Morgunblaðið - 23.06.2011, Qupperneq 6
BAKSVIÐ
Kristel Finnbogadóttir
kristel@mbl.is
Í nokkrar vikur á hverju sumri gefst
grunnskólanemum kostur á að leika
sér áhyggjulaust meðan á sumarfríi í
skólum stendur. Áhyggjumeiri eru
hins vegar foreldrar sem margir
hverjir þurfa að finna börnum sínum
eitthvað að gera í stað skólans.
Mikið framboð er á námskeiðum,
íþróttaskólum og listasmiðjum fyrir
börn yfir sumarmánuðina en allt
kostar sitt. Á sama tíma hefur dreg-
ið úr hefðbundnum úrræðum fyrir
skólabörn á sumrin, svo sem vinnu í
vinnuskólum og starfrækslu skóla-
garða.
Íþrótta- og tómstundasvið
Reykjavíkur, ÍTR, hefur sett upp
upplýsingavef um framboð sumar-
námskeiða auk þess að bjóða upp á
ýmis úrræði. „ÍTR stendur meðal
annars fyrir sumarfrístund sex til
níu ára barna á frístundaheimilum
auk þess sem við erum með 10 til 12
ára starf í öllum borgarhlutum, svo-
kallaðar sumarsmiðjur. Fyrir ung-
lingana, til dæmis þá sem hafa ekki
vinnu í Vinnuskólanum, er opið í fé-
lagsmiðstöðvunum nokkra daga í
viku og á kvöldin. Einnig er mikið
smíðað á smíðavöllunum,“ segir
Soffía Pálsdóttir skrifstofustjóri
tómstundamála Reykjavíkurborgar.
Hún segir skráningu hjá ÍTR hafa
gengið vel. Gjaldskrá á starfi ÍTR
hefur þó hækkað um allt að 30% frá
því í fyrra. „Ástæðan er sú að öll að-
föng eru orðin svo dýr. Rekstur á
starfinu hefur hækkað mikið,“ segir
Soffía. Auk ÍTR bjóða önnur sveitar-
félög, íþróttafélög, skátafélög og
listskólar upp á fjölbreytt námskeið
fyrir börn. Námskeiðin eru ýmist
heilan dag eða hálfan, í eina viku eða
fleiri og verð breytilegt eftir því
hvort boðið er upp á mat eða gæslu.
Þá er misjafnt hvort afsláttur fæst
við greiðslu, til dæmis systkina-
afsláttur.
Hjá siglingaklúbbnum Siglunesi í
Nauthólsvík er boðið upp á nám-
skeið hálfan daginn fyrir börn á
aldrinum 9 til 16 ára auk siglinga-
klúbbs fyrir þá sem lokið hafa nám-
skeiði. Að sögn Kolbrúnar Vöku
Helgadóttur starfsmanns er mikill
áhugi á starfinu og námskeið flestöll
full.
Í Fjölskyldu- og húsdýragarð-
inum er dýranámskeið. „Á öll nám-
skeið sumarsins er fullbókað og það
eru biðlistar á flest þeirra,“ segir
Lilja Björk Vilhelmsdóttir fræðslu-
freyja. Hún segir að ekki hafi dregið
úr bókunum eftir efnahagshrun
heldur séu þau alltaf jafn vinsæl.
Glímufélagið Ármann rekur meðal
annars fimleikaskóla, knattspyrnu-
skóla og svokallaðan fjölgreinaskóla
í sumar. Eru sum námskeiðin haldin
í samvinnu við knattspyrnufélagið
Þrótt. „Á heildina litið sýnist mér ró-
legra að gera heldur en í fyrra en að-
sókn á fjölgreinanámskeiðið hefur
verið góð,“ segir Árndís Hulda Ósk-
arsdóttir skólastjóri.
Jónína Guðbjörg Björnsdóttir hef-
ur haldið reiðskóla ásamt manni sín-
um á vegum Garðabæjar í næstum
20 ár en verð á reiðnámskeiði hefur
hækkað vegna almennra verðlags-
hækkana. Margir sækja námskeiðið
ár eftir ár og aðsókn er góð en Jón-
ína telur þó að börn fari á færri nám-
skeið en áður þar sem foreldrar
vinni minna.
Mikill áhugi á sumarnámskeiðum
Fjölbreytt framboð er á sumarnámskeiðum fyrir börn á grunnskólaaldri Frístundaúrræði
verða dýrari vegna verðhækkana Börn virðast sækja færri námskeið yfir sumarið en áður
Fjölbreytt námskeið á
höfuðborgarsvæðinu
Námskeið
Aldur
Tími
Vikur
Verð 2009
Verð 2011
Annað
*Upplýsingar miðast við verðkönnun verðlagseftirlits ASÍ á sumarnámskeiðum fyrir börn sumarið 2009 auk upplýsinga af heimasíðum námskeiðahaldara.
Siglinganámskeið í
Siglunesi
13-16 ára
3 klst/dag
1 vika
5.000 kr.
5.000 kr.
20% systkinaafsláttur.
Dýranámskeið í Fjölskyldu-
og húsdýragarðinum
10-12 ára
8 klst/dag
1 vika
20.500 kr.
21.500 kr.
Innifalið er heitur hádegis-
matur, síðdegishressing
auk dagpassa í leiktækin
við lok námskeiðs.
20% systkinaafsláttur.
Fjölgreinaskóli hjá glímu-
félaginu Ármann
6-10 ára
7 klst/dag
2 vikur
16.000 kr.
16.000 kr.
15% systkinaafsláttur af
öðru gjaldinu. Heitur há-
degismatur kostar 6000
kr. til viðbótar.
Reiðskóli í
Garðabæ
5-14 ára
7,5 klst/dag
1 vika
25.000 kr.
28.000 kr.
Innifalið er hestar,
reiðtygi og hjálmar,
bókleg kennsla, morgun-
verður, hádegisverður og
síðdegishressing.
6 FRÉTTIRInnlent
MORGUNBLAÐIÐ FIMMTUDAGUR 23. JÚNÍ 2011
„Frá hruni
höfum við
lagt mikla
áherslu á að
skora á bæði
sveitarfélög
og stjórn-
völd að
skera ekki
niður í mála-
flokkum er
varða börn,
hvort sem það varðar skólamál
eða tómstundamál. Við erum
hrædd um að það verði gert,“
segir Ketill B. Magnússon, for-
maður stjórnar Heimilis og
skóla, landssamtaka foreldra.
Hann segir að erfitt sé fyrir
margar fjölskyldur að finna úr-
ræði fyrir börn yfir sumarið þar
sem fólk hefur minna á milli
handanna. „Við vitum að í
Reykjavík eru áhyggjur foreldra
miklar vegna barna í 8. og 9.
bekk,“ segir Ketill og vísar til
niðurskurðar hjá Vinnuskóla
Reykjavíkur og í ýmsum tóm-
stundaúrræðum.
Áhyggjur for-
eldra miklar
HEIMILI OG SKÓLI
Ketill Berg
Magnússon
Volvo S60 R-Design frá 6.080.000 kr. Volvo V60 R-Design frá 6.380.000 kr. Volvo XC60 R-Design AWD frá 9.060.000 kr. Volvo XC90 R-Design AWD frá 11.190.000 kr.
Komdu í Brimborg.
Skoðaðu í dag
sparneytinn dísil
Volvo R-Design
milli kl. 9 og 17.
Skoðaðu
gott verð.
Vertu
m
aður sportlegur og
þú
kem
ur við
sögu
á
hverjum
degi
Brimborg og Volvo áskilja sér rétt til að breyta verði og búnaði án fyrirvara, að auki er kaupverð háð gengi. Nánari upplýsingar veita ráðgjafar Volvo.