Morgunblaðið - 03.01.2011, Blaðsíða 10

S
igrún Grendal hefur dansað
nánast síðan hún man fyrst
eftir sér. „Ég dansaði m.a.
bæði klassískan ballett og
djassballett en vaknaði svo upp við
það er ég kom úr námi erlendis að fátt
var í boði fyrir mig. Ég var allt í einu
orðin of gömul fyrir það sem var í
boði,“ segir hún en bætir við að við-
horf dansheimsins hafi heldur betur
breyst síðan og nú geti allir fundið
eitthvað við sitt hæfi. „Nokkru eftir
heimkomuna kom fyrsti gestakennar-
inn frá Afríku til að kenna afrískan
dans hér á landi. Fyrir mér var þetta
mikil uppgötvun og ég varð algjörlega
hugfangin.“ Um var að ræða vendi-
punkt í lífi Sigrúnar sem hefur síðan
lifað og hrærst í afrískri danshefð.
Hún hefur í tíu ár starfrækt Afróskola
Sigrúnar Grendal en kennsla fer fram
í Baðhúsinu og í Klifinu, Garðabæ.
Með annan fótinn í Gíneu
„Sennilega er ég sú sem hef dansað
afró lengst allra Íslendinga,“ segir
Sigrún hlæjandi. „Síðustu tólf ár hef
ég farið árlega til Gíneu og dvalið þar í
a.m.k tvo mánuði í senn ásamt Agnesi
dóttur minni. Þar leggjum við áherslu
á að dansa í nokkra tíma á dag með
bestu danskennurum sem við finnum.
Um leið reynum við að drekka í okkur
eins mikið og við getum af afrískri
menningu því hún er svo samofin
dansinum að ekki er hægt að greina
þar á milli.“
Dansinn sem stiginn er í tímum
Sigrúnar og félaga er sennilega rétt
eins og lesendur ímynda sér, djúpir og
seiðandi frumskógartaktar laða fram í
líkamanum hreyfingu sem á rætur
sínar að rekja allt til upphafs mann-
kyns. „Afrískur dans er mjög fjöl-
breytilegur en við sérhæfum okkur í
dönsum frá Gíneu þar sem ríkir órú-
lega rík dans- og tónlistarhefð,“ út-
skýrir Sigrún.
Sigrún segir svo magnað við afró-
dans að hann geta allir dansað. „Í
afródansi felst mikil tjáning og hver
dansari túlkar dansinn á sinn hátt.
Þess vegna er auðvelt að blanda sam-
an dönsurum með litla og mikla dans-
reynslu,“ útskýrir hún og segir sporin
í sjálfu sér nokkuð einföld og eitthvað
sem allir geta lært. „Túlkunin kemur
með reynslunni. Dansinn getur verið í
senn seiðandi og kynngimagnaður.
Hann túlkar gleði, sorg, kraft og orku
og er ýmist kvenlegur eða karlmann-
legur. Í Afríku sér maður háaldrað
fólk dansa og gefa unga fólkinu ekk-
ert eftir enda skín þá persónuleikinn
og reynslan í gegn í hverju spori. Með
dansinum leysist svo eitthvað úr læð-
ingi, sama hver á í hlut.“
Sem líkamsrækt er afródansinn
góður valkostur, að sögn Sigrúnar.
„Það er ekki bara gaman að dansa
afró heldur á sér líka stað rosaleg
brennsla og útrás. Ég hef aldrei
stundað líkamsrækt þar sem ég
brenni eins miklu,“ segir hún. „Dans-
inn byggist á stórum og miklum
hreyfingum svo nota þarf hvern ein-
asta vöðva líkamans. Smám saman
eykst úthaldið, dansarinn nær betra
valdi á tækninni, hreyfingarnar verða
hraðari en um leið mýkri og líkaminn
mótast.“
Sigrún kveðst sjá breytingar á
nemendum sínum með dansinum:
„Eitt af því stórkostlega sem ég sé
þróast í fari nemenda minna er
hvernig fas og líkamsburður þeirra
virðist breytast og maður skynjar
aukið öryggi og útgeislun,“ segir hún
og bætir við að afró sé dansað bæði
með sál og líkama. „Afródansinn hef-
ur undarlega góð áhrif á sálartetrið
og veitir eflaust ekki af núna þegar
kreppan er að verða búin að gera út
af við þjóðina. Oftast er árangurinn af
líkamsrækt eingöngu mældur í því
hversu mörg kíló fjúka af og á þeim
skala myndi afródansinn lenda mjög
ofarlega. En ef til væri einhvers kon-
ar gleðivog er ég sannfærð um að af-
ródansinn myndi mælast þar efst á
lista.“
ai@mbl.is
Hörkubrennsla sem léttir sálina
Sigrún féll svo kylliflöt fyrir
afró-dansi að hún hefur
verið árviss gestur í Gíneu
síðan. Sporin geta allir lært
og tjáningin batnar bara
með aldrinum
Morgunblaðið/Árni Sæberg
10 | MORGUNBLAÐIÐ
Okkur er sönn ánægja að tilkynna að Hreyfiland,
í samstarfi við fimleikadeild Stjörnunnar, er með
starfsemi sína í íþróttamiðstöðinni Ásgarði, Garðabæ.
Bumbufimi® er einstök leikfimi fyrir
konur á meðgöngu.
Mæðrafimi®: Hreyfiland er frumkvöðull í faglegri,
öruggri þjálfun fyrir mæður og börn þeirra.
Hreyfifimi® eru skemmtilegir tímar fyrir
1-3 ára börn, þar sem þau læra í gegnum
leik að samhæfa og stjórna hreyfingum sínum.
Snillingafimi® eru markvissar æfingar fyrir ungabörn
3-12 mánaða, sérsniðnar til að styrkja börnin og örva
þroska þeirra. Mæðra og vinkvennahópar velkomnar.
6 vikna námskeið hefst í vikunni 10-14 janúar 2011.
Skráning fer fram í síma 868-0863 og í gegnum netfangið:
hreyfiland@stjarnan.is
Hreyfiland er frumkvöðullinn í
fjölskyldu- og barnvænni heilsurækt www.hreyfiland.is
Lifandi tónlist í öllum tímum
Í afrótímum Sigrúnar er ekki dansað við glyminn úr hljómflutningstækjum
heldur er alvöru lifandi trommusláttur í hverjum tíma. „Tónlistin er jafn
mikilvæg og dansinn og ekki er hægt að skilja þar á milli. Trommurnar gefa
dansaranum orku og dug og dansarar og trommarar „tala saman“ á með-
an á dansinum stendur,“ segir hún.
Sigrún hefur sér til halds og trausts góðan hóp kennara. „Baba Ban-
goura sem er meðal eftirsóttustu danskennara í Gíneu og Cheick Ban-
goura er þaulreyndur trommari frá Gíneu. Síðan er Agnes dóttir mín sem
er alin upp við afrískan dans og trommur og dansar eins og innfædd.“
Miðlar hefðum og sögu
Afrískur dans er meira en bara dans. „Hann tengir mann menningunni á
hverjum stað. Það er órjúfanlegur hluti af daglegu lífi í Gíneu að dansa við
alls kyns tilefni s.s hátíðir, brúðkaup, heimsóknir eða manndómsvígslur. Til
að verða góður afródansari þarf að skilja hvað felst í hverjum dansi og að
verða afrókennari gerist ekki á einum degi,“ segir Sigrún.
Dansinn og tónlistin varðveita og miðla sögu og hefðum Afríku. „Hér á
Íslandi áttum við okkar sagnahefð og rituðum á skinn, en í Afríku eru sög-
urnar og heilræðin borin á milli kynslóða í dansi og tónlist,“ segir Sigrún.
„Unga kynslóðin viðheldur þessari hefð og þróar um leið sínar eigin leiðir.
Til dæmis hefur verið góður árangur af sunginni áróðursherferð til að
hvetja fólk að nota smokkinn og þannig að hefta útbreiðslu HIV. Þar sem
stórt hlutfall þjóðarinnar glímir við ólæsi duga veggspjöld og ritaðar upp-
lýsingar skammt en þegar þekkt og vinsælt listafólk setur upplýsingarnar í
búning sem fólkið þekkir og treystir þá er hægt að ná árangri.“
Töfrar „Dansinn getur verið í senn
seiðandi og kynngimagnaður.
Hann túlkar gleði, sorg, kraft og
orku“. Sigrún Grendal ásamt
dóttur sinni Agnesi og tengdasyni
Baba Bangoura. Í hópinn vantar
Cheick Bangoura trommuleikara.