Litli Bergþór - 01.05.1990, Page 12

L
Lýðræðislistinn.
Lýðræðislistinn býður nú fram í annað sinn. Hann er listi óánægðra
kjósenda, þeirra kjósenda sem vildu prófkjör hjá K-lista. Hann er ekki
fullskipaður sem ekki er von, því hann varð til á 8 klukkustundum.
Það verður alltaf álitamál hvaða mál skulu vera efst á blaði. Mál sem snerta
íbúa sveitarinnar í heild hljóta að verða ofarlega.
SAMGÖNGUMÁL.
Mikill seinagangur er í uppbyggingu samgönguleiða sveitarinnar. Við
vitum það öll hvað umferðarþungi er mikill að Geysi og Gullfossi. Það er
verðugt verkefni að vinna að endurbótum á þeirri leið. Þá má minna á
slysagildrur á sömu leið.
Þá þarf að vinna að lagfæringu akvega austan Tungufljóts, sem nú eru svo
til ófærir. L-listinn vill einnig vinna að vegabótum á öðrum vegum
sveitarinnar. L-listinn telur mikla nauðsyn á að reiðleiðir verði lagðar með
aðalvegum. Það er óviðunandi ástand þegar ekkert er hægt að fara nema
bundna slitlagið. Benda má á staði eins og við Litla-Fljót og í gegnum
Laugarás, ásamt Reykholti.
ATVINNUMÁL.
L-listinn fagnar verksmiðjubyggingu Yleiningar og óskar henni góðs gengis.
Óskandi að sem flestir hafi þar atvinnu og lífsafkomu. Fleira þarf til að
koma í uppbyggingu atvinnutækifæra, sérstaklega kvennastörf.
MENNTAMÁL.
Nú er komin viðbygging við grunnskólann í Reykholti og er það vel. Þó
leikskólinn sé kominn í gamla skólann núna, er það ekki frambúðarhúsnæði,
því áður fyrr var hann talinn slysagildra. Leikskóhnn þarf nýtt húsnæði líka.
Litli - Bergþór 12