbláan dag
Þessi fallegi dagur …
Mávahvítt ský dormar dofið
inn í draum vindsins er það ofið
hreyfist vart úr stað
konurnar blómstra brosandi sælar
sumarkjólar háir hælar
kvöldið vill komast að
Þessi fallegi dagur …
(Bubbi Morthens)
Þegar ég kom á spítalann varstu
farin, elsku amma mín. Ég trúi því að
þá hafir þú verið gengin út um dyrnar
í átt til ljóssins. Ég veit svo sem ekki
hversu mikið þú hlustaðir á Bubba, en
fallegar ljóðlínur kunnirðu vel að
meta. Og dagurinn var sannarlega
fallegur þegar þú kvaddir og ég efast
ekki um að dagurinn hafi einnig verið
það þegar þú fæddist. Segja má að líf
þitt hafi verið fallegur dagur. Þú varst
svo yndisleg og góð alltaf. Og þú gast
búið á þínu heimili með afa allt til
enda þessa lífs alveg eins og þú óskað-
ir. Þið afi voruð bestu vinir í 62 ár og
áttuð svo fallegt samband. Gæfa ykk-
ar var að finna hvort annað og reynd-
ar var það gæfa okkar afkomendanna
Magnea Rósbjörg
Pétursdóttir
✝ Magnea RósbjörgPétursdóttir
fæddist á Ingjaldshóli
við Hellissand 25.11.
1929. Hún lést á
bráðamóttöku Land-
spítalans í Fossvogi
21.9. 2010.
Útför Magneu fór
fram í kyrrþey.
um leið. Minningarnar
um þig eru margar og
þær geymi ég í hjarta
mínu. Það gleður mig
að sjúkrahúslega þín
varð ekki löng, því það
hefðir þú ekki viljað.
Þér fannst ekki að aðr-
ir ættu að hafa fyrir
þér, en þú vildir allt
gera fyrir aðra og
þannig varstu bara. Og
þú kvartaðir sko ekki
þótt heilsan væri
stundum slæm og sér-
staklega undir það síð-
asta. Þú gast harkað af þér ef því var
að skipta, þrátt fyrir að vera ljúf-
mennskan holdi klædd að mér finnst.
Alltaf skal ég muna það þegar þú
færðir mér ljóðabókina frá ykkur afa
á erfiðum tíma í mínu lífi. Þá brast
einhver stífla og við grétum bæði í kór
yfir því hvað lífið getur verið ósann-
gjarnt. Svo þegar ég slasaðist komstu
með brandarabækur handa mér. Ég
sé það best núna hvílík snilld það var,
því að maður má ekki missa sjónar á
björtu hliðunum, enda slapp ég vel ef
út í það er farið.
Það var alltaf gaman að hittast og
spjalla um eitt og annað. Oftast fylgd-
irðu mér svo fram á stigaskörina þeg-
ar ég var að fara. Í síðasta skiptið sem
ég hitti þig, nokkrum dögum fyrir
andlátið, fylgdirðu mér ekki, en lést
mig lofa að fara ekki með vitið úr hús-
inu. Með öðrum orðum, þú barst þig
vel þótt heilsan væri nánast á þrotum.
Takk fyrir að vera svona góð amma
mín. Guðni Þór mun að ég held alltaf
muna góðu langömmu sína í Kópa-
vogi.
Ljós þitt mun lýsa okkur áfram
veginn til góðra verka.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Góða ferð, elsku amma mín, og frið-
ur sé með þér. Takk fyrir allt. Ég
sakna þín.
Þinn
Bjarki Þór.
Þói frændi eins og
við kölluðum hann hef-
ur nú kvatt þennan
heim. Hann hefur lagt
í vegferð sem á fyrir okkur öllum að
liggja. Þó að hann hafi ekki oft verið
á mínu heimili hefur hann alltaf skip-
að ákveðinn sess í hjarta mínu. Hann
hafði mjúkan og viðkvæman mann
að geyma sem bjó yfir ótrúlegum
hæfileikum á sviði tónlistar.
Ég hafði alltaf gaman af því að
spjalla við hann, því hann hafði mik-
inn áhuga á þjóðmálum og lá ekki á
skoðunum sínum. Maður sem hafði
að geyma góðan einstakling sem
vildi öllum vel. Þói fór ungur að árum
að stunda ævistarf sitt með spila-
mennsku fyrst á Ísafirði þar sem
hann fæddist og svo síðar víða um
land. Strax á yngri árum hitti frændi
fyrir Bakkus og náði sá að festa í
hann klónum sem áttu eftir að fylgja
honum meira og minna alla ævi.
Þói var einn þriggja systkina.
Systurnar lifa bróður sinn en þær
eru Jósefína, búsett á Ísafirði, og
Gréta, búsett í USA. Það þarf sterk
bein fyrir ungan og óþroskaðan
mann til að lifa öguðu lífi í heimi
danshljómsveita sem spila gjarnan
Þórarinn Þ. Gíslason
✝ Þórarinn Þor-bergur Gíslason
fæddist á Ísafirði 9.
maí 1947. Hann lést á
líknardeild Landspít-
alans í Kópavogi 3.
október 2010.
Útför Þórarins var
gerð frá Ísafjarð-
arkirkju 9. október
2010.
fram á nætur helgi eft-
ir helgi. Þói var aðeins
fimmtán ára gamall
þegar hann hóf þá veg-
ferð. Í þessum heimi
hrærðist Þói meira og
minna alla sína ævi þó
hann hafi tekið að sér
ýmis störf þess á milli
en hann vann meðal
annars um árabil hjá
bróður mínum við veit-
ingarekstur.
Þói eignaðist þrjú
börn á ævi sinni sem
hann var alltaf í góðu
sambandi við. Nú seinustu árin
dundaði Þói sér við að skapa sér sína
eigin tónlist sem hann hafði fullan
hug á að gera að einhverri tekjulind
þó honum hafi ekki enst aldur til
þess. Þar kom berlega í ljós hve ótrú-
legir hæfileikar hans voru á þessu
sviði. En hinn harði húsbóndi lét allt-
af á sér kræla með einum eða öðrum
hætti og í kjölfar þess var oft erfitt
fyrir Þóa að bera hönd fyrir höfuð
sér, sem m.a. kom fram í langvarandi
veikindum. Það kemur að því að eitt-
hvað gefur sig eða lætur undan.
Nýlega greindist hann með
krabbamein í lungum sem leiddi
hann til dauða aðeins 63 ára að aldri.
Við sem eftir sitjum eigum minningu
um góðan dreng sem var í senn list-
fengur, bóngóður og virkur einstak-
lingur í umræðu líðandi stundar.
Eftir lifir músíkin hans og minning
um fagurfræðilegt handbragð. Börn-
um Þórarins og systkinum votta ég
mína hinstu samúð en sameiginlega
áttum við að dreng góðan.
Sigurþór C. Guðmundsson.