Árbók VFÍ/TFÍ - 01.06.2011, Síða 108

Reykjanes
Á miðju ári 2010 var lokið við að bora RN-29 sem er 2.837 metra djúp. Hiti fer yfir 300°C
í botni. HS Orka á síðan í júní 2010 eina 50 MW túrbínu til viðbótar í stöðvarhúsinu.
Djúpborun
IDDP-holan í Kröflu hefur verið prófuð. Hún gefur yfir 30 kg/sek af yfirhitaðri gufu sem
jafngildir 15-20 MW í afli. Engin önnur hola í landinu gefur jafnmikið af yfirhitaðri gufu
en nokkar aðrar eru álíka að afli.
Orkuveita Reykjavíkur
Ein 2.204 metra djúp niðurdælingarhola (HN-16) var boruð á Hellisheiði á árinu 2010 en
engin gufuhola.
Það fór saman í endaðan nóvember 2010 að varmaskiptastöðvarinnar á Hellisheiði var
tilbúin og lokið var við að leggja heitavatnsleiðsluna þaðan að geymunum á
Reynisvatnsheiði skammt austur af Reykjavík. Fyrsti áfangi varmaskiptastövarinnar er
133 MW. Leiðslan er 19,5 km löng. Þvermál hennar er 90 til 100 cm. Hæðarmunur
Hellisheiðar og Reynisvatnsheiðar tryggir að ekki þarf að dæla vatninu. Vatnið fer 85°C
heitt af stað og kólnar aðeins um 1 til 2°C á leiðinni.
Innraleiti á Skógarströnd
Haustið 2010 var boruð þar 1.138 metra djúp hitaleitarhola. Hiti í botni er yfir 90°C en
vatnsæðar örlitlar. Þar voru fyrir tvær holur, önnur 151 metra djúp en hin 1.020 metrar.
Efstaland í Ölfusi
í Ölfusi eru margar hitaveitur. Á Efstalandi eru íbúðarhús og veitingahús. Ábúandinn var
með heitt vatn frá Austurveitu en lagði samt í þá áhættu að láta bora 1182 metra djúpa
holu 450 metra vestur af húsunum. Holan gefur með djúpdælu a.m.k. 15 1/sek af 57°C
heitu vatni.
Hitaveitur undir Austur- og Vestur-Eyjafjöllum
Undir Austur-Eyjafjöllum eru hitaveitur frá borholum á Þorvaldseyri, Skógum, Raufarfelli/
Skarðshlíð og Seljavöllum. Undir Vestur-Eyjafjöllum er hitaveita á Asólfsskála og j
Húsadal í Þórsmörk. Á Seljavöllum er f boði 70°C heitt vatn en kaldara annars staðar. I
ársbyrjun 2010 var lokið við 391 metra djúpa holu í Drangshlíð undir Austur-Eyjafjöllum,
en þar er aðstaða fyrir ferðamenn. Með djúpdælu má dæla yfir 5 1/ sek af 38°C heitu vatni
sem nýtist vel í gólfhitun.
Draflastaðir í Fnjóskadal
Fimm borholur eru á Draflastöðum. Fyrst var borað þar eftir heitu vatni vorið 1981, aftur
veturinn 1982 og loks haustið 2005. Ekki hefur tekist að fá vatn sem nær 50 °C hita.
Fimmta holan var boruð á síðasta hausti niður í 411 metra dýpi. Hún gefur um það bil 1/5
1/sek af 38 °C heitu vatni í sjálfrennsli.
Austur-Skaftafellssýsla
Áfram var haldið hitaleit í Nesjum og nágrenni Hornafjarðar. Staðsetning vinnsluholu
hefur verið ákveðin en fé skortir enn fyrir borkostnaði.
1 0 6
Arbók VFl/TFl 2011