Freyr - 15.02.1964, Blaðsíða 19

KÝR AF HOLLENZKUM ÆTTSTOFNI
Mynd þessi sýnir kú, sem Bretar kenna við British Friesian; sá stofn er talinn eiga uppruna á
Fríslandi og’ Niðurlöndum en hefur náð talsverðri úthreiðslu í Danmörku og Englandi.
Kýrin ber heitið „Terling Eclipse 83“. Hún er auðvitað fyrirmyndargripur, var á Smithfield sýn-
ingunni í London sl. ár og hlaut þar verðlaun, ekki sérstaklega vegna þess hve vel hún er byggð,
heldur fyrst og fremst af því, að hún hefur mjólkað yfir 100 tonn af mjólk samanlagt og er sú
28unda af þessum ættstofni, sem gefið hefur svo miklar afurðir þar í landi. Fitumagn mjólkur-
innar er yfir 4%. Auðvitað er svo góður gripur arðbær móðir.
ÓLI VALUR HANSSON:
UM KARTÖFLURÆKTUN
í Hollandi
Niðurlag.
Vélkæld geymsla. Önnur aðferð við
geymslu útsæðis, og sú þekktasta víðast
hvar, er að koma því fyrir á heppilegum
stað sem er kældur með vélum eða útilofti.
Ýmist eru kartöflurnar hafðar í sekkjum
eða þær settar í kassa er rúma 25 kg. í
geymslum þessum er haldið það lágum hita
(2—4°C), að spírun hindrist. Um það bil
6 vikum fyrir niðursetningu eru kartöfl-
urnar settar í spírunarkassa og komið fyrir
þar sem unnt er að halda ca 20° hita. Þessi
hái hiti veldur því, að hópur af spírum
byrjar að ála samtímis. Strax og spírurnar
eru sýnilegar er hitastigið smám saman
lækkað niður að 7—-10°C. Sé birta ófull-
nægjandi, þar sem útsæðinu er komið fyrir
til spírunar, eru sett upp flóðljós til þess
að tryggja nauðsynlega birtu. Margir fram-
leiðendur láta útsæðið spíra í húsakynnum
þar sem engrar dagsbirtu nýtur, og er þá
eingöngu notazt við flóðljós sem birtugjafa.
Með nokkurri reynslu má ná ágætis ár-
angri með notkun gerfibirtu eingöngu, enda
er sú aðferð nú útbreidd meðal framleið-
enda matarkartaflna.
Þótt Hollendingar ráðleggi eindregið að
spíra útsæðið fyrir niðursetningu, er ekki
talið bráðnauðsynlegt að gera það við sum
afbrigði, sem ræktuð eru til matar eða iðn-
aðar. í stað þess að spíra slíkt útsæði, er því
gefið einhvers konar hitalost, ef svo mætti