Morgunblaðið - 04.01.2011, Blaðsíða 15

FRÉTTIR 15Erlent
MORGUNBLAÐIÐ ÞRIÐJUDAGUR 4. JANÚAR 2011
Slökkvilið
höfuborgasvæðisins
Munið að slökkva
á kertunum
Treystið aldrei alfarið
á kertaslökkvara
Læknir kannar líkamshita Kínverjans Chen Kecai sem
keppti við annan kaldan Kínverja, Jin Songhao, í kulda-
þolkeppni á Tianmen-fjalli nálægt kínversku borginni
Zhangjiajie í Hubei-héraði. Tvímenningarnir voru á
kafi í ís, í nærbuxum einum fata. Jin hafði betur og
þraukaði í hvorki meira né minna en 120 mínútur sam-
fleytt, um tveimur mínútum lengur en Chen, að sögn
kínverskra fjölmiðla í gær. Jin mun þar með hafa slegið
heimsmet sem Chen setti í þessari hrollvekjandi íþrótt
14. mars á árinu sem var að líða. Samkvæmt Heims-
metabók Guinness var Chen þá á kafi í ís í eina klukku-
stund, 48 mínútur og 21 sekúndu.
Reuters
Kínverjar öttu kappi í kuldaþoli
Á kafi í ís í tvær kaldar klukkustundir
Nær þúsund
manns komu
saman í þorpi í
Kambódíu í gær
til að sitja brúð-
kaup tveggja
kyrkislangna
sem þorpsbú-
arnir telja að
færi þeim gæfu.
Öldungar þorps-
ins ákváðu að
gifta kyrkislöngurnar eftir að pilt-
ur nokkur, sem talið var að væri
haldinn öndum, sagði að þær hefðu
hótað þorpinu farsóttum og ógæfu
ef þær yrðu ekki gefnar saman.
Nokkrir spámenn í þorpinu höfðu
einnig hvatt til brúðkaupsins til að
færa þorpinu frið og gæfu.
Kyrkislöngur gefn-
ar saman til heilla
Gæfusamar slöngur
gefnar saman.
KAMBÓDÍA
Flórídabúinn
James Jablon
ætlar að dvelja í
einn mánuð á af-
girtu svæði með
tveimur ljónum í
fjáröflunarskyni
í þágu athvarfs
fyrir dýr sem
þurfa læknis-
aðhlynningu.
Jablon hefur ver-
ið í ljónagryfjunni frá því á nýárs-
dag. Hann ætlar að sofa í heyi ná-
lægt ljónunum og fá sér í svanginn
á sama tíma og þau. Hann hyggst
einnig smíða skýli á tré til að geta
falið sig ef þau byrja að berjast.
Hyggst dvelja
í ljónagryfju
James Jablon
með ljónunum.
BANDARÍKIN
Spánn hefur verið eitt af síðustu
vígjum reykingamanna í Evrópu en
það hefur nú breyst vegna tóbaks-
varnalaga sem eru á meðal þeirra
ströngustu í álfunni. Samkvæmt
nýjum lögum, sem tóku gildi á
sunnudag, er bannað að reykja inni
í veitingahúsum og krám, í sjón-
varpsútsendingum, nálægt sjúkra-
húsum og á lóðum skóla.
Lögin koma í stað tóbaks-
varnalaga sem tóku gildi í janúar
2006 og höfðu lítil áhrif. Bannað
var þá að reykja á vinnustöðum, í
almenningsfarartækjum og versl-
unum en veitingamönnum var í
sjálfsvald sett hvort þeir bönnuðu
reykingar. Flestir þeirra gerðu það
ekki.
Veitingamenn mótmæla
Samtök spænskra veitingamanna
hafa mótmælt nýju lögunum, segja
að þau geti orðið til þess að mörg
veitingahús verði gjaldþrota og allt
að 150.000 manns verði atvinnu-
laus. Jose Luis Guerra, varafor-
maður samtakanna, segir að velta
veitingahúsa og kráa á Spáni hafi
minnkað verulega á síðustu 30
mánuðum vegna efnahagsþreng-
inga Spánverja. Hann áætlar að
reykingabannið verði til þess að
velta veitingahúsa minnki um 5% til
viðbótar, kráa um 10% og nætur-
klúbba um 15%.
Heilbrigðisráðuneyti Spánar
dregur þessar tölur í efa og segir
að svipað bann í veitingahúsum í
Bretlandi, Frakklandi og á Ítalíu
hafi haft lítil áhrif á veltu þeirra.
Leire Pajin, heilbrigðisherra Spán-
ar, segir að veitingahúsin kunni að
hagnast á lögunum þegar fram líði
stundir þar sem bannið geti orðið
til þess að fólk, sem ekki reykir,
fari oftar út að borða og geti nú
tekið börnin með sér. Hún bendir á
að um 70% Spánverja reykja ekki.
Áætlað er að á ári hverju megi
rekja um 50.000 dauðsföll á Spáni
til reykinga. Allt að 1.000 þjónar
deyja úr lungnakrabba, flestir
þeirra vegna óbeinna reykinga, að
sögn spænskra samtaka sem berj-
ast gegn reykingum. bogi@mbl.is
Eitt af síðustu vígjum
reykingamanna fallið
 Ströng tóbaksvarnalög í gildi á Spáni
Reuters
Tóbaksbann Þjónar sjúga líkkistunagla fyrir utan veitingahús í Madríd.
Um 295.000
manns biðu bana í
náttúruhamför-
um í heiminum á
árinu sem var að
líða og er það
mesta manntjón
af völdum nátt-
úruhamfara frá
árinu 1983, að
sögn endurtrygg-
ingafyrirtækisins Münchener Rück
(e. Munich Re).
Tryggingafyrirtækið segir að
margar náttúruhamfaranna megi
rekja til veðuröfga sem renni stoðum
undir kenningar um yfirvofandi lofts-
lagsbreytingar. Manntjónið hefur
ekki verið jafnmikið frá 1983 þegar
300.000 manns létu lífið, flestir í
hungursneyð vegna þurrka í Eþíópíu.
Alls voru 950 náttúruhamfarir
skráðar á liðnu ári. Jarðskjálftinn á
Haítí var langmannskæðastur, kost-
aði minnst 222.570 manns lífið. Um
56.000 manns biðu bana í hitabylgju
og skógareldum í Rússlandi.
Heildartjónið af náttúruhamför-
unum nam 130 milljörðum dollara,
sem svarar 15.000 milljörðum króna.
Þar af nam kostnaður trygginga-
félaga um 37 milljörðum dollara, eða
4.300 milljörðum króna, og er það
sjötti mesti kostnaður þeirra á einu
ári frá 1980. bogi@mbl.is
295.000
manns
fórust
 Óvenjumikið mann-
tjón vegna hamfara
Björgun á Haítí.