Siglingamál - 01.06.1973, Blaðsíða 4

4
1. mynd: Horft aftur eftir þilfari m-ls Páll Rós-
mkransson, þar sem slysið varð. Pollinn, sem
bilaði, er út við skjólborðið á stjórnborða.
2. mynd: Afstaðan milli þollanna á þilfarinu.
Spilið er framan við mastrið.
DAUÐASLY S
vegna bilunar á togveiðibúnaði
Grein 1.2.
Þann 17. apríl 1973 varð dauðaslys um borð
í m/s PÁLL RÓSINKRANSSON, KE-42, þeg-
ar polli með vírarúllu á þilfari bilaði á togveið-
um. Fórust þar tveir menn og sá þriðji slasaðist
alvarlega. Við skoðun, sem eftirlitsmenn Sigl-
ingamálastofnunarinnar gerðu þegar skipið kom
að landi, kom í ljós, að polli þessi, og reyndar
togbúnaðurinn allur, hafði verið smíðaður á
vélaverkstæði, án þess að nokkrar teikningar
væru sendar inn til viðurkenningar áður hjá
Siglingamálastofnun ríkisins, og án þess að
nokkuð væri tilkynnt um þessa breytingu á skip-
inu. Smíði og gerð þessa polla var á ýmsan hátt
mjög vanhugsuð, og rafsuðan mjög léleg. Rör
var rafsoðið ofan á plötu, sem boltuð var í
gegn um þilfarið. Rörið gekk ekki í gegn um
plötuna og létt rafsuða aðeins að utanverðu.
Sama var um rafsuðu á styrktarplötu út í skjól-
borðsstoð. Plata þessi var illa og lítið rafsoðin
utan á rörið. Slíkar styrkingar þarf að brenna
í gegn um rörið, og rafsjóða vel bæði að utan
og innan. Hér birtast ljósmyndir, sem eftirlits-
maður frá Siglingamálastofnun ríkisins tók af
pollanum um borð, og þær sýna vel hvernig
bilun þessi hefur orðið. Fyrst hefur brotnað raf-
suðan á styrktarplötunni við rörið, sem togrúll-
an er á. Þetta ástand sést á 4. mynd, þar sem
rörinu (pollanum) er stillt upp aftur á sinn upp-
runalega stað. Þegar þessi rafsuða plötunnar við
rörið bilar, fer pollinn (rörið) að hallast, með því
að platan á þilfarinu (stéttin) bognar upp á
milli boltanna, eins og sést á 5. mynd. Þegar
hér er komið sögu brotnar rafsuðan, sem tengir
rörið við þilfarsplötuna, og vírinn tekur allan
pollann með sér, á mennina, sem standa við
aðgerð inni í bugtinni. Þetta hefur væntanlega
allt skeð á mjög stuttum tíma, þótt atburðarásin
sé hér rakin eins og hún kemur fyrir sjónir eftir
útliti pollans eftir slysið. Afstaðan á milli poll-
anna á þilfarinu og spilsins og toggálgans aftan
sést vel á mynd 1 og 2. Hér er þessi rúlla (polli)
úti við skjólborðið greinilega ónauðsynleg, því
að taka má togvírinn svo til beint frá rúllunni
Framh. á bls. 20.