Fylkir - 23.12.2001, Síða 3
FYLKIR jólin 2001
3
s
Steingrímur Agúst Jónsson, forstöðumaður
Jólin snerta öll svið
mannlífsins
Jólin eru undarlegur tími. Þessi hátíð sem er
engri lík. Hún breytir allri þjóðinni, hvort sem
fólki líkar betur eða verr. Allir taka þátt. Sumir
fagnandi en aðrir reyna að spyrna á móti. Þau
hefjast með aðventunni. Og þó, það er eins og allt
hafí byrjað miklu fyrr. Þráðurinn sem spunninn
var síðustu jól, hann hefur ekki slitnað og það er
eins og hann nái eins langt aftur og séð verður.
Hvað er það sem gerir jólin svo sérstök ? Er
það erillinn sem er lýjandi og í senn eykur
tilhlökkun. Breytingin sem verður þegar skreytt
er. Leyndin sem hvílir yfir,
pískrið innan íjölskyldunnar?
Kannski alll þetta og þó
ekkert af því. Fólk talar sín á
milli um allt það sem því
þykir ómissandi um jólin.
Matur, fjölskylduhefðir, hvít
jól eða ekki, það kemur
gjarnan í ljós að siðirnir eru
margbreytilegir. Það sem
vekur einum ljúfar
tilfínningar og minningar
þykir öðrum á allt annan veg.
Og samt er eins og allt þetta
skifti engu máli, allir eru
einhuga um að njóta jólanna.
Aðventan líður og er
komið að stóru stundinni. Þá
er eins og tíminn standi í
stað. Eitthvað gerist, breytist. Nú er ekki lengur
neitt sem ýtir á, nú skal njóta. Hver og einn á að
vera á sínum stað, allir eiga að vera heima.
Þannig er a.m.k. ímyndin. Margir búa þó við allt
aðrar aðstæður. Sorg eða veikindi, fjarvera
ástvina og margt annað er með þeim hætti að
gleði jólanna verður fjai'læg.
Aðfangadagskvöld, þetta helgasta kvöld
áisins. Það er sveipað ljóma. Ljóma minninganna
og sagnanna sem það er sprottið úr. Englarnir,
stjarnan, hirðar og vitringar að ógleymdu baminu
í jötunni, Jesú sjálfum. Enginn frásaga hefur haft
viðlíka áhrif á mannkynið og þessi. Þetta kvöld
verður frásagan lifandi.
Biblían segir frá því að himininn var opinn
þessa nótt og Guð kunngjörði að frelsari
heimsins væri fæddur. Gleðiboðskapur bai'st inní
aðstæður sem ekki virtust gleðilegar. Ónotalegar
aðstæður Maríu og Jósefs, fjairi fjölskyldunni og
í hernumdu landi. Og við getum spurt hvort
nokkuð hafí breyst. Stríð, ótti við hryðjuverk,
hungur. fátækt, sorg og allt það sem rænir
gleðinni, er lífíð ekki þannig enn í dag? Víst er
það í þá áttina en hvað var það sem gerðist hina
fyrstu jólanótt ? Hvað var boðað ? Við lesum í
jólaguðspjallinu um engla og Ijómandi dýrð
Guðs. Orðin "Verið óhræddir, því sjá, ég boða
yður mikinn fögnuð, sem veitast mun öllum
lýðnum: Yður er í dag frelsari fæddur," eru jafn
áleitin og þá nótt er þau voru töluð. Hirðarnir í
haganum trúðu og fóru til að sjá. En ég og þú,
trúum við og viljum sjá Jesú ? Hann er reyndar
ekki lengur lítið bam í jötu heldur maðurinn sem
breytti heiminum. Enginn einn maður hefur haft
slík áhrif á mannkynið og
Jesús og boðskapur hans. Orð
Jesú í „litlu Biblíunni.“
Jóhannesar guðspjalli 3. kafla
16. vers : „Því að svo elskaði
Guð heiminn, að hann gaf son
sinn eingetinn, til þess að
hver, sem á hann trúir, glatist
ekki heldur hafí eilíft líf.“
Þessi orð eru í beinu
samhengi við jólaboðskapinn
þ.e. að Guð gaf frelsara inn í
heiminn. Þráðurinn sem
spunninn er, er því þráður
trúarinnar og í raun það sem
gefur jólunum gildi sitt.
Þráðurinn reynist mörgum
ekki einasta spotti sem tengir
minningar heldur haldreipi í
daglegu lífi. Trúin á frelsarann er mörgum stór
hluti daglegs lífs en margir aðrir grípa þar í á
neyðarstundu og þá skiptir ekki máli hvort jólin
em nálæg í tíma eða ekki. Orð Guðs er: „Komið
til mín allir.“
Jólin hafa mörg nöfn s.s. friðar-, fagnaðar-,
bai'na-, fjölskylduhátíð og mörg fleiri. Kannski er
það vegna þess að jólin snerta í raun öll svið
mannlífsins. Ekkert eitt nafn getur lýst þessari
hátíð, orðið litla jól verður því samnafn sem á
ævintýralegan hátt inniheldur allt það sem við
hugsum til á þessari hátíð.
Englamir boðuðu fögnuð, sjálfur hlakka ég til
jólanna og fagna að mega eiga hlut í þessum
boðskap. Það er mín von og bæn að
Fagnaðarerindið sem Guð gaf, megi vera
megininnihald jólanna, jafnvel þar sem erfið-
leikar steðja að. Jesús kom til að gefa von.
GUÐ GEFI GLEÐILEG JÓL OG FARSÆLT
NÝTT ÁR.
Höfundur er forstöðumaður Hvítasunnu-
safnaðarins í Vestmannaeyjum.
Hús vitavarðarins og vitinn á Stórhöfða sem lýst hefur sjó-
farendum síðan 1906. Forsíðumyndina tók Guðmundur
Asmundsson síðasta vetur.
{fmíis^íFMíS
Bls.3 Jólahugvekja eftir Steingrím Ágúst Jónssson
Bls.5 Síldarstofnavirði í myndasöfnum Sigmunds og Sigurgeirs eftir Árna Johnsen
Bls.9 Það er Ijón á veginum eftir Betsý Ágústsdóttur
Bls. 12 Af kreppukommum og kompónistum viðtal Skapta Arnar Ólafssonar við Árna Elfar
Bls. 15 Sveitarstrákur í sjávarplassi eftir Magnús B. Jónsson
Bls.2l Að ísland verði þekkt af X18 í framtíðinni viðtal Skapta Arnar Ólafssonar við ÓskarAxel ogAdolf Óskarssyni
Bls.24 Þorlákur helgi, Þorláksmessa, Lincoln og útflutningur sjávarafurða. Grein eftir Gísla Gíslason.
Bls.27 Látnir kvaddir Myndir af fólki sem búið hefur í Vestmannaeyjum í lengri eða skemmri tíma og lést á árinu.
ÚTGEFANDI:
RITNEFND:
PRENTVINNA:
UPPLAG:
Eyjaprent hf. fyrir hönd
Sjálfstæðisfélaganna í Vestmannaeyjum
Magnús Jónasson, ábm., Arnar Sigurmundsson, Guðbjörg Matthíasdóttir,
Grímur Gíslason og Skapti Örn Ólafsson.
Eyjaprent hf. Vestmannaeyjum
2300 eintök
BLAÐINU ER DREIFT í ÖLL HÚS ÍVESTMANNAEYJUM OGAUK ÞESS SENT
VÍÐA UM LAND OG SELT í LAUSASÖLU Á KLETTl, VESTMANNAEYJUM.