Félagsrit Sláturfélags Suðurlands - 01.07.1933, Blaðsíða 12

92
Félagsrit Sláturfélags Suðurlands
Reykjavikur, Hafnarfjarðar, ísafjarðar, Siglufjarðar, Ak-
m-eyrar, Neskaupstaðar, Yestmannaeyja, og sennilega
Akraness, Seyðisfjarðar og ef til vill fleiri bæja og kaup-
túna.
Þegar athugaðar eru þær kröfur, sem aðrar menningar-
þjóðir gera í þessum efnum, gegnir það furðu, hve lengi
hefir dregist að koma slíkri löggjöf á hér á landi.
N autakj ötsmapkaðuFÍnn
í vetur og vor hefir verið mjög stöðugur. Nokkuru fyr-
ir jól byrjaði félagið að borga gott nautgripakjöt með kr.
1,00 hvert kgr. Á miðjum vetri hækkaði svo verðið upp í
kr. 1,10 til 1,20 kgr. og má lieita, að það verð liafi lialdist
síðan. Þó hafa nokkrir ágætisgripir verið borgaðir með
kr. 1,25 og 1,30 síðast í vetur og vor.
Alikálfakjöt hefir aftur á móti mátt heila í sama vcrði
allan timann, kr. 1,30 til 1,40 hvert kgr., en þó hefir það
borið við, að borgað hefir verið kr. 1,45 til 1,50 kgr.
Má telja, að verzlunin með nauta- og kálfa-kjöt hafi
gcngið ágætlega að þessu sinni. Að vísu barst til muna of
mikið að.félaginu fyrra hluta vorsins, svo að þá varð að
frysta töluvert, eftir að leiðin yfir Hellisheiði hafði verið
svo lengi lokuð, en seinni hluta vorsins hefir bæði komið
minna og sala verið örari eftir að frosna lambakjöt-
ið þraut. Mun láta nærri, að nú standist á, að nautgripir
þeir, er farga átti, séu búnir, þegar byrjað er að slátra
lömbunum.
Birgðir félagsins af nauta- og kálfakjöti eru nú ekki
teljandi, en altaf getur félagið tekið nokkra gripi sam-
timis lambakjötinu. Séu einhverjir, sem enn eiga góða
gripi, sem farga á fyrir næsta vetur, er óhætt að senda
félaginu þá, en rétt er að draga það ekki lengi, þvi að
sjálfsögðu lækkar verð þeirra, þegar lambakjötið lækkar
til nokkurra muna.