Ljósmæðrablaðið - 01.04.1966, Side 3

Sjón og heilsugœzla
(Erindi flutt á fundi Kvenstúdentafélags Islands 2. marz
1966).
Ég nefni þessi fáu orð, sem hér fara á eftir þessu nafni,
enda þótt ég ætli ekki að gera sjóninni og varðveizlu henn-
ar skil nema á takmarkaðan hátt og raunar einungis á
vissu aldurskeiði.
Fyrir nokkrum árum talaði ég hér um glaukom, þann
augnsjúkdóm, sem mestri blindu veldur hér hjá okkur og
í flestum vestrænum menningarlöndum, þar sem sá skað-
legi augnsjúkdómur — trachoma — sem mestri blindu
veldur hjá mannkyninu yfirleitt er óþekktur. Samkvæmt
upplýsingum Alþjóða-heilbrigðisstofnunar Sþ. (WHO) er
álitið að nærfellt fjórði hluti mannfólksins þjáist af trac-
homa.
Glaukom er fyrst og fremst sjúkdómur eldri kynslóðar-
innar eða gamla fólksins og það hefur mikla þýðingu að
fyrirbyggja að sá sjúkdómur nái að skemma sjónina. —
Augnlæknarnir Kristján Sveinsson og Guðmundur Björns-
son hafa báðir skrifað ýtarlegar greinar um glaukom, sem
birzt hafa í Læknablaðinu.
Að þessu sinni langar mig hinsvegar að byrja á hin-
um endanum, ef svo má segja og tala um sjónina hjá yngri
kynslóðinni — börnunum sérstaklega.
Það er nauðsynlegt að byrja á því að tala um sjónina
nokkuð almenns eðlis. Fyrst þroska hennar, síðan þau
vandamál og erfiðleika, sem geta orðið þess valdandi að
hún þroskist ekki eðlilega, og loks hvað hægt er að gera
oft og tíðum til að fyrirbyggja að skaðinn skei eða með