Freyr - 01.08.1973, Blaðsíða 36
Er mjaltavélin
í lagi?
Norsku mjólkurfélögin sendu s. 1. haust,
áminningu til allra eigenda mjaltavéla,
eins og þau eru vön að gera á hverju
hausti. Hljóðar hún á þessa leið:
a) Mælið sogið í dælunni. Gætið þess að
olíuhæðin sé rétt á olíusmurðum dælum
athugið hvort reimin er heil og rétt
hert. Er dælan ekki í lagi þarf að lag-
færa hana strax eða setja nýja í henn-
ar stað.
b) Athugið sogskiptinn, bæði hraða hans
og hvort hann gengur jafnt. Sé hann
ekki í lagi má senda hann til mjólkur-
stöðvarinnar, sem sér um aðgerð á hon-
um. (Merkið hann glöggt svo að hann
fari ekki á villigötur á leiðinni eða á
viðgerðarstað).
c) Hreinsið leiðslurnar einu sinni eða
tvisvar á ári (sérstaklega nauðsynlegt
þegar mjaltafötur eru notaðar). Sjúgið
fyrst veika sódaupplausn inn í þær og
skolið eftir vandlega með nægu vatni.
Meiri vökva má ekki sjúga inn í loft-
kerfið en rúmast í dunknum. Byrjið
við kranana næst dælunni.
d) Hreinsið sogventilinn reglulega. Verki
hann ekki vel, er nauðsynlegt að setja
nýjan í hans stað. Fjaðurstilltir ventlar
eru einatt ótraustir.
e) Athugið spenagúmin og slöngurnar að
minnsta kosti einu sinni í viku og setjið
ný í stað gallaðra strax og veilur koma
í ljós. Góð og ógölluð spenagúm létta
starfið og mjólkin mengast ekki af
gerlagróðri í ósprungnum og nýjum
spenagúmum.
$ $ $
Hvernig er þessum hlutum varið hér á
okkar landi? Margir hafa mjaltavélar, þeim
hefur fjölgað mjög ört á síðari árum.
Vel má vera, að mjólkurstöðvarnar sendi
ábendingar og heilræði heim til bænda, í
„tómu brúsunum“, en sé ekki svo þá er
ástæða til að ætla, að heilræði norskra
mjólkurstöðva geti líka náð til bænda úti á
íslandi og orðið þeim að gagni, en lögmál
um meðferð og notkun mjaltavéla eru al-
veg óháð því í hvaða landi þær eru notað-
ar. Hinsvegar getur viðgerðaspursmálið
verið breytilegt frá einni þjóð til annarrar.
En hvað sem því líður er efalaust, að holl-
um ráðum má gefa gaum, hvaðan sem þau
koma.
394
F R E Y R