Unga Ísland - 01.08.1939, Blaðsíða 19

Unga Ísland - 01.08.1939, Blaðsíða 19
ÚNGA ÍSLAND 10^ ur svo þeir flúðu vælandi með neist- ana brennandi í feldinum. Loks voru aðeins eftir á þingstaðnum Mowgii, Bagheera, Akela og nokkrir úlfar, sem tekið höfðu málstaö Mowglis. Þá byrjaði eitthvað að gera vart við sig í brjósti hans, einhver sársauki, sem hann aldrei hafði áður fundið tsl; andardrátturinn varð óstöðugur, hann fékk ekki og tárin runnu niður vanga hans. „Hvað er þetta?" sagði hann. „Ég vil alls ekki hverfa á brott úr skóg- inum, ég veit ekki hvað að mér geng- ur. Heldurðu að ég deyi — BagheeraV" „Nei — litli bróðir. Þetta eru bara tár, eins og mennirnir gráta þeim", sagði Bagheera. „Nú veit ég að þú ert orðinn maður, og ert ekki lengur mannabarn. Framvegis mun skógurinn úthýsa þér. Láttu þau bara renna — þetta eru tár Mowgli". Þá settist Mowgli niður og grét svo hjarta hans var nærri sprungið; og þetta var í ¦ fyrsta sinni sem hann grét. „Nú", sagði hann „ætla ég að fara til mannanna. En fyrst ætla ég að kveðja mömmu mína". Hann fór tii grenisins þar sem hún bjó með Úlfa- pabba, og hann grét með andlitið lagt að feldi hennar og úlfahvolparnir vældu í sorgartón. „Þið munuð þó ekki gleyma mér?" spurði Mowgli. „Aldrei — meðan við getum rakið sporin þín", sögðu hvolparnir. „Komdu aS fjallsrótunum þegar þú ert orðinn maður, og þar tölumst við við. Síðan munum við halda inn á hina plægðu akra og ieika okkur þar við þig um nætur". „Komdu fljótt", sagði Úlfapabbi. „Komdu fljótt aftur, litli vitri froskur, því að nú erum við mamma þín orðin gömul". „Komdu fljótt aftur", sagði Úlfa- mamma, „litlí nakti sonur minn; því að það máttu vita — þú barn mann- anna — að ég unni þér meir en nokkr- um minna hvolpa". „Vissulega kem ég", sagði Mowgli, „og þegar ég kem, verður það til þess að breiða húðina af Shera Khan yfir foringjaklöppina á þingstaðnum. Gleymið mér ekki! Segið öllum í skóg- inum að gleyma mér ekki!" Það var byrjað að lýsa af degi, er Mowgli gekk einmana niður fjallshlíð- ina, til þess að kynnast hinni dular- fullu veru, manninum. VeiðiljóS úlfanna. Rökkrið, sem huldi runn og blað reynciist svo mörgum skjól. Þar finnur hjörtur og fugl og mús í friði sitt nætur-ból. En næturstund gaf mátt í munn, því mörg sökk tönn í blóð. Nú ríkir engin ró í nótt. við raulum veiði-ljóð. Lausl. þýtt. Það er nauðsynlegt að dagsljósið nái til borðsins þar sem þú vinnur eða lærir undir skólann, en það er óholt ef sólarljósið fellur beint á bókina þína eða blöð. Ekki skaltu halda bókinni of nærri augum þínum. Það bæði þreytir augun og beygir bak þitt við vinnuna.

x

Unga Ísland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Unga Ísland
https://timarit.is/publication/894

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.