Freyr - 01.08.1973, Blaðsíða 28

Árbók félags áhugamanna
um fiskirækt 1969 - 1973
I»að er almannarómur, að svo mjög sé nú sókzt
eftir þeim bújörðum, sem eiga læk eða ársprænu
og nokkur veiðivon er, að ótrúlegustu upphæðir
eru boðnar til þess að eignazt slíkar.
Hitt vita menn einnig, að svimandi fjárhæðir
eru stundum boðnar til þess að standa með stöng
á árbakka, þar sem veiðivon er góð og mega renna
þar fyrir lax.
Áhugamönnum um laxræktun, og yfirleitt rækt-
un fisks í ósöltu vatni, fer stöðugt fjölgandi og
allt útiit er fyrir, að sérleg hreyfing fari um
landið, er miðar að því, að vötn öll verði kvik
af fiski eins og á landnámsöld. Félag áhugamanna
um fiskirækt og ýmsir aðrir stuðla sjálfsagt að
því, m. a. með stofnun veiðifélaga og ræktunar-
félaga.
Á prent koma skrif um þessi efni, m. a. ÁKBÓK,
sem FREY hefur borizt nýlega. Rit þetta er á
fjórðu örk að stærð og flytur nokkrar greinar um
ræktun Iax og silungs, um fóðrun og eldi ung-
fisks og sitthvað fleira.
Þar eiga greinar fiskifræðingar, Iaxræktarmenn
og efnafræðingar, sem leggja stund á þau efni, er
snerta fiskirækt í ósöltu vatni og er margt sérlega
eftirtektarvert, sem þar getur, og raunar stórfróð-
legt fyrir þá, sem leikmenn eru á þessum sviðum.
Ábyrgðarmaður ritsins er JÓN SVEINSSON,
rafvirkjameistari, en hann er, svo sem mörgum er
kunnugt, aðal foryztumaður hins eftirtektarverða
framtaks við laxrækt, sem stunduð er í Lárósi á
Snæfellsnesi, en útgefandinn er Félag áhugamanna
um fiskirækt.
Hér skal efni ritsins ekki rakið í smáatriðum,
en það skal sagt, að bæði er eðlilegt og sjálfsagt,
að þeir, er við fiskiræktarverkefni eru tengdir á
einn eða annan veg, þurfa að lesa það, og svo
auðvitað hinir einnig, sem eiga vötnin og lána og
leigja þau til lax- og silungsveiða. G.
BÆNDUR!
Vér útvegum frá
LEROY - SOMER í Frakklandi,
traktorknúðar 'vararafstöðvar
Stœrðir:
10 kwA fyrir 30 ha traktora
15 kwA fyrir 45 ha traktora
20 kwA fyrir 50 ha traktora
oðim s.í.
Keflavík
Símar 92 25 30 og 92 23 33
F R E Y R