Póstmannablaðið - 01.09.1985, Qupperneq 17

Jón Pálsson
póstfulltrúi
F. 28. september 1914
D. 29. júní 1985
/ minningargrein um Jón skrifaði sam-
starfsmaður hans, Dýrmundur Olafsson
póstfulltrúi, m.a.:
Jón stundaði nám við Héraðsskólann í
Reykholti í tvo vetur og síðan einn vetur á
Hvanneyri. Haustið 1937 fór hann út til
Noregs til að kynna sér loðdýrarœkt og
dvaldi hann þar í 2 ár. Hann dáði mjög
sveitamenningu Norðmanna, sérstaklega
trjárœktina, og mun áhugi hans á skógrækl
þá hafa vaknað fyrir alvöru.
Þó Jón vœri fyrst og fremst sveitabarn í
húð og hár þá höguðtt forlögin því svo til
að hann settist að í höfuðborginni. Arið
1946 gerðist hann starfsmaður í Pósthúsinu
í Reykjavík og vann þar meðan kraftar
hans entust, lengst af sem fulltrúi. Hann var
þar sem annars staðar hinn árvaki og trausti
starfsmaður og eigum við starfsfélagar hans
um hann góðar minningar.
Jón var gœfumaður í sínu einkalífi og
eignaðist ágœta konu, sem bjó honum gott
heimili. Hún heitir Sigurlaug Sigurðardóttir
ættuð frá Vigdísarstöðum í Vestur-Húna-
vatnssýslu.“
Björn Benediktsson
yfirpóstafgreiðslumaður
F. 30. júlí 1920
D. 5. desember 1983
Björn starfaði árum saman á Póststof-
unni í Reykjavík, síðast sem yfirpóstaf-
greiðstumaður þar. Valgarður L. Jónsson
skrifaði eftirmœli um Björn og þar segir:
„Ungur mun hann hafa ðstoðað föður sinn
í erfiðum póstferðum, einnig farið ferðir
einn fyrir föður sinn, þegar með þurfti. Að
bústörfum hefur hann einnig mátt vinna,
annað þekktist ekki. Þegar fjölskyldan er
sest að á Djúpuvík verður breyting á
störfum, þar iðar allt líf af vinnu á upp-
gangstíma góðu síldaráranna. Það var
blómlegt þorp Djúpavík á þeim árum. Þar
fékk hver heil hönd starf að vinna. Björn
gerist þar starfsmaður og verður aðnjótandi
góðærisins, sem síldin skapaði á þeim
gömlu góðu árum. En silfur hafsins er
hverfult, sem önnur jarðargæði, nú er
Djúpavtk döpur eyðimörk. Þegar þessi
fjölskylda flytur á Djúpuvík verður Bene-
dikt póst- og símstjóri á staðnum. Sttmarið
1943 ræður hann til sín á símann unga góða
stúlku frá Utibleiksstöðum í Húnavatns-
sýslu, Guðrún Þorvaldsdóttir heitir hi'tn.
Þau Björnfelldu hugi saman oggengu íþað
heilaga, þegar kynnin gáfu tilefni til. Þau
flytja svo að norðan til Reykjavíkur árið
1947. Þau fengu bæði starf í Reykjavík við
sitt hæfi, hún á Landsíma íslands og hann
á Pósthúsinu í Reykjavík. Þar hafa þau
unnið samfleytt síðan. Að vísu var hann
hættur og kominn á eftirlaun, en hún
vinnur enn á símanum. Fyrstu árin bar
Björn póst út um bœ, en síðustu 20 árin
mun hann hafa verið yfirpóstafgreiðslu-
maður. “
Halldór Runólfsson
póstafgreiðslumaður
F. 21. nóvember 1897
D. 9. júní 1984
Halldór Runólfsson starfaði í fleiri ár á
Póststofunni í Reykjavík. Runólfur Jóns-
son segir svo um Halldór í minningargrein
um hann: „Halldór stundaði nám í Sam-
vinnuskólanum í Reykjavík 1918-1920.
Árið 1924 giftist hann eftirlifandi konu
sinni, Katrínu Valdimarsdóttur frá Bakka
í Bakkafirði. Fyrstu búskaparár sín bjuggu
þau á Bakka og síðan í Höfn, þar sem
Halldór var afgreiðslumaðurpósts og síma.
Jafnframt því starfi hafði hann búskap með
höndum þó aldrei vœri um stórbú að rœða.
Á sumrin skutu þau hjón œði oft skjólshúsi
yfir Færeyinga, sem stunduðu smábátaút-
gerð á Bakkafirði í áraraðir. Frá þessum
árum kunni Dóri margar kímnar sögur,
enda var maðurinn fundvís á gamansemina
og kunni vel að meta græskulaust gaman.
Haustið 1947 fluttu þau hjón til Reykja-
víkur, fyrst í húsið Garð við Reykjavíkur-
veg í Skerjafirði, síðan að Kleppsvegi 46.
Halldór starfaði áfram hjá pósti og síma
eftir að þau fluttu suður og vann á póststof-
unni í Pósthússtrœti t Reykjavík eins lengi
og hann mátti vegna aldurs. “
Kristbjörg Halldórsdóttir, yfirkennari
Póst- og símaskólans er dóttir Halldórs.
Einar Bjarni Júlíusson
póstfulltrúi í Hafnarfirði
F. 21. júlí 1933
D. 23. nóvember 1983
Magnús Eyjólfsson fyrrverandi stöðvar-
stjóri í Hafnarfirði skrifaði eftirmæli um
Einar Bjarna ogþarsegir: „Meðþvíað Ein-
ar vargóðum námsgáfum gœddur hóf hann
nám í Verzlunarskóla Islands og lauk
þaðan fullnaðarprófi.
Að loknu námi vann Einar á skrifstofu
Tollstjórans í Reykjavík, um fimm ára
skeið, en árið 1963 hófhann starfhjá Pósti
og síma í Hafnarfirði. Þar vann hann fram
undir mitt ár 1964, en á árunum 1965 til
1971 vann hann að meslu hjá iðnaðarfyrir-
tæki, en hjá Pósti og síma í ígripum og
afleysingum. Einar hóf aftur fast starf hjá
Pósti og síma í Hafnarfirði árið 1972 og
vann þar síðan allt til dánardægurs. “
Eggert Páll Jóhannesson
bréfberi
F. 4. apríl 1912
D. 3. desember 1983
Eggert Páll var bréfberi í Reykjavík í
mörg ár. Fyrst starfaði hann á R-l, en síðan
á R-5 þar til hann lét af starfi vegna
veikinda.
Samstarfsfólk Eggerts á R-5 minnist
Eggerts sem raungóðs félaga og hins mesta
Ijúfmennis, þótt nokkuð gœti hann þótt
hrjúfur í viðmóti við fyrstu kynni.
Tengdadóttir Eggerts segir svo í eftirmœl-
um um hann: „Stundaði Itann ýmsa vinnu,
var lengst á sjó. Síðustu árin starfaði hann
sem póstmaður í Reykjavík. Hann lét afþví
starfi fyrir tveirn árum sökum veikinda.
Eggert var góðum gáfum gæddur, en hann
gat ekki notið nema takmarkaðrar skóla-
göngu, sem stafaði af fjárskorti, þar sem
foreldrar hans urðufyrir miklu fjárhagslegu
áfalli sökum Kötlugossins 1918.“
PÓSTMANNABLAÐIÐ 17