Ljósmæðrablaðið - 01.04.1966, Side 14

38
LJÓSMÆÐRABLAÐIÐ
band við hjartað, og var því ætlað að hraða og styrkja
hjartsláttinn.
Að þessu loknu var barnið sett niður í 40,5 stiga heitt
vatn og líkamshitinn komst aftur í eðlilegt horf. Skurðin-
um var lokað og þriggja stunda aðgerð var lokið, en þá
var ekkert annað að gera en bíða og vona, að árangurinn
yrði góður. Nokkrum dögum síðar, fékk móðir Benjy að
vita, að hann myndi lifa uppskurðinn af, og læknarnir
sögðu við hana: „Hann brosti í dag.“
Þetta er í annað skipti, sem uppskurður, sem þessi er
framkvæmdur á Háskólasjúkrahúsinu, og í bæði skipti
hafa þeir heppnazt, en talið er, að þessi aðferð hafi ekki
heppnazt við uppskurði annars staðar. Á meðan á aðgerð-
inni stóð stöðvaðist allt blóðrennsli til heilans, en ekki er
að sjá, að það hafi skaðað barnið á nokkurn hátt.
KARDIALGI
framh.
Það er fernt, sem getur leitt til þess að kardialgieinkenni
komi í ljós:
1. Aukinn ,,tonus“ eða samdráttur í neðasta hluta vélinda.
2. Mikil útþensla á þessu svæði.
3. Bein erting svo sem saltsýra úr maganum.
4. Sameining af tvennu eða öllu þessu.
Flestir eða allir munu hafa fundið fyrir kardialgi eftir
að hafa farið óvarlega í mat og drykk. Venjulega er okkur
ljóst að við höfum hagað okkur óskynsamlega í þess-
um efnum. Það er ekki ætíð hægt að kenna um ákveðn-
um tegundum matar. Oft er um að ræða magn eða
samsetningu fæðunnar. Afleiðingin er væg bólga í
slímhúð magans — gastritt, sem í sjálfu sér veldur