Bræðrabandið - 01.09.1985, Síða 2

NEW
Á 54. aðalfundi Aðalsamtaka Sjöunda
dags aðventista, einnig kallaður
heimsráðstefna, var einn fulltrúi frá
íslandi, undirritaður, ásamt konu sinni
3eanette,en hún tók þátt í tveim skrúö-
göngum fyrir íslands hönd.
Þarna hittum við nokkra íslendinga
og fslandsvini sem báðu fyrir bestu
kveðjur heim: Ernu Rós (Guðsteinsdóttur)
Oohnson og börn hennar, Ester Ólafsdótt-
ur og Davíð Ólafsson frá Keflavík, Reg
Ðurgess sem starfar nú sem blaðafulítrúi
við sjúkrahús safnaðarins í Washington,
Ron Appenzeller sem kom oft hingað til
lands á meðan hann var bóksöluformaður
Norður-EvrópudeiIdarinnar, hann er nú
yfirmaður bókaútgáfudeildar Aðalsamtak-
anna; Paul Sundquist, fyrrverandi
æskulýðsleiðtogi Norður-Evrópudeildar-
innar og góður fslandsvinur, W. R. L.
Scragg, fyrrverandi formaður Norður-
Evrópudeildarinnar, nú formaður starfs
okkar í Ástralíu og á Suður Kyrrahafs-
eyjum; og fleiri sem of langt mál væri
að telja upp hér.
Þá áttum við ánægjulegt samtal við
George Vandeman og gátum flutt honum góð
tíðindi af þeirri blessun sem bækur hans
hafa verið hér á okkar landi. Honum var
þetta mikið gleðiefni. Hann var einn af
ræðumörmum ráðstefnunnar og flutti
hrífandi boðskap.
Af þeim 2,300 fulltrúum sem þarna
voru saman komnir, voru 238 skipaðir í
aðalnefnd ráóstefnunnar, stjórnarnefnd-
ina. Fulltrúi fslands var valinn, einn
af átta, fyrir hönd Norður-Evrópudeila-
arinnar, í þessa nefnd. Þarna eru
framsettar tillögur um menn í allar
helstu ábyrgðar- og leiðtogastöður
Aðalsamtakanna og allra heimsdeildanna
og þarna fær maður tækifæri til að sjá
framámenn starfs okkar víðs vegar að úr
heiminum taka höndum saman í bróðerni en
samt hreinskilni og af sannfæringu um
hvað muni verða starfinu fyrir bestu.
Það var ógleymanleg og dýrmæt reynsla að
fá að vera þátttakandi í starfi þessarar
nefndar. Nefndin starfaði frá morgni
til kvölds flesta daga ráðstefnunnar svo
Oeanette sá manninn sinn lítið, en
fylgdist vel með störfum ráðstefnunnar
og þeim samkomum sem konunum var
sérstaklega ætlað.
Öll dagskrá ráðstefnunnar var
frábærlega vönduð og vel skipulögð og
þrátt fyrir mikil aðalfundarstörf var
ráðstefnan mjög andleg og mikil safnað-
arhátíð.
Fjölmiðlar fylgdust vel með og fengu
aðventistar mikla umfjöllun í blöðum,
útvarpi og sjónvarpi. Strax að lokinni
ráðstefnunni byrjuðu stórar opinberar
samkomur í New Orleans -borginni sem
hýsti 54. heimsráðstefnu Sjöunda dags
aðventista. Guð gefi að þessi heims-
ráðstefna marki djúp spor og gefi af sér
mikla uppskeru ekki aðeins í New Orleans
heldur og um allan heim næstu fimm árin.
Erling B. Snorrason
2