Póstmannablaðið - 01.09.1985, Side 26

Iðulega er spurt hvaða þýðingu það
hafi að Neytendasamtök séu starf-
andi. Á undanförnum árum hefur
þessari spurningu verið svarað í raun.
Neytendasamtökin hafa komið fram
sem málsvari neytenda, náð fram
breytingum og skapað aðhald á mark-
aðnum sem hefur haft jákvæða þýð-
ingu fyrir allan almenning.
í kjölfar þeirra skipulagsbreytinga
sem urðu á samtökunum í formanns-
tíð Reynis Ármannssonar gafst aukið
svigrúm til að sinna ýmsum málum
sem snertu neytendur almennt.
Benda má á sem dæmi opnunartíma
verslana, sölumál kartaflna og ann-
arra garðávaxta, margvísleg örygg-
ismál og mál sem varða verðlagningu
á vörum og þjónustu.
En betur má ef duga skal. Þrátt
fyrir mikla aukningu félaga í Neyt-
endasamtökunum og að þau hafa
ótvírætt sannað gildi sitt í þjóðfélag-
inu skortir á, að fjárveitingarvaldið
viðurkenni samtökin sem vert væri.
Samtökin skortir því mjög alvarlega
fjárhagslegt bolmagn til að sinna ýms-
um mjög brýnum neytendamálum.
Þess ber þó að geta og þakka að ýmis
félagasamtök, t.d. Póstmannafélag
íslands, hafa stutt samtökin og gert
þeim auðveldara fyrir að sinna mál-
efnum neytenda.
Síðasta þing Neytendasamtakanna,
sem haldið var í nóvembermánuði sl.
markaði ákveðin tímamót í starfi
þeirra. Samþykkt var almenn stefnu-
mörkun fyrir samtökin og jafnframt
því lögð áhersla á brýnustu verkefni í
neytendamálum á næstu árum.
I stuttri grein er ekki svigrúm til að
tíunda þau atriði, sem samtökin munu
einbeita sér að á næstunni, en hér skal
getið helstu verkefna, sem hljóta
ávallt að vera þungamiðja í starfi
Neytendasamtakanna:
1. Neytendasamtökin þurfa eftir
mætti að fylgjast með þróun verð-
lags og gæðum vöru og þjónustu.
Virkt neytendastarf felst m.a. í
því að þú sem neytandi fáir meira
og betra fyrir peningana þína. Það
eitt að Neytendasamtök eru starf-
andi veitir ákveðið aðhald, en það
aðhald verður til muna virkara,
þegar það sýnir sig að samtökin
hafi þann mátt sem þarf til að
koma í veg fyrir óeðlilega starf-
semi á markaðnum.
2. Virk upplýsingamiðlun þj ónar
mjög mikilvægu hlutverki fyrir
neytendur. í fyrsta lagi stuðlar
hún að hagkvæmari innkaupum, í
öðru lagi að auknu öryggi vegna
þess að mjög mikilvægur liður í
upplýsingastarfsemi neytenda-
samtaka er að benda á hættu sem
kann að stafa af einstökum vörum
og notkun þeirra. í þriðja lagi
stuðlar hún að bættum viðskipta-
Neytenda-
samtök á
tímamótum
háttum vegna þess að upplýstir
neytendur láta ekki bjóða sér
hvað sem er.
3. Vernd einstakra neytenda er
líka mikilvægt verkefni neytenda-
samtaka. Hversu fullkomið kerfi
sem við höfum fer aidrei hjá því
að einhverjir séu órétti beittir í
viðskiptum. Af þeim sökum starf-
rækja Neytendasamtökin kvörtun-
arþjónustu, sem hefur því hlut-
verki að gegna að neytandinn nái
fram rétti sínum og upplýsa hann
um hvaða úrræði hann hefur til
þess. Til marks um gildi þessa
starfs nægir að benda á, að um
2000 erindi berast Neytendasam-
tökunum árlega í þessu sambandi.
4. Mótun löggjafar er ekki hvað
síst mikilvæg í starfi neytenda-
samtakanna, sérstaklega hér á
landi, þar sem löggjafinn á þessu
sviði stendur langt að baki því sem
þegar hefur verið lögfest í ná-
grannalöndum okkar. Vilji neyt-
endur hér búa við sama öryggi og
vörugæði og tíðkast í löndunum í
kringum okkur verður að breyta
löggjöfinni til samræmis við nú-
tímakröfur neytenda.
Það er ljóst að almenn neytendavit-
und hefur aukist til mikilla muna á
síðustu árum, þó að þess skilnings hafi
ekki gætt á Alþingi. I því sambandi
má benda á viðbrögð fjölmiðla og
almennings. Þetta lag verða Neyt-
endasamtökin að nýta sér sem best og
sækj a fram hvar sem möguleiki gefst.
Jón Magnússon
fyrrverandi formaður
Neytendasamtakanna
MAGNUSAR-
DRAPA
Magnúsardrápci góða ok Hrólfs hins vaska;
meður ívafi Veiði-Bjarna ok Auðar innar
djúpúðgu.
Vaktavinnubljús nr. 1
í dagsins erli, önn og þrasi,
er ekki að undra þó fólk fjasi,
um kaup og kjör og alls kyns þjökun,
og skort á eðlilegri slökun.
Fólk púla verður vaktir tvœr,
að undirbúa sendingarskrær.
Pað þolir þetta ei til lengdar,
ogfinnur oft til þorsta og svengdar.
Um tvennt mun fólki ekki sinnast:
Póstmagnið þarf upp að vinnast,
og réttilegast er að loka,
þungum bceði og léttum poka.
Að lokum vil ég segja þetta,
um það þarf ei blöðum að fletta:
„Við hcettum strax að rífast og þrátta,
og lokum barasta í kringum átta!"
Pula án stuðla og höfuðstafa, aðfaranótt
4.9. 84.
Hannes Jón Hannesson.
26 PÓSTMANNABLAÐIÐ