Freyr - 01.06.1991, Blaðsíða 30

474 FREYR
11.’91
ÖRYGGISHLÍFAR -
ÞARFIR ÞJÓNAR EN
HARÐIR HÚSBÆNDUR
Upplýsingaþjónusta landbúnaðarins
Um þessar mundir stendur yfir átak í slysavörnum til sveita sem beinist að aukinni notkun
öryggshlífa um drifsköft. Ein stœrsta slysagildran í landbúnaði í dag eru óvarin eða illa
varin drifsköft og ár hvert verða alvarleg vinnuslys afþessum sökum sem leiða til dauða
eða varanlegrar örorku.
Að átakinu stendur Jötunn hf.
með stuðningi bændasamtakanna,
Vinnueftirlits ríkisins, Slysavarna-
félags íslands og Vátryggingafé-
lags íslands. Agóði rennur til SVFI
og mun Slysavarnafélagið láta
hann renna til átaks í slysavörnum
barna sem stendur fyrir dyrum í
haust.
49 dauðaslys
Erfitt er að henda reiður á umfang
vinnuslysa í landbúnaði. I flestum
tilvikum eru aðeins alvarleg slys
eða dauðaslys tilkynnt og slysa-
tíðni í landbúnaði segir af þessum
sökum ekki nema hluta sögunnar.
Þótt upplýsingar um slys við
landbúnaðarstörf séu ófullkomnar
þá segja þær tölur sem liggja fyrir
óhuggulega sögu. Samkvæmt upp-
lýsingum Vinnueftirlits ríkisins
urðu 49 dauðaslys við landbúnað-
arstörf á árunum 1970 til 1990. Það
eru tvö dauðaslys á ári að meðaltali
og rúmlega það. Tölfræðin segir
okkur m.ö.o. að við megum vænta
tveggja dauðaslysa í ár, að öllu
óbreyttu! Um það bil helmingur
þessara dauðaslysa urðu af völdum
dráttarvéla eða drifbúnaðar
þeirra.
Ein algengasta slysagildran
Slys af völdum óvarinna drifskafta
eru samkvæmt slysaflokkun
Vinnueftirlitsins önnur algengustu
slysin í landbúnaði. Algengust eru
dráttarvélaslys. Á árunum 1985 til
1990 fékk VER 34 tilkynningar,
þar af voru 10 dráttarvélaslys og 7
drifskaftsslys, sem gerir nákvæm-
lega helming allra slysa. Ástæða er
til að ætla að vægi drifskafts-
slysanna fari vaxandi. Mjög al-
gengt er að öryggisútbúnaði drif-
skafta sé ábótavant. í átta tilvikum
af tíu gera eftirlitsmenn Vinnueft-
irlitsins athugasemd við öryggisút-
búnað drifskafta sem er alltof hátt
hlutfall.
Tökumá.
Eins og þessar tölur bera með sér
verðum við að taka okkur á. Það
Örlygur Hálfdánarson, forseti Slysavarnafélags íslands, og Þorgeir Elíasson,
deildarstjóri hjá Jötni hf, innsigla átak í slysavörnum til sveita með handa-
bandi. Þorgeir afhenti Örlygi öryggishlíf þegar hann tilkynnti að ágóði
átaksins muni renna til SVFÍ. Sitjandi eru Þórhallur Steinsson, vinnueftirlits-
maður, og Hákon Sigurgrímsson, framkvcemdastjóri Stéttarsambands
bœnda.