Unga Ísland - 01.03.1939, Blaðsíða 18

42
Áfengis og tóbaksnautn
Ég ætla bara að segja mitt álit um
þetta efni. Ég las bók nýlega. Þar seg-
ir maður sjálfur svo frá, að hann hafi
verið í knattspyrnufélagi í Englandi, er
hafi átt að keppa við frægasta knatt-
spyrnufélag Skotlands. Þegar hann var
að leggja af stað út á völlinn, þar sem
kappleikurinn átti að fara fram, mætti
hann vini sínum, sem bað hann að koma
inn til sín og drekka með sér eitt glas
af víni. Hann var tregur til þess, en
kunningi hans sagði honum, að eitt glas
hressti hann bara áður en hann færi í
knattspyrnuna. Þá lét hann tilleiðast og
drakk eitt glas og síðan fleiri. ■ Þegar
hann kom út á völlinn varð hann hálf
ringlaður og illt í höfði. Svo byrjaði
fyrri hálfleikur, sem endaði þannig, að
mótstöðumenn hans settu sex mörk móti
engu. Þegar síðari hálfleikur átti að
byrja, vildu samleiks menn hans reka
hann svo hann fór. Seinna, þegar þeir
voru að borða á gistihúsinu með skotsku
knattspyrnumönnunum litu þeir horn-
auga til hans. Þetta fréttist svo um allt
landið og kom í dagblöðunum, svo hann
fekk hvergi inni í neinu knattspyrnufé-
lagi. Þessi saga er lengri, en þess gerist
ekki þörf að segja hana hér. Af þessu
má sjá, að eitt vínglas getur leitt til æfi-
langrar ógæfu. Þessi maður varð svo að
drykkjumanni.
Ég tel áfengi og tóbak versta óvin
íslenskrar æsku. Ef hún væri samhuga
um að útrýma áfengi og tóbaki, þá
sæist ekki sú hryllilega sjón, að menn
lægju ósjálfbjarga og ölóðir út um alla
haga umhverfis samkomustaði eða
reykjandi inni á gistihúsum og veitinga-
krám. Þá væru menn hraustari en þeir
-------------- UNGA ÍSLAND
eru nú. Ef öllum þeim peningum, sem
varið er í vín og tóbak, væri varið til að
styrkja fátæka, reisa skóla eða bæta úr
atvinnuleysinu, þá væri þjóðin betur
stödd en hún er nú. Ég hefi heyrt mann
segja, að hann hafi byrjað að reykja af
því að honum þótti mannalegt að slá
öskunni úr vindlingnum. Nú reykir hann
meira en hann hefir efni á, og getur
ekki hætt, þó hann feginn vildi. Það eru
mjög margir, sem byrja reykingar á
þennan hátt, af því þeir halda að þeir
verði við það meiri menn. En það er al-
veg þvert á móti, það er sá mesti aum-
ingjaskapur að láta leiðast út í það, sem
skaðar mann mest, og svo líka það, að
sá maður, sem reykir og drekkur, eyðir
alltaf efnum sínum í óþarfa. Ég þekki
dæmi til þess að maður reykir einn
pakka á dag (20 vindlinga) og pakkinn
kostar kr. 1,50. Ef hann reykir einn
pakka á dag að jafnaði, þá eru það 657
kr. á ári. Hvort væri betra að kosta sig
á héraðsskóla eða eyða því í vindlinga?
Fyrir þessa upphæð mætti líka skóða
flesta fegurstu staði landsins, og margt
fleira þarflegt mætti við þá gera.
Bjarni J. Júlíusson.
Leirá (13 ára).
Ungur þýskyr drengur óskar eftir að
komast í samband við íslenskan dreng,
með bréfaskriftum, af því hann langar
til að kynnast Islandi og læra málið.
Utanáskrift:
Walter Leifer, Dringenberg, Port
Brakel Land Þýskaland (Deutsland).