Morgunblaðið - 21.07.2011, Qupperneq 12

12 FRÉTTIRInnlent
MORGUNBLAÐIÐ FIMMTUDAGUR 21. JÚLÍ 2011
Blómlegur Grasagarður.
Í dag, fimmtudag, verður farið í
fræðslugöngu um rósir í Grasa-
garði Reykjavíkur. Eftir fræðsluna
verður gengið yfir í skrúðgarðinn í
Laugardal þar sem nýr Rósagarður
Rósaklúbbs Garðyrkjufélags Ís-
lands, Reykjavíkurborgar og Ynd-
isgróðurs verður formlega vígður.
Jóhanns Pálsson, grasafræðingur
og fyrrum garðyrkjustjóri Reykja-
víkur leiðir gönguna. Gangan hefst
við Café Flóru kl. 17. Þátttaka er
ókeypis og öllum opin.
Rósaganga
Elín Soffía Ólafsdóttir, prófessor í
lyfja- og efnafræði náttúruefna við
Háskóla Íslands, hefur hlotið styrk
úr sjóði Selmu og Kays Langvads.
Styrkurinn er upp á 75 þúsund
danskar krónur og er veittur til að
efla samskipti og rannsóknarsam-
starf Háskóla Íslands við danskar
vísindastofnanir og háskóla.
Elín Soffía hefur sérhæft sig í
rannsóknum á lífvirkum nátt-
úruefnum úr íslensku lífríki og þá
aðallega úr lágplöntum og fléttum.
Rannsóknirnar hafa einkum beinst
að lífvirkum efnum sem gætu
reynst fyrirmyndir lyfjasprota við
erfiðum sjúkdómum á borð við
taugahrörnunarsjúkdóma og
krabbamein.
Sjóðurinn Selma og Kay Lang-
vads Legat til udvikling af den kult-
urelle forbindelse mellem Island og
Danmark var stofnaður með pen-
ingagjöf hjónanna Selmu og Kays
Langvads verkfræðings við Há-
skóla Íslands árið 1964. Tilgangur
sjóðsins er að efla menningartengsl
Íslands og Danmerkur.
Í stjórn sjóðsins sitja Sören Lang-
vad, Hafliði Pétur Gíslason, pró-
fessor í eðlisfræði, og Kristín Ing-
ólfsdóttir, rektor Háskóla Íslands.
Elín Soffía Ólafsdóttir prófessor fær styrk
til að efla tengsl Íslands og Danmerkur
Í dag, fimmtudag, stendur Ljós-
myndasafn Reykjavíkur fyrir sér-
stakri sögugöngu um slóðir vinstri-
manna. Lagt verður á stað kl. 20 úr
Grófinni milli Tryggvagötu 15 og
17. Það verða hjónin Svavar Gests-
son fyrrverandi ráðherra og sendi-
herra, og Guðrún Ágústsdóttir,
fyrrverandi forseti borgarstjórnar,
sem leiða gönguna. Þátttaka er
ókeypis.
Samkvæmt upplýsingum frá ljós-
myndasafninu verður m.a. gengið
að Alþýðuhúsinu þar sem verka-
lýðssamtök, Alþýðuflokkurinn og
Alþýðublaðið voru til húsa.
Þá verður saga Þjóðviljans rakin
en blaðið var til húsa við Skóla-
vörðustíg 19 í áratugi. Svavar var
ritstjóri blaðsins lengi.
Einnig verður gengið að húsi
Máls og menningar og Fjalakett-
inum en þar var Bröttugötusal-
urinn þar sem Kommúnistaflokkur
Íslands hélt marga fundi sína. Í
Vinaminni við Mjóstræti höfðu
Samtök hernámsandstæðinga skrif-
stofur um skeið.
Morgunblaðið/Eggert
Rúblan Hús bókabúðar Máls og menning-
ar tengist m.a. sögu vinstrimanna.
Ganga um slóðir
vinstrimanna
Hinn árlegi Barnadagur í Viðey verður
haldinn hátíðlegur sunnudaginn 24. júlí.
Margt er að sjá og ýmislegt sem þarf að
rannsaka og því er tilvalið að taka sigti
eða háf með í Viðeyjarferðina, svo hægt
sé að skoða allar furðuskepnurnar og
fjársjóðina sem finnast í flæðarmálinu.
Valdór Bóasson smíðakennari heldur ör-
námskeið í flugdrekagerð við Skemm-
una og er öllum boðið að taka þátt meðan
birgðir endast. Þá verður efnt til keppni
um fallegasta villiblómvöndinn. Í Viðeyj-
arkirkju er Barnamessa kl.15:00. Félagar úr skátafélaginu Landnemum
mæta á staðinn og stjórna útileikjum upp á gamla mátann en þessir leikir
hafa sannarlega slegið í gegn hjá ungum og eldri gestum Viðeyjar
Viðeyjarstofa er opin frá 11:30 til 17:00 og matseðillinn fjölbreyttur.
Börnin boðin velkomin í Viðey á sunnudag
Börn Margt verður í boði fyrir börnin
úti í Viðey næstkomandi sunnudag.
Í dag, fimmtudag, verður
uppskeruhátíð Skapandi sum-
arstarfa hjá ungmennahúsinu Mol-
anum í Kópavogi. Kl. 11-14 verður
slegið upp götuhátíð á Hálsatorgi, í
Hamraborg, þar sem ungmennin
sýna og selja af sér flíkurnar á flóa-
markaði, fara í leiki og spila spil.
Kl. 19:30-22:30 verður svo boðið til
stofustemmningar í Molanum að
Hábraut 2. Gestum gefst þar tæki-
færi til að prófa nýjan íslenskan
tölvuleik og borðspil. Auk þess
verður listasýning og boðið verður
upp á kræsingar.
Uppskeruhátíð
í Kópavogi
STUTT
ÚR BÆJARLÍFINU
Skapti Hallgrímsson
Akureyri
Bara svo það sé á hreinu þá er best
að upplýsa að veðrið er mjög gott í
höfuðstað Norðurlands.
  
Ég heyrði tvær konur á miðjum
aldri rifja upp í vikunni að þær fóru
oft með kringlu og Sinalco í Lysti-
garðinn. Alltaf sól í minningunni.
  
Frá og með næsta sumri verður
ekki nauðsynlegt að hafa með sér
nesti; Akureyrarbær hefur ákveðið
að byggt verði kaffihús í þeim helga
reit, Lystigarðinum. Ráðgert er að
það verði opnað næsta sumar, á 100
ára afmæli garðsins.
  
Samið hefur verið við félagið
1912 Veitingar um leigu á húsnæð-
inu. Kollgáta sér um að hanna húsið
og stefnt er að útboði í bygginguna í
október.
  
Hvalreki fyrir djassunnendur:
Tríó Sunnu Gunnlaugsdóttur pían-
ista verður með tónleika í Ketilhús-
inu í kvöld, á Heitum fimmtudegi
Jazzklúbbs Akureyrar. Veislan byrj-
ar kl. 21.30.
  
Skipulagsstjóri bæjarins hefur
samþykkt erindi frá Becromal, þar
sem sótt var um leyfi til að stækka
núverandi verksmiðjubyggingu í
Krossanesi um rúma 350 fermetra í
norðaustur.
  
Krakkar í vinnuskólanum hvíldu
sig á grasi og njóla á þriðjudags-
morgun en streymdu þess í stað í
menningarhúsið Hof, þar sem Ing-
ólfur Þórarinsson skemmti þeim
með sögum, söng og gítarspili.
  
Á fjórða hundrað krakkar voru í
Hofi og höfðu gaman af að sögn.
Ekki spillti fyrir að nemendur í tón-
listarvinnuskólanum höfðu æft
nokkur lög eftir Ingó og fluttu sína
útgáfu af þeim á sviðinu í Hofi.
  
Fólk hefur líklega ekki heyrt um
þennan tónlistarvinnuskóla, enda
boðið upp á hann í fyrsta skipti í
sumar. Hann hefur verið starf-
ræktur í Hofi og er samvinnuverk-
efni hússins, bæjarfélagsins og Tón-
listarskóla Akureyrar.
  
Krakkar í þessum nýstárlega
skóla eru allir í tónlistarnámi yfir
veturinn og fá með þessu tækifæri
til að halda áfram æfingum og námi
yfir sumartímann. Í tónlistarvinnu-
skólanum er meðal annars lögð
áhersla á að efla tónsköpun og frum-
kvæði nemenda. Hið besta mál.
  
Lára Sóley Jóhannsdóttir fiðlu-
leikari stjórnar tónlistarvinnuskól-
anum en meðal annarra kennara eru
Kristín Þóra Haraldsdóttir, Jana
María Guðmundsdóttir og Sæunn
Þorsteinsdóttir. Krakkarnir hafa
m.a. spilað fyrir íbúa dvalarheimila
bæjarins.
  
Margrét Brynjarsdóttir messó-
sópran og Gísli Jóhann Grétarsson,
gítarleikari og tónskáld, koma fram
á Sumartónleikum í Akureyr-
arkirkju á sunnudaginn. Bæði eru í
mastersnámi í tónlistarháskólanum í
Piteå og flytja nú óperuaríur. Gísli
hefur útsett undirleikinn fyrir gítar,
Tónleikarnir hefjast kl. 17.00.
  
Hljómsveitin Hjaltalín verður
með tónleika á Græna hattinum í
kvöld og aðra á laugardagskvöldið.
Annað kvöld verða á sviðinu Pétur
Ben & Eberg.
  
Akureyri handboltafélag verður
með samkomu á Pósthúsbarnum frá
kl. 23.59 á laugardagskvöldið. Strák-
arnir eru að safna fyrir æfingaferð
til Þýskalands síðsumars.
Jurtate á 100 ára afmælinu?
Ljósmynd/Sara Skaptadóttir
Blómlegt Kringla og Sinalco, tertusneið og kaffi eða jurtate eða bara
göngutúr; það er jafnan huggulegt í Lystigarðinum á Akureyri.
Lára Hilmarsdóttir
larah@mbl.is
„Sjálfbærni er lykilþátturinn í
þessu,“ segir Jón Geir Pétursson,
sérfræðingur hjá umhverfisráðu-
neytinu, um hugmyndir umhverfis-
og samgöngusviðs Reykjavíkur-
borgar um að minnka tún og gras-
flæmi í borginni og í staðinn rækta
sjálfbærari gróður. Að sögn Ellýjar
Katrínar Guðmundsdóttur, sviðs-
stýru umhverfis- og samgöngusviðs
Reykjavíkurborgar, er „þetta enn á
hugmyndstigi en það er jákvæðni og
áhugi á því að verkefnið hljóti fram-
gang“.
Grasblettir víða á hringtorgum,
umferðareyjum og við stofngötur í
borginni eru bæði kostnaðarsamir
og „afskaplega ósjálfbærir, kalla á
slátt mörgum sinnum á ári og um-
hirðu, það þarf því að hafa mikið fyr-
ir þessum svæðum,“ segir Jón Geir.
Ef þau eru ekki slegin berst þaðan
mikið af frjókornum út í andrúms-
loftið sem veldur ófáum miklum
óþægindum á sumrin.
Hugmyndin er sú að í stað slíkra
grasbletta komi fjölbreyttur gróður,
mismunandi eftir hverju svæði, sem
myndi leiða til talsverðs sparnaðar
vegna þess að sjaldnar þyrfti að slá
og hirða um túnin.
Auk sparnaðar geta fyrirhugaðar
breytingar haft ýmis jákvæð áhrif í
för með sér. Sem dæmi myndi gróð-
urinn „aðstoða við bindingu svif-
ryks“ og draga úr frjókornamagni
auk þess að setja „hlýlegri blæ á
borgina,“ segir Ellý. Það mun vænt-
anlega skýrast í vetur hvort ráðist
verður í slíkar framkvæmdir.
Sjálfbærni lykilþáttur
 Í Reykjavík eru margir kostnaðarsamir grasblettir
 Spara og draga úr svifryki með sjálfbærum gróðri
Morgunblaðið/Kristinn Ingvarsson
Snorrabraut Á sumrin þarf að slá tún og umferðareyjar þrisvar auk þess sem
fjölfarnir staðir eru slegnir vikulega. Æði mikill kostnaður hlýst af þessu.
„Það eru ýmsar leiðir færar, t.d. er
hægt að vera með minna af hrað-
vaxta grösum og í staðinn er
möguleiki á að gróðursetja aðrar
plöntur, m.a. smára, runna, rifs,
blómrunna og tré,“ segir Jón Geir
Pétursson, sérfræðingur hjá um-
hverfisráðuneytinu. Mörg tækifæri
felast í gróðursetningu sjálfbærra
plantna á þéttbýlissvæðinu, í stað
„óæskilegra“ túna. „Það er hægt
að hafa veruleg áhrif á svifryk með
gróðri sem rís upp úr svarðlaginu,
tré og runnar, þeir eru eins og
greiður í andrúmsloftinu sem
veiða svifrykið sem skolast í jarð-
veginn með rigningu,“ segir Jón
Geir. Slíkur gróður getur þar að
auki dregið úr heilbrigðisvanda-
málum svo sem frjókornaofnæmi,
auk þess sem „æ fleiri rannsóknir
sýna fram á mikilvægi gróðursins
fyrir andlega vellíðan almenn-
ings“.
Ýmsar leiðir færar
SJÁLFBÆRAR PLÖNTUR Í STAÐ „ÓÆSKILEGRA“ TÚNA