Eining - 01.11.1963, Blaðsíða 1

Eining - 01.11.1963, Blaðsíða 1
21. árg. Reykjavík, nóvember 1968. 11. tölublað Eftír bíndíndísdagínn TJÓRN Landssambandsins gegn áfengisbölinu færir beztu þakkir öllum þeim, sem réttu fram hjálparhönd til þess að bindindisdagurinn — sunnudaginn 13. októ- ber sl. — gæti náð tilgangi sínum. Þórður Möller, yfirlæknir, flutti ágætt útvarpserindi, hafa ýmsir lokið á það lofsorði. í dagblöðin skrifuðu alþingismennirnir Karl Kristjánsson og Sigurður Ingimundarson, frú Helga Magnúsdóttir, formað- ur kvenfélagasambands Islands, Kristinn Björnsson, sál- fræðingur, Sveinbjörn Jónsson, forstjóri Ofnasmiðjunnar og frú Sigríður Sæland. Ýmislegt í sambandi við bindindisdaginn var mjög ánægju- legt, annað olli nokkrum vonbrigðum. Nokkru áður birtu flest dagblöðin smágrein, sem eg kallaði Liðsbón. Þar var föluð liðveizla margra, svo sem presta landsins og formanna ýmissa félaga og félagasamtaka í landinu. Á bindindisdag- inn hlustaði eg á tvær messur, góðar ræður, en í hvorugri var minnst á áfengisvandamálið, umræðuefni dagsins, og líklega hefur það verið aðeins einn eða tveir prestanna í Reykjavík, sem í ræðum sínum minntust á tilefni dagsins. Bindindismenn í Hafnarfirði gerðu þessu góð skil. Klukk- an 5 var þar samkoma í þjóðkirkjunni. Jóhann Hannesson, prófessor, flutti þar fræðilegt og ágætt erindi og sóknarprest- urinn, Garðar Þorsteinsson las vel valdan ritningarkafla fyrir altari og flutti gott ávarp. Báðir kirkjukórarnir lögðu til mikinn og góðan söng, og svo var selló og orgelhljóm- leikur, kirkjuorganistinn lék á orgelið, og var það hrein un- un að hlusta á músíkina. Frá þessari ágætu samkomu í Hafnarfirði lagði eg leið mína í Hallgrímskirkju. Þar hafði Bindindisráð kristinna safnaða auglýst samkomu, en sjálfsagt ekki auglýst hana nógu vel, þó var töluverður undirbúningur, og gott var að koma í þetta vistlega guðshús. Sóknarpresturinn, séra Jakob Jónsson, flutti þar markvert erindi, Sigurður Gunnarsson, kennaraskólakennari, flutti mjög áhrifaríkt spjall eftir norska biskupinn Karl Marthinussen. Jón Jónsson, kennari söng fjögur einsöngslög, en undirleikinn lék kona hans, frú Sólveig Jónsson, á kirkjuorgelið. Þetta leystu þau af hendi svo að unun var að hlusta á. Kirkjuorganleikarinn, Páll Hall- dórsson, annaðist undirleik við sálmasönginn. Lokaorð flutti svo Björn Magnússon, prófessor, og bæn. Stundin í kirkjunni var indæl, en eg get ekki stillt mig um að kannast við það frammi fyrir almenningi, að vonbrigði mín urðu þarna sár. Aðsóknin var hörmulega léleg, þótt gott væri boðið, og eftir langan og erilsaman dag, frá klukkan rúmlega fjögur árdegis til kl. 11 síðdegis, gekk eg vonsvik- inn og mjög særður til hvílu, eftir að hafa enn einu sinni staðið andspænis þessu óskiljanlega sinnuleysi almennings. Fólk má gjarnan vita, að við sem vinnum sérstaklega að þessum málum, getum oft fundið til. Undrunarefnið er þetta: Allir virðast kappsamir um það að bjarga mönnum frá drukknun í sjónum, en fjöldinn allur gersamlega sinnulaus um það, þótt f jöldi manna grandi sér á seigdrepandi drykkjuskap, öllum venzlamönnum einnig til aramæðu og kvala. Hvað veldur þessu furðulegakæruleysi? I 7. og 8. hefti Kirkjuritsins þ. á. eru áberandi orð eftir mann, sem hafði verið prestur Gyðingasafnaðar í Berlín á dögum Hitlers. Hann segist hafa lært margt í sambandi við við- burðina þá og telur „ofstæki og hatur ekki mestu vanda- Pabbi, drekktu ekki. (Úr rússnesku blaði.)

x

Eining

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Eining
https://timarit.is/publication/833

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.