Morgunblaðið - 23.06.2011, Qupperneq 25

MINNINGAR 25
MORGUNBLAÐIÐ FIMMTUDAGUR 23. JÚNÍ 2011
✝ Bragi Krist-jánsson, Sól-
vallagötu 9, Kefla-
vík, fæddist 27.
desember 1949.
Hann lést á
Sjúkrahúsinu í
Keflavík 17. júní
2011. Foreldrar
Braga eru Guð-
björg Þórhalls-
dóttir, f. 28.9.
1929, og Kristján
Agnar Ólafsson, f. 24.12. 1922,
sem er látinn. Þau
hjónin skildu 1952.
Bróðir Braga er
Baldur Krist-
jánsson, f. 6.3.
1951, kvæntur
Svölu Björgvins-
dóttur. Dætur
þeirra eru Sigríð-
ur, f. 1980 og Sif, f.
1987. Sonur Svölu
frá fyrra hjóna-
bandi er Björgvin
Rúnar Gunnarsson, f. 1971.
Bróðir minn, Bragi Kristjáns-
son, lést á Sjúkrahúsinu í Kefla-
vík hinn 17. júní síðastliðinn.
Hann sýndi fádæma æðruleysi og
karlmennsku í erfiðum veikindum
sinum, en hann greindist með
lungnakrabba í janúar síðastliðn-
um. Hjúkrunarfræðingum, lækn-
um og öðru starfsfólki sjúkra-
hússins eru hér með sendar
hjartanlegar þakkir fyrir ein-
staka aðhlynningu og fyrir þá
miklu virðingu sem þeir sýndu
Braga.
Tilveran var alls ekki alltaf
hliðholl Braga. Þegar hann var 18
ára greindist hann með geðklofa
sem hélt honum í heljargreipum í
u.þ.b. tvö fyrstu árin, en í vægara
formi eftir því sem frá leið. Undir
lokin er óhætt að segja að Bragi
hafi farið með fullnaðarsigur
gegn sjúkdómnum, sem háði hon-
um þá ekkert lengur. Að mínu
mati má að langmestu leyti rekja
þessa farsælu þróun til einarðrar
sjálfs- og sálarræktar Braga sem
birtist m.a. í að hann kynnti sér
alls kyns fræðandi efni á sviði vís-
inda, lífspeki og trúarbragða.
Bragi var einlæglega trúaður, án
þess þó að leiðast nokkurn tíma út
í öfgar í þeim efnum. Heildarút-
koman úr sjálfs- og sálarrækt
Braga varð sú að viðhorf hans til
lífsins einkenndust af einstöku
æðruleysi, auðmýkt og virðingu.
Auk þess varð Bragi fyrir vikið
mikill viskubrunnur og kom fólki
oft á óvart með þekkingu sinni og
víðsýni. Það var alltaf mjög kært
með okkur bræðrum. Við hitt-
umst reglulega og áttum margar
góðar stundir í umræðum um líf-
ið, tilveruna, alheiminn, dauðann,
um vísindi og ekki síst um trúmál
en í þeim efnum vorum við ekki að
öllu leyti sammála. Þessar stundir
okkar Braga voru tvímælalaust
mínar dýrmætustu stundir með
honum, þær sem ég mun að sama
skapi minnast með trega. Ekki
sakaði heldur að húmorinn var
einatt með í ferðum og líflegt hug-
myndaflug bar okkur á hinar
óvæntustu slóðir, jafnvel að dul-
gáttum fjórðu víddarinnar (eða
þannig).
Á æsku- og unglingsárum sín-
um dvaldi Bragi langtímum að
Unaósi í Hjaltastaðaþinghá hjá
frænku sinni, Ólöfu Sölvadóttur,
og manni hennar Alfreð Aðal-
bjarnarsyni, en hann lést fyrir
mörgum árum. Braga þótti inni-
lega vænt um frænku sína. Ólöfu
eru hér með færðar einlægar
þakkir.
Bragi stundaði vinnu hjá Pósti
og síma um árabil. Síðustu árin
var hann verkamaður hjá Kefla-
víkurbæ. Þar eignaðist hann
marga vini sem reyndust honum
afar vel. Að öðrum ólöstuðum
skulu hér sérstaklega nefndir
þeir Bjarni verkstjóri, Sævar og
Agnar.
Öldruð móðir Braga saknar
besta vinar síns, en hann var í
miklum samvistum við hana.
Hann var henni einstaklega góður
og elskusamur.
Elsku bróðir, takk fyrir allar
góðu minningarnar.
Far þú í friði,
friður Guðs þig blessi,
hafðu þökk fyrir allt og allt.
(Vald. Briem)
Baldur.
Kæri fóstri minn. Þá er nú þínu
stríði lokið.
Mig langar að minnast nokk-
urra atvika frá æsku og uppvaxt-
arárum þínum, er við áttum oftast
sameiginleg.
Ég man að lítill hrokkinhærður
snáði kom niður í litla kjallarann í
gamla húsinu á Unaósi og vildi
hjálpa mér að snúa skilvindunni
eins og þá var gert. Þú fékkst að
prófa, en það gekk ekki sem best,
þá sungum við bara: Já, komdu
kisa mín, kló er falleg þín o.s.frv.,
en er söngnum lauk, var kisa okk-
ar að nudda sér við gluggann og
vildi komast inn, þetta fannst þér
skrítið og skemmtilegt.
Þá minnist ég er þú fannst
fjögurra laufa smárann úti á lækj-
arbakkanum, afi þinn hafði sagt
þér að þá mætti óska sér og þú
fórst margar ferðir og fannst
fleiri, en hámarkið var þegar þú
fannst einn með sex laufum, þá
get ég óskað mér tvöfalt sagðir
þú, og það var svo skemmtilegt.
Þú varst snemma flugsyndur
og við fórum í kappsund í Sel-
fljótinu, ég hafði ekki roð við þér,
það var mikil upphefð fyrir þig.
Þá var nú gaman er þú veiddir
þinn fyrsta silung á stöng, þú
varst myndaður með hann og roð-
inn í vöngum þínum sést vel þótt
filman væri aðeins svarthvít.
Við fórum einu sinni saman á
veiðar í Selfljótið með stengur, þú
veiddir strax silung, en ég stóð og
fékk ekkert, öngullinn sat fastur
hjá mér, að ég hélt í botni, og kall-
aði á þig til hjálpar, þá kom í ljós
að það var silungur á önglinum,
þú hjálpaðir mér að losa hann af.
Mikið varstu búinn að stríða mér
á þessu, enda reyndi ég ekki
framar við stangveiði.
Svo kom að því að fyrsta
dráttarvélin var keypt, þá var nú
spennan í hámarki, þú vildir fara
með til að sækja hana á Borgar-
fjörð, en þangað kom vélin með
skipi, þú vildir allt til vinna að
sitja eða hanga á vélinni alla leið
heim, það var bara gaman, enda
var hún þitt uppáhald upp frá því.
Við stofnuðum einu sinni söng-
tríó með Kristni, hét það „Vagnt-
ríóið“ og kom það til þegar verið
var að sækja heyið. Þið strákar
stálust oft til að grafa ykkur ofaní
heyið á vagninum þann spöl sem
farið var eftir þjóðveginum, en
það var bannað að hafa börn of-
aná hlassinu. Það er alltaf gaman
að gera það sem er bannað.
Við hjónin vorum mjög þakklát
fyrir alla þá hjálp er þú veittir
okkur gegnum árin og í öllum
sumarfríum eftir að þú fluttir suð-
ur. Þá var alltaf tilhlökkun að fá
þig heim í jólafríin. Sérstaklega
þakka ég hjálpina er ég varð
ekkja, þá varst þú óðar kominn til
hjálpar. Öll þín verk voru unnin af
vandvirkni og samviskusemi.
Þess bera líka vott útskurðar-
verkin þín, þau eru listaverk, svo
vel unnin. Þú hafðir alltaf mikinn
áhuga á íslensku máli og varst að
grínast með allskonar ambögur
og útúrsnúninga, það var líka þitt
aðal að brandarar komu eins og
alveg óvart frá þér. Þú varst mik-
ill Bítlavinur og ýmsir góðir rokk-
arar voru líka í uppáhaldi, en tölv-
an varð þó yfirsterkari, þú lærðir
á hana alveg af sjálfsdáðum.
Ég kveð þig með miklum sökn-
uði í huga og segi: Fljúgðu á
vængjum morgunroðans, meira
að starfa guðs um geim.
Aðstandendum öllum votta ég
innilega samúð. Ástarkveðjur frá
þinni fóstru.
Ólöf (Olla).
Bragi
Kristjánsson
✝ Kristín Guð-björg Ingi-
mundardóttir
fæddist í Gerði á
Barðaströnd 8. apr-
íl 1919. Hún lést á
Heilbrigðisstofn-
uninni, Patreks-
firði, 14. júní 2011.
Foreldrar henn-
ar: Guðbjörg B. Jó-
hannesdóttir, f. 28.
okt. 1887, d. 1962,
og J. K. Ingimundur Jóhann-
esson, f. 3. mars, 1895. d. 1973.
Systkini hennar: J. Magnús, f.
18. desember 1914, d. 1997. S.
Þórður, f. 28. ágúst 1916, d.
2005. Jóhanna B., f. 10. janúar
1921, d. 2006. Kjartan, f. 25.
ágúst 1923, d. 2008. Lilja, f. 26.
desember 1924, d. 2000. Ólafur
S., f. 4. ágúst 1927. Hjálmar, f.
2. nóvember 1928. Fóstursystir
þeirra er Lilja S. Jónsdóttir, f.
4. nóv. 1939.
Ingimundarson. c) Kristófer
Ingimundarson, fyrrverandi
eiginkona Anna B. Björnsdóttir.
Börn: Guðrún L. Kristófers-
dóttir, Sigurjóna Kristófers-
dóttir, Birna S. Kristófers-
dóttir. 2) Torfi Elís Andrésson.
Barn: Ninja D. Torfadóttir,
maki: Hilmar Þ. Pétursson.
Börn : Jason A. Hilmarsson,
Marín A. Hilmarsdóttir. 3)
Kristjana Andrésdóttir, maki:
Heiðar I. Jóhannsson. Börn: a)
Andrés M. Heiðarsson, sam-
býliskona: Áshildur S. Sigurð-
ardóttir. Barn: Benjamín Ó.
Andrésson. b) Linda H. Heið-
arsdóttir, maki: Hallur G. Heið-
arsson. Börn: Andrea D. Halls-
dóttir, Heiðar G. Hallsson,
Hilmar Þ. Hallsson, Hjalti Þ.
Heiðarsson.
Kristín og Andrés bjuggu all-
an sinn búskap á Gileyri og
byggðu upp öll hús á jörðinni.
Kristín starfaði sem ljósmóðir,
fyrst við sjúkrahúsið á Patreks-
firði og síðan á Tálknafirði,
með húsmóðurstörfum.
Útför Kristínar fer fram frá
Tálknafjarðarkirkju í dag, 23.
júní 2011, og hefst athöfnin kl.
14.
Hinn 27. október
1948 giftist Kristín
Andrési Torfasyni,
f. 27. október 1916,
d. 2002. Foreldrar
hans: G. J. Elísabet
Guðjónsdóttir, f.
15. jan. 1897, d.
1986 og Torfi S.
Ólafsson, f. 18.
sept. 1888, d. 1967.
Þau eignuðust þrjú
börn sem eru: 1)
Ingimundur G. Andrésson,
maki Sigurjóna Kristófers-
dóttir. Börn: a) Kristín G. Ingi-
mundardóttir, maki: Páll H.
Halldórsson. Börn: Sólveig S.
Pálsdóttir, unnusti: Björn I.
Pálsson. Rebekka H. Pálsdóttir,
unnusti: Ingþór Keransson.
Auður M. Pálsdóttir. b) Lilja Bj.
Ingimundardóttir, sambýlis-
maður: Ingimundur Ó. Sverr-
isson. Börn: Kristófer Í. Ingi-
mundarson, Ingimundur Á.
Hún Stína frænka, móðursystir
mín, er látin 92 ára gömul.
Ég hef þekkt hana alla mína
ævi en hún var „ljósan“ mín, tók á
móti mér á Þórsgötu 21 þegar ég
fæddist. En hún var þá hér fyrir
sunnan í ljósmóðurnámi.
Mér finnst hún alla tíð hafa ver-
ið fóstra mín, en hjá þeim hjónum
Stínu og Andrési Torfasyni manni
hennar var ég í sveit á sumrum á
þeim fallega stað Gileyri, Tálkna-
firði, frá 3ja ára aldri allt fram á
unglingsár. Þar var ég alltaf sem
einn af fjölskyldunni og á ég frá
þeim tíma mjög góðar, ógleyman-
legar minningar.
Ég vil þakka fyrir þennan
ómetanlega tíma sem ég varð að-
njótandi í sveitinni hjá þessum
heiðurshjónum og börnunum
þeirra, Ingimundi, Torfa og Krist-
jönu, – og minnist hennar Stínu
frænku nú með þessum fátæklegu
orðum.
Hún Stína frænka var allt í öllu
í firðinum fagra. Hún var mikill
bóndi og þrældugleg til allra
verka og það voru ekki til þau verk
sem hún ekki gekk í af fullum
krafti.
Bernskuminningar mínar eru
að Stína kom suður til að öðlast
endurmenntun í sínu fagi og tók
mig gjarnan með vestur hvernig
svo sem ferðalagið var, hvort sem
farið var með skipum eða svoköll-
uð landleið, þar sem ekið var hluta
leiðar með rútu eða „boddý“-bíl og
sjóleiðin farin um Breiðafjörð.
Eftir miðjan sjötta áratuginn
þegar bátarnir Tálknfirðingur og
Guðmundur á Sveinseyri voru
komnir til, þá fór ég þetta á eigin
vegum og spurði ekki um leyfi.
Alltaf var mér tekið af velvild
og virðingu af fjölskyldunni á Gi-
leyri.
Takk fyrir allt.
Helgi Ívarsson.
Kristín Guðbjörg Ingimundar-
dóttir er fallin frá í hárri elli og
verður hún síðust heiðursfélaga
kvenfélagsins Hörpu á Tálknafirði
til að kveðja. Kristín starfaði sem
ljósmóðir hér á Tálknafirði um
áratugaskeið og var bæði natin og
umhyggjusöm í starfi sínu. Hún
var ein stofnenda kvenfélagins
Hörpu og starfaði þar af ósérhlífni
meðan kraftar entust. Kristín átti
við mikla vanheilsu að stríða síð-
ustu ár ævinnar og dvaldi á Heil-
brigðisstofnun Patreksfjarðar frá
því í janúar 1999.
Með störfum sínum fyrir kven-
félagið Hörpu gaf hún þeim sem
yngri eru góða fyrirmynd og mun
minning hennar lifa áfram í okkar
félagsskap. Við óskum henni vel-
farnaðar á nýjum leiðum og vott-
um ástvinum hennar öllum okkar
dýpstu samúð. Megi hún hvíla í
friði.
F.h. félagskvenna í kvenfélag-
inu
Hörpu, Tálknafirði,
Ása Jónsdóttir.
Kristín Guðbjörg
Ingimundardóttir


  


 



 
    
       
✝
Þökkum auðsýnda samúð og vinarhug við
andlát og útför móður okkar, tengdamóður,
ömmu og langömmu,
GÍSLÍNU MAGNÚSDÓTTUR,
Höfðagrund 11,
Akranesi.
Magnús Ólason, Þóra Másdóttir,
Hlöðver Örn Ólason,
Sigríður K. Óladóttir, Þórður Sveinsson,
Valentínus Ólason, Halldóra Jónsdóttir,
barnabörn og barnabarnabörn.
✝
Móðir okkar,
LILJA BJÖRNSDÓTTIR,
sem lést á Fellsenda mánudaginn 20. júní,
verður jarðsungin frá Kvennabrekkukirkju
laugardaginn 25. júní kl. 14.00.
Fyrir hönd aðstandenda,
Dagný Kristín Gunnarsdóttir,
Kristbjörg Gunnarsdóttir.
✝
Elskuleg móðir okkar, tengdamóðir, amma
og langamma,
ANNA ERLA CLAUSEN,
Garðarsbraut 83,
áður Mararbraut 9b,
Húsavík,
lést á Heilbrigðisstofnun Þingeyinga laugar-
daginn 18. júní.
Útförin fer fram frá Húsavíkurkirkju föstudaginn 24. júní kl. 14.00.
Þórdís Arngrímsdóttir, Stefán Jón Bjarnason,
Örn Arngrímsson, Kristín Magnúsdóttir,
Sigrún Arngrímsdóttir,
Huld Arngrímsdóttir, Jónas Ásgrímsson,
Brynja Arngrímsdóttir, Sigurður Hálfdanarson,
Ingolf Klausen, Sigríður Stefánsdóttir,
barnabörn og barnabarnabörn.
✝
Eiginkona mín, móðir okkar, tengdamóðir,
amma og langamma,
ÞÓRDÍS MAGNÚSDÓTTIR
frá Skálmarnesmúla,
lést á Hrafnistu í Reykjavík þriðjudaginn
21. júní.
Útförin fer fram frá Árbæjarkirkju í Reykjavík
þriðjudaginn 28. júní kl. 15.00.
Jarðsett verður síðar í Skálmarnesmúlakirkjugarði.
Jón Finnbogason,
Steinunn Pétursdóttir,
Finnbogi Jónsson, Þuríður Kristjánsdóttir,
Kolbrún Jónsdóttir, Þorvaldur Ottósson,
Nanna Áslaug Jónsdóttir, Gísli Ásberg Gíslason,
barnabörn og barnabarnabörn.
✝
RAGNHEIÐUR HELGA VIGFÚSDÓTTIR,
lést á Landspítalanum sunnudaginn 19. júní.
Jarðarförin verður auglýst síðar.
Fyrir hönd aðstandenda,
Halla Bergsdóttir.
✝
Ástkær móðir, tengdamóðir, amma og systir,
KATRÍN ÞÓRÐARDÓTTIR WALLACE,
er látin í Bandaríkjunum.
Bálför hefur farið fram.
Útförin fer fram frá Fossvogskapellu
föstudaginn 24. júní kl. 15.00.
John Thor, Nancy Mary, Alexander Thor
og Nathan Thomas Wallace,
Thor Wallace,
systkini og aðrir ættingjar.