Landneminn - 01.01.1950, Blaðsíða 6
SIGURÐUR GUÐGEIRSSON, forseti ÆskulýSsfylkingarinnar:
Fylkið ykkur um stefnu framtíðarinnar
Þróun sósíalismans hefur farið sigurför um mikinn
hluta heimsins, og sífellt fjölgar þeim milljónum,
sem hafa losað sig undan oki kapitalismans og kom-
ið á hjá sér þjóðskipulagi sósíalismans.
Þannig hafa grundvallarkenningar sósíalismans
unnið fylgi - fjöldans og borið sigur í baráttunni við
auðvaldið — kúgara alþýðunnar —. Enda er nú svo
komið, að auðvaldið um gervallan heim hefur tryllzt,
það sér ósigur sinn fyrir. I öllum löndum kapítal-
ismans gerir auðvaldið hverja tilraun eftir aðra til að
koma í veg fyrir eflingu sósíalismans. Brjálæðiskennd-
ar ofsóknir eiga sér stað, verkalýðshreyfing bönnuð,
sósíalistiskir flokkar bannaðir, og fólki varpaði í
fangelsi fyrir það eitt að vera sósíalistar. Hér á landi
var nýlega kveðinn upp hinn svívirðilegasti stéttar-
dómur í sögu íslands, tuttugu íslendingar dæmdir í
margra mánaða fangelsi fyrir það að hafa aðra skoð-
un en valdhafarnir.
Slík hefur barátta auðvaldsins verið um heim all-
an gegn þróuninni. Það hefur tryllzt við það að sjá
alþýðuna taka völdin og koma á hjá sér sósíalisma.
íslenzka auðvaldið hefur sömu hagsmuna að gæta og
auðvald annarra landa — þess vegna mun auðvaldið hér
á landi gera allt sem í þess valdi stendur til að koma
í veg fyrir sigur sósíalismans. Oft hefur afturhaldið
hrópað, að það þyrfti að banna Sósíalistaflokkinn,
koma í veg fyrir blaðaútgáfu hans og á ýmsan annan
hátt að hefta starfsemi flokksins.
Æskan er framtíðin, það veltur því á miklu, hvernig
æska þessa lands bregzt við. Hvort hún fylgir aftur-
haldinu — eða hún fylkir sér um sósíalismann. Starf-
semi Æskulýðsfylgingarinnar gefur það örugglega til
kynna, hvora leiðina íslenzkur æskulýður hefur valið
og mun velja. Starf Æ. F. fer stöðugt vaxandi og með-
limum hennar fjölgar stöðugt. Það er hlutverk alþýðu-
æskunnar að fullkomna starf brautryðjendanna.
Æskulýðsfylkingin er skóli, þar sem alþýðuæskan
kynnir sér grundvallarkenningar sósíalismans. Höfuð-
takmark Æ. F. er:
1. Að vinna bug á auðvaldsskipulaginu á íslandi
og koma í þess stað á þjóðskipulagi sósíalismans.
2. Að vinna alþýðuæskuna til fylgis við grundvall-
arkenningar sósíalismans og vinna á þann hátt
að sameiningu hinna vinnandi stétta á félagsleg-
um og sósíalistiskum grundvelli.
3. Að vinna að hvers konar hagsmuna- og menn-
ingarmálum æskulýðsins.
Æ. F. hefur frá fyrstu tíð unnið markvisst að hags-
munum æskulýðsins og er of langt að rekja það í
stuttri grein. Við síðustu þingkosningar var einn af
meðlimum Æ. F., Jónas Árnason, kosinn á Alþingi. í
Reykjavík hefur Æ. F. fengið einn fulltrúa í bæjar-
stjórn, Inga R. Helgason, sem þekktur er fyrir starfs-
hæfni.
Æskulýðsfylkingin hefur sýnt, að meðlimir henn-
ar eru samtaka í starfi og bera þess glöggt dæmi:
Landneminn, blað Æ. F., sem þó hefur átt við mikla
erfiðleika að stríða, og byggging hins glæsilega skíða-
og félagsheimilis Æ. F., en sú bygging hefur að öllu
leyti verið reist í sjálfboðaliðsvinnu félaganna. Um
síðustu páska dvöldu í skíðaheimilinu um áttatíu
manns eða álíka margt og dvaldi í skálum fjölmenn-
ustu íþróttafélaganna. Hér eru aðeins nefnd tvö dæmi,
en mörg fleiri væri hægt að nefna.
Æ. F. er fjöldafélagsskapur íslenzkrar alþýðuæsku,
félagsskapur, sem mun standa á verði gegn hverri
árás, sem afturhaldið kann að gera á alþýðuna. Með
ötulu starfi verður takmarkinu náð.
íslenzk alþýðuæska mótmælir 30. marz-dómunum,
hún lítur á þá sem hina svívirðilegustu árás, sem gerð
hefur verið á íslenzka alþýðu. Dómarnir eru stéttar-
dómar, sem einkennast af brjálæðiskenndri hræðslu
þess afturhalds, sem nú er í dauðatevgjunum.
Æskufólk, fylkið ykkur um stefnu framtíðarinnar,
sósíalismann, gegn stefnu afturhaldsins, hins deyj-
andi, brjálæðiskennda kapitalisma. íslenzk æska,
kynntu þér starf og stefnu Sósíalistaflokksins, grund-
vallarkenningar hins vísindalega sósíalisma — marx-
ismans —. Þá munt þú sjá, hvar í flokk þú átt að skipa
þér og ganga í Æskulýðsfylkinguna og á þann hátt
taka virkan þátt í baráttunni gegn afturhaldinu —
sigurför sósíalismans.
4 LANDNEMINN