Morgunblaðið - 31.08.2011, Qupperneq 18

18 UMRÆÐAN
Bréf til blaðsins
MORGUNBLAÐIÐ MIÐVIKUDAGUR 31. ÁGÚST 2011
Þann 9. september kemur út
glæsilegt sérblað um börn
og uppeldi sem mun
fylgja Morgunblaðinu
þann dag
ÖRYGGI BARNA INNAN OG UTAN HEIMILIS
BARNAVAGNAR OG KERRUR
BÆKUR FYRIR BÖRNIN
ÞROSKALEIKFÖNG
UNGBARNASUND
VERÐANDI FORELDRAR
FATNAÐUR Á BÖRN
GLERAUGU FYRIR BÖRN
ÞROSKI BARNA
GÓÐ RÁÐ VIÐ UPPELDI
NÁMSKEIÐ FYRIR BÖRNIN
TÓMSTUNDIR FYRIR BÖRNIN
BARNAMATUR
BARNALJÓSMYNDIR
ÁSAMT FULLT AF SPENNANDI EFNI UM BÖRN
–– Meira fyrir lesendur
PÖNTUNARTÍMI AUGLÝSINGA:
Fyrir kl. 16,
mánudaginn 5. sepember
NÁNARI UPPLÝSINGAR GEFUR:
Katrín Theódórsdóttir
kata@mbl.is
Sími: 569-1105
Börn & uppeldi
SÉRBLAÐ
Börn & uppeldi
Það mun hafa verið
einhvern tíma á sögu-
öld að bón barst Al-
þingi, að Noregskon-
ungur mætti kaupa
Grímsey. Málið var
rætt meðal þingmanna
og voru skoðanir
skiptar. En þá tók
Einar Þveræingur
Eyjólfsson af skarið
og lagðist eindregið á
móti því, að orðið yrði
við beiðni Noregskonungs. Benti
hann á, að þótt Grímsey væri lítil
að flatarmáli, þá mætti ala þar her
manns, því hlunnindi væru þar
mikil, gnægð matar handa heilum
her. Væri þá hægur vandi að leggja
undir sig allt Ísland, þegar búið
væri að ná fótfestu í slíkri matar-
kistu sem Grímsey er. Fallist var á
þessi rök Einars og var bón Nor-
egskonungs hafnað.
Ég undirritaður er nýorðinn 84
ára og er vistmaður á Litlu-Grund
hér í borg. Þar sem ég er ekkju-
maður hef ég nægan tíma til þess
að fylgjast með útvarpi en þó eink-
um sjónvarpi, því hér er aðstaða til
að fylgjast með nær öllum sjón-
varpsstöðvum og hefi ég nýtt mér
þá aðstöðu og einkum horft á nor-
rænu stöðvarnar, norsku, sænsku
og dönsku. Fyrir skömmu var einn
þátturinn um umsvif Kínverja í
Afríku. Kína er fjölmennt land, ca.
1200 milljónir íbúa. Þeir komast
ekki fyrir í heimalandi sínu og gera
því útrásir til annarra landa og
taka sér þar húsbóndavald. Í Afr-
íku eru víða veikburða verklýðs-
félög og nýta Kínverjar sér það út í
yztu æsar. Kvarti Afríkubúi við
hinn kínverska verk-
taka er hann um-
svifalaust rekinn. Er
þetta það ástand sem
við viljum skapa vin-
um okkar á Hóls-
fjöllum? Því skora ég
á ríkisstjórnina að
hafna beiðni hins kín-
verska auðmanns um
samþykki á sölu
Grímsstaða á Fjöllum.
Einn þáttur í banda-
rísku sjónvarpi var um
lokaviðskipti indíána
við yfirvöld í U.S.A. Yfirvöld buðu
indíánum skaðabætur fyrir land
þeirra. Þetta skildu indíánarnir
ekki, einkum Sitting Bull, höfðingi
þeirra. Þegar hann var krafinn
skýringa tjáði hann fulltrúum
Bandaríkjastjórnar, að orðið eign-
arréttur á landi væri ekki til í
tungu indíána. Frekar mátti skilja
á máli hans, að landið ætti hann.
Minnugir þessarar speki indíán-
anna skulum við fara hægt í að
selja land, sem við kannske alls
ekki eigum, en erum aðeins með að
láni meðan á jarðvist okkar stendur
og eigum svo að skila afkomendum
okkar jafngóðu og helst betra
landi, en við tókum við.
Reykjavík, 26. ágúst 2011.
Man nú enginn Ein-
ar Þveræing lengur?
Eftir Leif Sveinsson
» Því skora ég á ríkis-
stjórnina að hafna
beiðni hins kínverska
auðmanns um samþykki
á sölu Grímsstaða á
Fjöllum.
Leifur Sveinsson
Höfundur er lögfræðingur.
Ég tel mig heppinn
mann því að ég hef
fengið að taka þátt í
starfi Félags sjálfstætt
starfandi fræðimanna á
Norðurlandi. Í daglegu
tali köllum við okkur
AkureyrarAkadem-
íuna. Ég bættist í hóp-
inn 2008 en þá hafði fé-
lagið verið starfandi um
tveggja ára skeið. Og
nú erum við orðin fimm
ára. Það er ástæða til þess að fagna
því og ekki síður að þakka þeim sem
áttu frumkvæði að stofnun félagsins á
sínum tíma. Helsta ástæðan fyrir
stofnun AkureyrarAkademíunnar
var sú að nýta þyrfti betur þekkingu
fræðafólks á Norðurlandi, skapa því
vettvang til miðlunar og umræðu
innávið sem og til samfélagsins. Þá
knúði á þörf þessa hóps fyrir starfs-
aðstöðu til rannsókna, og þörf sam-
félagsins fyrir setur fræða, þangað
sem stofnanir og fyrirtæki gætu einn-
ig leitað eftir sérþekkingu á
ákveðnum sviðum.
Fræðastarf í gamla
Húsmæðraskólanum
Segja má að fljótlega hafi hug-
myndin að baki AkureyrarAkademí-
unnar þróast í tvískipta hugmynd.
Við hlið fræðastarfseminnar sem er
meginmarkmið félagsins, varð hús-
næðið sjálft hluti af starfinu. Mörg
þau sem nýttu sér aðstöðuna sem Ak-
ureyrarAkademían hafði komið sér
upp í gamla Húsmæðraskólanum
tóku ástfóstri við húsið og varð húsið
fljótlega því mikilvægur liður í starfi
félagsins. Þau sem
starfa í húsinu tala ein-
um rómi um þann góða
anda sem ríkir í húsinu.
Þar er bjart, vítt til
veggja, hátt til lofts og
gluggar stórir, allt
þættir sem eru til þess
fallnir að þau sem þar
starfi eflist að víðsýni
og geti leyft sköp-
unargleðinni að ráða
ferðinni. Það er ekki
laust við að maður öf-
undi þau sem gengu í
skóla í þessu húsi á sín-
um tíma, enda húsmæðrakennslu
sómi sýndur með þessu veglega húsi.
Því er ánægja okkar sem nú störfum í
húsinu um svo meiri að fá að halda
húsinu og því starfi sem þar fór fram
á lofti.
Akademía Akureyrar
Í hugum margra, bæði heima-
manna og annarra, er Akureyri
skólabær enda setja menntastofn-
anirnar allar sterkan svip á menning-
arlíf bæjarins. Tilkoma Akureyr-
arAkademíunnar hefur enn aukið á
þessa ímynd og bætt enn einum
kosti í þá menningar- og mennta-
flóru sem bærinn býður. Frá upphafi
hefur Akademían sóst eftir samstarfi
við menntastofnanir bæjarins, meðal
annars í tengslum við viðburði eins og
haust- og vorþing, sem og árlegar
fyrirlestraraðir. Afnot Akademíunn-
ar af húsnæðinu að Þórunnarstræti
99 eru auk þess til komin í góðu sam-
starfi við Háskólann á Akureyri.
Starfsvæði Akademíunnar nær vissu-
lega til Norðurlands í heild, en þótt
áhersla sé lögð á að efla tengsl við
fræðasetur á svæðinu öllu eru um-
svifin mest innan Akureyrar. Það er
þó fremur litið jákvæðum augum
enda er öflug miðstöð mikilvæg for-
senda öflugs starfs á víðfeðmu starfs-
svæði. Þótt Akademían leggi mikið
upp úr góðu samstarfi við skóla og
fræðasetur innan Akureyrar sem ut-
an er sérstaða Akademíunnar henni
einnig hugleikin. Staða Akademíunn-
ar utan menntakerfisins, samhliða
góðum tengslum hennar innan þess,
eflir fræðastarf svæðisins í heild.
Ýmsa sérfræðikunnáttu er meðal
annars að finna innan raða Akade-
móna sem ekki er að finna innan ann-
arra fræðasetra á svæðinu. Auk þess
er Akademían góður kostur sem eyk-
ur starfsmöguleika fræðafólks á
svæðinu.
Stuðningur samfélagsins
mikilvægur
Því er eins farið með Akureyr-
arAkademíuna og marga aðra aðila
hér á landi að fjárhagurinn er þröng-
ur. Það er því rík ástæða fyrir okkur
sem störfum sem sjálfboðaliðar í
Akademíunni að hvetja sem flesta til
þess að styðja við Akureyr-
ararAkademíuna. Með því að sækja
viðburði í gamla Húsmæðraskól-
anum, sýna starfinu áhuga og tala
okkar máli sem víðast getum við í
sameiningu haldið áfram því góða
starfi sem hugsjónafólkið sem stóð að
stofnun félagsins ýtti úr vör. Ég er
sannfærður um að við erum fjölmörg
sem viljum sjá gamla Húsmæðraskól-
ann á Akureyri í góðum höndum. Þá
er ég líka handviss um að langflestir
þeirra tæplega 3.000 gesta sem sótt
hafa AkureyrarAkademíuna heim á
síðustu fimm árum vilja sjá starf fé-
lagsins halda áfram að dafna og
blómstra. Tökum höndum saman,
byggjum upp lifandi fræðasamfélag í
AkureyrarAkademíunni.
Stöndum saman um
AkureyrarAkademíuna
Eftir Pétur Björg-
vin Þorsteinsson » Fjöldi fólks stendur
þétt á bak við Akur-
eyrarAkademíuna. Nú
þegar fjárhagurinn er
þröngur er mikilvægt að
sú uppbygging sem orð-
ið hefur glatist ekki.
Pétur Björgvin
Þorsteinsson
Höfundur er djákni í Glerárkirkju og
formaður AkureyrarAkademíunnar.
Hverjum finnst ekki yndislegt að
vakna upp við nístandi hávaða jafnvel
áður en haninn galar. Þessir ynd-
islegu Tékkar
okkar sem við
vorum svo heppin
að fá að vinna
með vöktu okkur
einmitt upp á
þennan hátt, lát-
andi okkur halda
að hörmungar-
atburður hefði átt
sér stað. Fólk var
misjafnlega auð-
trúa þegar það sá Tékkana í hvítum
málningarbúningum með gjallarhorn
og enginn vissi sitt rjúkandi ráð. Allir
hlupu hver í sína áttina og í misgóðu
ástandi, sumir klæddu sig í rólegheit-
unum og burstuðu tennurnar meðan
aðrir ruku út á undirfötunum hálfsof-
andi. Þegar út var komið áttuðu flest-
ir sig á að enginn hörmungar-
atburður hafði átt sér stað og þetta
var bara æfing.
Við vorum rekin eftir götunni eins
og ráðvilltar kindur þar til við komum
í byrgið okkar sem var pínulítið her-
bergi þar sem allt fór úr böndunum.
Hver og einn fékk ýktan karakter til
að leika, engir voru sammála og mörg
deiluefni komu upp. Ákveðnir aðilar
grenjuðu og vældu ef þeim var ekki
veitt sú umhyggja sem þau þurftu og
hinir vildu drepa þá sem veikburða
voru. Eftir langar sveittar rökræður
og ádeiluefni var gott að komast í
ferskt loft og vita að allir voru vinir
aftur. Langþráður morgunmaturinn
batt svo enda á frábært verkefni hjá
Tékkunum. Um kvöldið þegar ég leit
í spegilinn heyrðist í einum Tékk-
anum fyrir aftan mig sem sagði að ég
liti vel út, ætli að það hafi ekki bara
verið samviskubitið að naga hann eft-
ir örlagaríka vakningu um morgun-
inn. Þetta var eitt af eftirminnileg-
ustu verkefnum mínu á þessu
námskeiði þar sem yfirskriftin var
„Taking action when disaster strik-
es.“ Það má segja að það hafi átt vel
við.
Nokkrir hugmyndaríkir sjálf-
boðaliðar á vegum AFS komu þessu
tveggja ára verkefni af stað milli Ís-
lands, Belgíu, Tékklands og Portú-
gals. Það er svo haldið tvisvar sinnum
á ári, einu sinni í hverju landi og mun
þessu samstarfi ljúka í Portúgal í
september 2011.
Þetta 10 daga verkefni gekk út á að
öðlast reynslu bæði innbyrðis og frá
öðrum yndislegum sjálfboðaliðum og
frá björgunarsveitum og lögreglu-
þjónum landsins. Við lærðum að
bregðast við í hinum ýmsu aðstæðum,
allt frá skógareldum til jarðskjálfta
og allt þar á milli. Einnig vorum við
svo heppin að fá að smakka ljúffeng-
an mat frá ókunnu löndunum, auðvit-
að elduðum við Íslendingarnir lamba-
læri sem klikkaði ekki. Öll áttum við
það sameiginlegt að hafa verið skipti-
nemar í ókunnum löndum um ein-
hvern tíma. Þarna vorum við svo
saman komin á Íslandi. Það var með-
al annars Evrópa unga fólksins sem
gerði okkur kleift að halda þessi ung-
mennaskipti.
LILJA BJÖRK
BJARNADÓTTIR,
skiptinemi.
Ævintýraleg vika
Frá Lilju Björk Bjarnadóttur
Lilja Björk
Bjarnadóttir