Bræðrabandið - 01.10.1978, Qupperneq 23

okkur til að gera lista yfir galla bræðra okkar.
Kærleikur sá sem Guð þráir að sjá í hjarta okkar mun
mikiu fremur fylla líf okkar þolinmæði, samúð og
blíðu.
Já, allt þetta og meira felst í þeim kærleika sem
Guð leggur í hjarta fólks síns ef við viljum aðeins gefa
honum tækifæri til þess.
En hvað gagnlegar leiðbeiningar eru að finna í
fyrstu tveim versum 1. Kor. 13. kapítula! Hvert orð
eða setning er ræða, já þar er að finna líf sem á að
birtast í fari hvers einasta barns Guðs í söfnuði
Sjöunda dags aðventista. Jesús Kristur sýndi þessi
skapgerðareinkenni í lífi sínu hér á jörðu. „Þar sem þið
eruð ástkær börn Guðs verðið þið að vera lík honum“
(Ef. 5,1.).
o
Krists Kœrleiksopinberun
Sem hrelldur smáfugl himir undir steini
um hœstan vetur, sat ég oft í leyni,
uns Jesús kom og kulda dauðans eyddi
og kœrleiksvorið inn í brjóst mitt leiddi.
Þá sólin rennur vaknar kátur kliður,
er konung dagsins hyllir fuglaniður,
eins fagna ég, sem fyrri stundi hljóður,
og föðurnafnið blessar nú minn óður.
Því son Guðs kom með sól og morgunroða,
er sendur var í heiminn til að boða,
að föður hans vér föður mœttum kalla,
og fárátt mannkyn brœður sína alla.
Þann gleðiboðskap þér vérþökkum, faðir!
ogþér, vor bróðir, fylgjum hjartaglaðir.
Nú verður jörðin blessað brœðrasetur,
og börnum Drottins hverfur hel og vetur.
Matt. Joch. X
Sérhver Sjöunda dags aðventisti þráir að sjá verkinu
lokið og biður að svo mætti verða — að síðasti
náðarboðskapur Guðs megi berast skjótt til fjarlæg-
ustu staða jarðarinnar. Við lifum fyrir þennan dag og
biðjum um hann og fórnum fyrir hann og starf okkar
miðast við hann.
Ellen G. White segir: „Ekkert mun byggja upp ríki
endurlausnarans sem kærleikur Krists sem birtist í lífi
safnaðarfólksins.“ 5T bls. 168.
Það er ekki meiri peningar, fjárhagsáætlanir með
hærri fjárupphæðum, meiri tæki, bættar aðferðir eða
mikil áform sem hinn síðasti söfnuður þarfnast til
þess að ljúka verkinu. Það er kærleikur — Kristi líkur
kærleikur — í hjartanu!
Á þessum hvíldardagsmorgni lýkur annarri bæna-
viku, dýrmætri viku þar sem lögð var áhersla á andleg
verðmæti. Það er bæn mín að fólk Guðs um allan
heim finni að þessi undursamlegi kærleikur fyllir
hjarta þeirra og er hreyfiafl í lífi þeirra. Megi sá
kærleikur sem við höfum rannsakað í dag ráða í öllum
ykkar samskiptum. Megi hann svo fylla hjörtu ykkar
að hann knýi ykkur til þess að fara út og deila reynslu
ykkar með öðrum þar til allur heimurinn fær að heyra
fagnaðarerindið um frelsarann sem er að koma.
Spurningar til umræðu:
1) 1. Kor. 12, 31 talar um „náðargáfurnar hinar
meiri.“ Hverjar af gjöfum Guðs eru meiri en
aðrar?
2) Hversu þýðingarmikið er það að veita af eigum
sínum til að fæða fátæka í ljósi 1. Kor. 13, 3—7?
3) Á hvaða mismunandi vegu telur þú að kærleik-
urinn verði tengiafl í söfnuðinum?
4) Hversu þýðingarmikill er kærleikurinn þegar
kemur til þess að koma áætlun innan safnaðar-
ins í verk og hversu þýðingarmikill er hann
þegar söfnuðurinn leitast við að ná til samferða-
mannanna?
Nú verður tekið
á móti fórn
vegna bænavikunnar.
BRÆDRABANDID
Rilstjóri og ábyrgðarmaður: Sigurður Bjarnason
Útgalendur Aðventistar á Islandi.
23