Póstmannablaðið - 01.08.1962, Side 3

Avarp ritnefndar
Þegar Póstmannablaðið hefur göngu
sína á ný, er vert að minna á, að fram-
undan er mikil barátta í launa- og hags-
munamálum stéttarinnar, barátta, sem
verður að leiða til sigurs. Með lögunum
um samningsrétt frá síðasta Alþingi, er
lagður grunnur að jafnrétti opinberra
starfsmanna við aðrar launastéttir í land-
inu. Á yfirstandandi ári hafa sumir starfs-
hópar innan samtaka B.S.R.B. fengið
nokkrar kauphækkanir. P.F.I. mun nú á
komandi hausti fyrst og fremst krefjast
þess að fá sams konar bætur, áður en
gengið verður að samningsborði um nýja
kjarasamninga. Póstmannablaðið hefur
göngu sina í þriðja sinn, fyrst og fremst
til þess að berjast fyrir bættum hag póst-
manna. Þegar ný launalög eða kjara-
samningar koma til framkvæmda á þessu
eða næsta ári, eins og vonir standa til,
mun Póstmannablaðið hiklaust gagnrýna
þau atriði, sem verða ranglát eða brjóta
á einhvern hátt í bág við það, sem á að
vera og verða mun.
Póstmannablaðið kom fyrst út árin
1932—1934 og aftur árin 1941—44. Hefst
því með þessu blaði 8. árgangur. Vonir
standa til, að ekki verði framar lát á út-
komu blaðsins, enda er póstmannastéttin
orðin svo fjölmenn, að vandalaust ætti að
vera að halda úti blaði. Póststofnunin er
ein elzta stofnun landsins. Með setningu
póstlaganna 13. maí 1776, hefst raun-
verulega ferill hennar. I kjölfar aukinna
póstviðskipta, jafnt innan lands og víð
útlönd, færðist ísland smátt og smátt úr
álagahamnum, sem spennt hafði land og
þjóð illum dróma um aldir. Póstþjónustan
varð einn styrkasti hlekkurinn í frelsis-
baráttu þjóðarinnar á síðustu öld. Eftir
að reglulegar póstferðir hófust til lands-
ins, fengu Islendingar tækifæri til að
fylgjast með nýjungum og framförum í
öðrum löndum af fréttum í blöðum og
tímaritum. Það færði þjóðinni aukið víð-
sýni og veitti henni smátt og smátt efld-
an kjark. Póstmannastéttin er í raun
réttri ein elzta stétt opinberra starfsmanna
á íslandi, og þess ber Alþingi og öðrum
að minnast, þegar ákveðin eru laun og
kjör stéttarinnar.
Gert er ráð fyrir, að Póstmannablaðið
komi út tvisvar á þessu ári, síðara blaðið
mun væntanlega koma út í haust.
Póstmannablaðið væntir þess, að póst-
menn hvarvetna á landinu sendi blaðinu
efni, fréttir og myndir. Einnig mun blað-
ið leita til manna úti á landi um upplýs-
ingar. Vonir eru til, að menn bregðist vel
við öllum málaleitunum, og geri allt, sem
í þeirra valdi stendur, til að gera veg
blaðsins sem beztan.
1 trú á góðan málstað póstmannastétt-
arinnar og mikla sigra í hagsmunamál-
um hennar á komandi árum, hefjum við
að nýju útgáfu Póstmannablaðsins.
Ritnefndin.
PÓSTMANNABLAÐIÐ
3