Skátablaðið - 01.04.1960, Blaðsíða 17

SJkátasveit fatlaSra lamaSra
<l). ÝLEGA heíur verið stoínuð
í Reykjavík, skátasveit fyrir
fötluð börn. Það eru 3 félög,
sem að þessu starfi standa,
en það eru: Kvenskátafélag
Reykjavíkur, Skátafélag Reykjavíkur og
styrktarfélag lamaðra og fatlaðra. Er þetta
fyrsta skátasveitin á þessu sviði, sem stofnuð
er hér á landi.
Erlendis er svona starf mjög algengt og
hefur gefið góða raun, enda af öllum að-
ilum talið mjög nauðsynlegt. Skátastarf fyr-
ir börn, sem að einhverju leyti hafa ekki
fulla hreysti, verður auðvitað frábrugðið
vanalegu skátastarfi að verulegu leyti, að
minnsta kosti hvað útilegum og ferðalögum
viðvíkur, þó sjálfsagt sé, að þau taki þátt
í því að svo miklu leyti, sem því verður
við komið. Aftur á móti verður að leggja
sérstaklega mikla áherzlu á að byggja upp
góðan félagsanda og notfæra sér vel söng,
leiki, föndur og annað, sem ekki krefst
mikillar hreyfingar. Það er auðvitað undir
foringjanum komið, hve fundvís hann er á
verkefni, sem ekki reynast skátunum ofviða.
Það verður því að vanda vel til foringja-
vals handa þessum börnum, og þeir þurfa
ekki einungis að kunna margt fyrir sér til
þess að geta kennt og leiðbeint, lieldur
þurfa þeir einnig að vera mjög vakandi
fyrir því, að þessi börn þurfa mikla nær-
gætni og ástúð, sem þó má ekki auðsýna
þeim á áberandi hátt, því það gæti aukið
vanmáttarkennd þeirra. Aðalatriðið fyrir
þessi börn er að geta verið hlutgengur þátt-
takandi í skátaleiknum, og vera einn vinur-
inn í vinahópnum.
Skátastarfið hefur svo margar hliðar, að
þar getur hver og einn fundið verkefni við
sitt hæfi. Einn finnur sig mest heima uppi
á fjöllum, annar í fundarherberginu, sá
þriðji á leiksviðinu, einn í föndrinu, og
aftur annar í söngnum eða sögunum, en
það, sem tengir alla þessa ólíku hópa sam-
an og gerir þá að einni heild, eru skátalög-
in og sá félagsandi, sem þau skapa.
lilindir skátar starfa viöa um heim.
í sumar fara ein eða tvær stúlkur til Dan-
merkur til þess að vera þar á móti Nor-
rænna skátaforingja fyrir „Elandicapped".
Þetta orð er notað yfirleitt hjá erlendum
skátum yfir þá skáta, sem eru annaðhvort
fatlaðir, blindir, daufdumbir eða vangefnir
andlega. En skátastarf er hægt að reka með-
al allra þessara aðila, og er mjög algengt í
öðrum löndum.
Samtímis og þetta foringjamót verður í
Danmörku, verður mót fyrir danska
„Handicapped“, þar verða einnig heimsótt-
ar stofnanir, þar sem hægt er að sjá, hvernig
skátastarf fer fram á slíkum stöðum. Það
væri mjög æskilegt, að Islenzkir skátar gætu
lagt fram sinn skerf til þess að létta þeim
SKÁTABLAÐIÐ
31