Morgunblaðið - 23.06.2011, Qupperneq 12
BAKSVIÐ
Kristján H. Johannessen
khj@mbl.is
Fjórar rannsóknarnefndir, sem
samþykkt var á Alþingi að yrðu
stofnaðar í kjölfar efnahagshruns-
ins, hafa enn ekki verið skipaðar.
Nefndunum fjórum er ætlað að
rannsaka starfsemi íslensku lífeyr-
issjóðanna, orsök falls sparisjóð-
anna, gera stjórnsýsluúttekt á
Fjármálaeftirlitinu og Seðlabanka
Íslands og rannsaka Íbúðalánasjóð.
„Það eru ekkert nema ósköp eðli-
legar skýringar á þessu. Ástæðan
er sú að skipun þessara rannsókn-
arnefnda hékk saman við að klára
frumvarp um rannsóknarnefndir
sem var til meðferðar í allsherjar-
nefnd í vetur,“ segir Þórunn Svein-
bjarnardóttir, þingflokksformaður
Samfylkingar. Skipun rannsóknar-
nefndanna gat því ekki farið fram
fyrr en frumvarp þess eðlis yrði að
lögum. Frumvarp um rannsóknar-
nefndir var afgreitt á vorþingi og
segist Þórunn vongóð um að nefnd-
irnar verði skipaðar á þessu þingi
sem lýkur í september.
Of langur tími hefur liðið
„Þetta hefur tekið alltof langan
tíma. Við höfum verið að bíða eftir
því að klára lög um rannsóknar-
nefndir og það hefur í raun stoppað
allt ferlið,“ segir Margrét Tryggva-
dóttir, þingflokksformaður Hreyf-
ingarinnar, og bætir við að slíkt sé
óviðunandi. „Þetta er spurning um
forgangsröðun í þinginu og frum-
varpið um rannsóknarnefndirnar er
löngu komið fram. Það hefði verið
hægt að klára þetta fyrir jól og
halda svo áfram með hitt,“ segir
Margrét og ítrekar að hún muni
halda áfram að þrýsta á þetta mál
fyrir þingi.
„Við vorum meðvituð um að það
vantaði ákveðna löggjöf sem menn
vildu vinna eftir og er búið að sam-
þykkja núna. En engu að síður
hefði verið hægt að fara fram með
t.a.m. rannsókn á sparisjóðunum, ef
menn hefðu drifið í því,“ segir
Gunnar Bragi Sveinsson, þing-
flokksformaður Framsóknarflokks-
ins. Sá tími sem liðið hefur frá
ákvörðun um stofnun rannsóknar-
nefndanna og til dagsins í dag er
óeðlilega langur að mati Gunnars
Braga. „Það má spyrja sig af hverju
sé ekki meiri áhersla lögð á þetta.
Mikið hefur verið talað um að hlutir
eigi að ganga fyrir sig með öðrum
hætti, slíkt hefur ekki verið gert.
Maður veltir líka fyrir sér af hverju
það hefur ekki gengið hraðar fyrir
sig að hefja rannsókn á sparisjóð-
unum og t.d. Icesave. Bæði þessi
mál snúa að fjármálaráðuneytinu,“
segir Gunnar Bragi og segir þetta
ágætt dæmi um framtaksleysi rík-
isstjórnar. Því vísar þingflokksfor-
maður Samfylkingar alfarið á bug
og bendir á að stjórnarandstaðan
sitji einnig í allsherjarnefnd Al-
þingis.
Lítið hefur farið
fyrir rannsókn-
arnefndum
Samþykkt frumvarps hefur dregist
Morgunblaðið/Ernir
Óvissa Ekki fyrirséð um skipun
rannsóknarnefnda á þessu þingi.
12 FRÉTTIRInnlent
MORGUNBLAÐIÐ FIMMTUDAGUR 23. JÚNÍ 2011
ÚR BÆJARLÍFINU
Skapti Hallgrímsson
Akureyri
Björn Þorláksson greindi frá því í
gær að hann yrði ritstjóri nýs viku-
rits sem hæfi göngu sína á Akureyri
11. ágúst. Það yrði borið ókeypis inn
á hvert heimili í bænum. „Fréttir,
húmor og umræða – allt í einu blaði.
Tilhlökkun mín er a.m.k. hafin :),“
skrifaði Björn á Facebook.
Björn er rithöfundur og reyndur
blaða- og fréttamaður. Hann hefur
m.a. starfað fyrir RÚV, Stöð 2 og N4
á Akureyri. Það verður spennandi að
sjá hið nýja blað.
Merkilegur fundur var í Hofi á
þriðjudagskvöldið. Nýr forstjóri
Sjúkrahússins á Akureyri, Þorvald-
ur Ingvarsson, boðaði almennan
borgarafund vegna vinnu að nýrri
framtíðarsýn fyrir FSA og stefnu-
mótun til næstu ára. Ríflega 100
manns mættu.
Það er ánægjulegt að leitað skuli
til almennings vegna framtíðar FSA.
Fólk var beðið að tjá sig um hvað því
þætti vel hafa verið gert á stofnun-
inni, hvað betur mætti fara og hvaða
breytingar það sæi hugsanlega fyrir
sér á þjónustunni. Ný framtíðarsýn
verður kynnt í haust.
Hið árlega Arctic Open-golfmót
hefst á Jaðarsvelli í dag. Leikið
verður fram á nótt, fimmtudag og
föstudag, en mótinu lýkur að vanda
með veislu í golfskálanum á laugar-
dagskvöldið. Nú verður í fyrsta
skipti leikið af öllum teigum sam-
tímis. Kuldatíðin undanfarið hefur
gert það að verkum að Jaðarsvöllur
er ekki í sparifötunum, en vonandi
skín sólin út vikuna.
Talandi um sólina; hún lét sjá sig
bæði í gær og fyrradag og satt að
segja var steikjandi hiti um tíma,
a.m.k. í skjóli. Ekki er þó pláss hér
til að gefa upp hitatölur …
Samþykkt var á bæjarstjórnar-
fundi á þriðjudag, að heimila mikla
stækkun húsnæðisins þar sem Vín-
búð ÁTVR er við Hólabraut. Fyr-
irhuguð stækkun hefur verið um-
deild og nágrannar afar óhressir, en
aðeins örfáar formlegar athuga-
semdir bárust þó.
Umrædd tillaga, um deiliskipu-
lag, var samþykkt með öllum sex at-
kvæðum L-lista. Á móti voru Ed-
ward H. Huijbens, VG, Guðmundur
Guðmundsson, Framsókn, Helgi Vil-
berg, A-lista og Ólafur Jónsson sjálf-
stæðismaður. Hermann Jón Tóm-
asson, Samfylkingu, sat hjá.
Dúettar skemmta á Græna hatt-
inum um helgina. Annað kvöld leik-
ur Hundur í óskilum en á laugardag-
inn Magnús Þór Sigmundsson og
Jóhann Helgason, sem fagna 40 ára
afmæli dúettsins um þessar mundir.
Fortíðarþráin allsráðandi þar.
Gera má ráð fyrir miklu fjöri í
Sundlaug Akureyrar næstu daga.
Þar keppa um 270 ungmenni á aldr-
inum 12-18 ára á árlegu Aldurs-
flokkameistaramóti Íslands
Framtíðarsýn og fortíðarþrá
Morgunblaðið/Skapti
Framtíðarsýn Frá borgarafundi Sjúkrahússins á Akureyri sem var í Hofi.
„Burtséð frá
þessum
rann-
sóknum, þá
er margt
annað sem
má gagn-
rýna. T.a.m.
varðandi
Íbúðalána-
sjóð og
ýmislegt
varðandi bankana sem hefur
verið kallað eftir upplýsingum
um, t.d. í viðskiptanefnd Alþing-
is,“ segir Ragnheiður Elín Árna-
dóttir, þingflokksformaður
Sjálfstæðisflokks. „Fyrir-
spurnum hefur bæði verið svar-
að seint og illa.“
Ýmislegt má
gagnrýna
STIRÐ SAMSKIPTI
Ragnheiður Elín
Árnadóttir
ÖRYGGISVIÐVÖRUN
VEGNA UVEX FUNRIDE SKÍÐAHJÁLMA
UVEX VILL KOMA ÞVÍ Á FRAMFÆRI AÐ VIÐ REGLUBUNDIÐ
GÆÐAEFTIRLIT KOM Í LJÓS AÐ FUNRIDE-SKÍÐAHJÁLMAR
GETA VERIÐ GALLAÐIR.
Nánari upplýsingar á: www.uvex-sports.de/en/recall
NÁÐU ÁRANGRI. ÚTILÍF – HOLTAGÖRÐUM. GLÆSIBÆ. KRINGLUNNI. SMÁRALIND. WWW.UTILIF.IS
ÍS
LE
N
SK
A
SI
A
.I
S
U
TI
55
43
7
06
/1
1
MIKILVÆG
Við hjá UVEX tökum slagorðið okkar „protecting people“ (til verndar fólki) alvarlega. Sem framleiðendur
gæðavöru viljum við biðjast innilega afsökunar á óþægindunum. Við þökkum aðstoðina og vonum að þú
hafir sömu trú á vörum okkar eftir sem áður.
Framleiðslugallinn getur dregið úr högg-
deyfingu og brotstyrk á lykilhlutum hjálms-
ins (við loftop, hnoð og samskeyti) sem
getur valdið alvarlegum áverkum við fall.
Vinsamlega hættu að nota hann
og skilaðu honum í Útilíf í Glæsibæ
gegn fullri endurgreiðslu á kaupverðinu.
Skíðahjálmurinn þinn er Funride-hjálmur
ef hann ber þetta merki:
Harmonikufélag Rangæinga stend-
ur fyrir landsmóti íslenskra harm-
onikuunnenda á Hellu dagana 30.
júní til 3. júlí nk. Harmonikuunn-
endur hvaðanæva af landinu koma
þar saman og spila og skemmta
sér.
Norski harmonikuleikarinn Öi-
vind Farmen verður gestur á
landsmótinu og mun hann leika
fjölbreytta harmonikutónlist á tón-
leikum mótsins. Hann hefur unnið
til fjölda verðlauna fyrir harm-
onikuleik sinn, m.a. 1. verðlaun í
World Championships on the
accordio 1996. Einnig koma góðir
gestir frá Vestfold toraderklubb í
heimsókn. Þeir spila á tvöfaldar
harmonikur og munu spila bæði á
tónleikum og fyrir dansi. Á
laugardag verða unglinga-
tónleikar og stefnt er að unglinga-
skemmtun á föstudagskvöld. Svo
verður spilað víðsvegar á Hellu á
föstudagskvöld og stórdansleikur í
íþróttahúsinu á laugardagskvöldið.
Nánari dagskrá er að finna á
www.harmonika.is.
Norskur gestur á lands-
móti harmonikuunnenda
Mót Harmonikuunnendur ætla að
hittast um helgina á landsmóti sínu.