Ljósmæðrablaðið - 01.03.1975, Blaðsíða 13

LJÓSMÆÐRABLAÐIÐ
45
Undirbúningsnefnd svissneska ljósmæðrafélagsins mun
sjá um margvísleg atriði til skemmtunar og afþreyingar,
en að venju verður haldið lokahóf (,,banquet“), sem hver
þátttakandi greiðir fyrir, og tilkynnt verður nánar um
síðar.
Skrásetningargjald þátttakenda á þinginu hefur verið
ákveðið þannig:
Fyrir meðlimi Alþjóðasambandsins, sem skrá sig fyrir
15. marz 1975; Sv. fr. 150,00, sem á núv. gengi er 6.270,00
ísl. kr.
Fyrir meðlimi, sem skrá sig eftir 15. marz; Sv. fr.
170,00, sem jafngilda 7.106,00 ísl. kr.
Eins og fram kemur, þá er mikill áhugi fyrir því að sem
flestar ljósmæður frá hverju aðildarlandi sæki mótið. Hér
er um félagslega mikilvægan þátt að ræða, sem ekki varð-
ar aðeins ljósmæður, það skýrist í kjörorði þingsins, sem
er: Ljósmóðirin og fjölskyldan í heiminum í dag.
Því vil ég sérstaklega hvetja hverja ykkar sem hugs-
anlega gæti komið því við og hefði áhuga, að hafa sam-
band við mig í síma 33172, eða við Katrínu Hall, Flóka-
götu 11, í síma 21017, en henni hefur verið falið að kynna
sér kostnað og möguleika til hópferðar, ef grundvöllur
reyndist til svo góðrar þátttöku.
Enn er ekki ljóst hver heildarkostnaður verður, en án
efa mun ferðin verða bæði fróðleg og skemmtileg.
Með það í huga bið ég ykkur að kanna möguleika ykkar
sem fyrst, og tilkynna okkur ósk um þátttöku, svo við
getum sent umsóknir í tæka tíð. Að því búnu fáum við
send skrásetningareyðublöð frá Lausanne og starfsskrá
þingsins, og munum við sjá um að koma því til ykkar.
Með bestu félagskveðju
Steinunn Finnbogadóttir