Húsfreyjan - 01.07.1960, Qupperneq 12

HVER DAGUR
VAR
KRAFTAVERK
Frú Halína Kowalska sendifulltrúi
SEM STENDUR veitir kona aðeins einu
erlendu sendiráði á Islandi forstöðu. Það
er pólska sendiráðið, sem frú Halina
Kowalska sendifulltrúi stýrir.
Kynni milli fslands og Póllands hafa
verið takmörkuð fram að þessu og m, a.
þess vegna báðum við frú Kowalska að
segja lesendum Húsfreyjunnar ögn af
sínum högum og þá um leið af högum
pólskra kvenna almennt.
Ég er fædd og uppalin í höfuðborg
Póllands, Varsjá, sagði frú Kowalska, en
gatan þar sem ég fæddist, var jöfnuð við
jörðu, þegar Pólverjar gerðu uppreisn
gegn herfjötri nazista 1944. Þá voru 85
hundraðshlutar Varsjár lagðir í rúst, svo
að nú þekki ég mig naumast aftur, er ég
geng um borgina endurbyggða. Ég lauk
lögfræðiprófi við háskóla borgarinnar og
ég verð alltaf hrærð, er ég geng fram hjá
fallega, stóra jámhliðinu framan við há-
skólann og lít á aðalbygginguna, sem var
eitt af fáum húsum, sem uppi stóð eftir
styrjöldina. Nú hefur háskólinn verið
stækkaður og endurbættur, en ber þó enn
svo mikið af sínum gamla svip, að end-
urminningarnar frá hinum Ijúfu æsku-
árum koma í hugann í hvert sinn og farið
er hjá. Ég veit ekki, hvort nokkur getur
skilið, hve dýrmætt mér var, er ég kom
til þess að fá endurnýjuð námsskilríki
mín að styrjöldinni lokinni, að sjá nafn
hins sama háskólaritara á afritinu og var
á frumskírteini mínu. Slíku verður mað-
ur feginn á tímum, þegar enginn veit,
hver enn er lífs af þeim, sem maður
þekkti fyrrum.
Eftir að ég útskrifaðist úr háskólanum,
réðist ég til starfa hjá bæjaryfirvöldun-
um. Hugur minn stóð mjög til þess að
geta orðið dómari við unglingadómstól,
en þá hefði ég fyrst orðið að vinna kaup-
laust í mörg ár á málfærsluskrifstofu
og til þess skorti mig efni. Nú eru lang-
flestir dómarar við slíka dómstóla í Pól-
landi konur og má telja það eðlilegt, þær
ættu að skilja betur vandamál unglinga,
sem komast í andstöðu við lögin ein-
hverra hluta vegna.
Hvar dvölduð þér á stríðsárunum?
Ég var alltaf í Póllandi, en þá urðu
menn að flytja stað úr stað og vinna
hvað sem fyrir kom, ekki sízt þeir meðal
menntamanna, sem hölluðust að hinum
12
HÚSFREYJAN