Morgunblaðið - 05.05.2011, Side 2

2 5. maí 2011finnur.is
Morgunblaðið Hádegismóum 2, 110 Reykjavík. Sími
5691100 Ritstjórar Davíð Oddsson, Haraldur Johannes-
sen Umsjón Birta Björnsdóttir birta@mbl.is Bílar
Sigurður Bogi Sævarsson sigurdurbogi@ mbl.is Blaða-
menn Ásgeir Ingvarsson, Finnur Thorlacius, Elín Alberts-
dóttir. Auglýsingar finnur@mbl.is, sími 5691107
Prentun Landsprent ehf.
1945 - Guðmundur Kamban var skot-
inn til bana í Kaupmannahöfn.
1949 - Evrópuráðið var stofnað.
1951 - Varnarsamningurinn um varnir
Íslands, milli Íslands og Bandaríkjanna
fyrir hönd Atlantshafsbandalagsins,
var undirritaður.
1951 - Dakotaflugvél, sem tekið hafði
þátt í að bjarga áhöfn Geysis af
Vatnajökli, lenti í Reykjavík eftir að
hafa staðið á jöklinum frá haustinu
áður.
1970 - Heklugos hófst og olli askan
gróðurskemmdum, aðallega norð-
anlands. Þetta var Skjólkvíagosið sem
svo var kallað.
1990 - Ísland náði fjórða sæti í Euro-
vision með laginu Eitt lag enn, sem
flutt var af Stjórninni.
1991 – Ísland náði fimmtánda sæti í
Eurovision með laginu Draumur um
Nínu sem þeir Eyjólfur Kristjánsson
og Stefán Hilmarsson sungu.
2000 - Samfylkingin var formlega
stofnuð sem stjórnmálaflokkur. Össur
Skarphéðinsson var kjörinn formaður.
5. maí
Það var fyrir 45 árum að örlagaríkur fundurvarð í samkomuhúsinu Krossinum íKeflavík. „Ólafur hreppstjóri í Njarðvík-unum hafði leyft strákunum á svæðinu að
æfa sig þarna. Ég var með frænda mínum og tveim-
ur öðrum félögum í bandi sem hét Rofar og þarna
vorum við að æfa þegar Maggi kemur á staðinn,“
segir Jóhann Helgason um fyrstu kynni sín og
Magnúsar Þórs Sigmundssonar. „Hann var þarna
að kenna einhverju bandi handtökin, stökk svo upp
á svið og tók forspil úr Kinks-laginu „Tired of Wait-
ing for You“. Okkur fannst flutningurinn bera af og
buðum Magnúsi strax að ganga til liðs við okkur.“
Æfingin í Krossinum markaði upphafið að snörpu
og frjóu samstarfi sem meðal annars leiddi þá félaga
út til Englands með bandinu Change. Þegar það æv-
intýri endaði fóru félagar í hljómsveitinni hver sína
leiðina, nema þráðurinn milli Magnúsar og Jóhanns
hélst. Hafa þeir með reglulegu millibili dustað rykið
af gítarnöglunum og skellt sér í hljóðverið.
Tvö ný lög og engu gleymt
Félagarnir koma núna aftur saman til að fagna 40
ára starfsafmæli dúettsins Magnús & Jóhann, halda
tónleika í Austurbæ 7. maí og svo aðra í Hofi á Ak-
ureyri 21. maí. Ný plata, Ástin og lífið, er svo á leið í
verslanir með úrvali af bestu verkum Magnúsar og
Jóhanns, auk tveggja nýrra laga.
Nýju lögin tvö heita Vorið er komið og Lífið.
Magnús gantast með að þeir Jóhann hafi engu
gleymt og séu orðnir betri ef eitthvað er. „Þetta eru
ekki dæmigerð kassagítarlög eins og við höfum svo
oft samið, en notaleg lög með heimspekilegum
vangaveltum.“
Magnús hugsar með mikilli hlýju til þeirra fjölda-
mörgu ára sem þeir Jóhann hafa starfað saman og
alveg sérstaklega til upphafsins. „Þetta voru ómeð-
vituðu árin, allt svo sjálfsagt og auðvelt. Maður
fylgdi bara og eitthvað togaði mann áfram. Allt var
einfalt og aldrei neitt streð.“
Ekki mörg orð um hluti
Magnús er líka þakklátur fyrir að hafa á annað
borð kynnst Jóhanni því á milli þeirra er eitthvert
efnafræðilegt samband sem er vandfundið. „Það er
einhver óskiljanlegur skilningur á milli okkar, og
þarf ekki að hafa mörg orð um hlutina. Sama hversu
langur tími líður á milli funda þá gerist það einhvern
veginn þegar við komum aftur saman með gítarana
að við förum strax hvor í sinn skóinn í samspilinu.“
Jóhann lítur líka með hlýhug yfir þessa fjóra ára-
tugi. „Það er gaman að sjá hvað mörg af lögunum
okkar hafa náð að lifa áfram. Alltaf hefur samstarfið
verið áreynslulaust og báðir með frekar heilbrigðan
skammt af metnaði,“ segir hann en félagarnir eiga
heiðurinn af lögum eins og Ást, Söknuði, Þú átt mig
ein, Mary Jane og Yakety Yak. Mörg laganna hafa
þeir aldrei flutt opinberlega sjálfir, fyrr en núna á
afmælistónleikunum og nýju plötunni.
ai@mbl.is
Halda upp á 40 ára starfsafmæli dúettsins Magnús & Jóhann með tónleikum og nýjum diski
Morgunblaðið/RAX
„Það er gaman að sjá hvað mörg af lögunum okkar hafa náð að lifa áfram,“ segir Jóhann Helgason meðal annars hér í viðtalinu.
Bæði sjálfsagt og auðvelt
Magnús á að baki langan og afar farsælan feril í tónlistinni. Jóhann Helgason hefur samið margar vinsælustu dægurflugur þjóðarinnar.
Sumar uppfinningar eru þesslegar að maður í
senn gapir af undrun og furðar sig á hvernig
maður gat áður komist í gegnum lífið.
Hver hefur ekki reynt að elda með lélegan
eldhússpaða að vopni? Hversu oft hefur mað-
ur ekki bisað við að reyna að skera í sundur tvö
egg á pönnu, eða átt í mesta basli með að
skrapa frá brúnunum? Svo þarf maður að
leggja spaðann frá sér og eldhúsborðið er orð-
ið útbíað um leið.
Chopula-spaðinn leysir öll þessi vandamál
og fleiri til. Hér er á ferðinni hönnun frá eldhús-
áhaldafyrirtækinu Dreamfarm sem m.a. á
heiðurinn af pítsuskærunum Scizza og Spink-
sullhlífinni.
Chopula er með mjúkan haus sem skemmir
ekki teflónhúðaðar pönnur. Lögunin hámarkar
notagildið, hvort sem þarf að snúa við mat eða
skera, og svo er skaftið þannig gert að þegar
spaðinn er lagður á borðið er hausinn ekki í
snertingu við flötinn sem heldur öllu hreinu.
Chopula kostar 12.95 banda-
ríkjadali á Dreamfarm.-
com.au.
ai@mbl.is
Þarfaþing á heimilið
Hin fullkomni spaði
Urðu frægir nán-
ast á einni nóttu
Ein sterkasta minning Magnúsar
um samstarfið við Jóhann er frá
því fljótlega eftir að þeir hófu að
starfa saman sem dúettinn Magn-
ús & Jóhann, en það gerðist furðu-
hratt að þeir urðu að þekktum
andlitum á íslensku tónlistarsen-
unni. „Mjög fljótlega kom til okkar
umboðsmaður og kom í kring böll-
um í skólum hér og þar. Ég man
eitt sinn að hann hafði farið með
upptöku frá okkur í einn skólann
og þegar við mætum bíða þar 300
manns, allir búnir að hlusta á upp-
tökuna. Ég held að það hafi verið í
sömu viku að við vorum komnir í
Háskólabíó með öllum stærstu
böndunum, og svo strax í sjón-
varpið til að taka upp tvö lög. Þetta
var mikil þeytivinda.“
Jóhann man líka vel eftir þeyt-
ingnum. „Sama árið og fyrsta plat-
an kemur út erum við komnir á
samning úti í Englandi og lagðir af
stað út í heim.“
Frá og með deginum í dag geta farþegar í
ríflega tuttugu strætisvögnum Strætó
nælt sér í ókeypis blöð í vagninum til að
lesa á meðan á ferðinni stendur. Mark-
miðið er að gera ferðalagið með strætó
enn ánægjulegra. Þeir sem vilja geta svo
tekið blöðin til að lesa síðar.
Boðið verður upp á þessa þjónustu í
hluta vagnaflotans til að byrja með þar
sem þetta er tilraunaverkefni og mun
framhaldið ráðast af viðtökum farþega.
Blöðin sem verða í boði í vögnunum eru
Finnur.is, sem farþegar fá nýtt alla
fimmtudagsmorgna, Monitor, Fréttatím-
inn og Grapevine.
„Fjölmörg áhugaverð blöð eru gefin út í
viku hverri og þótti okkur og útgefendum
þessara fjögurra blaða þjóðráð að veita
farþegum með þessum hætti aðgang að
þeim til að stytta sér stundir á meðan á
akstrinum stendur,“ segir Reynir Jóns-
son, framkvæmdastjóri Strætó bs.
Dreifingarnetið blaðanna stækkar frá og með deginum í dag
Finnur á ferðinni og núna í strætó