Neytendablaðið - 01.10.2004, Blaðsíða 3

Frá kvörtunarþjónustunni
1
Evrópska neytendaaðstoðin:
Gallað sjónvarp endurgreitt
A vegum Evrópsku neytendaaðstoðar-
innar (ENA) leystist nýlega mál sem
vert er að segja frá. Veturinn 2001-2002
dvöldu íslensk hjón við nám í Edinborg
í Skotlandi. Rétt fyrir jólin 2002 fóru þau
í raftækjaverslunina Dixons, sem er hluti
af stórri keðju, og keyptu m.a. stórt sjón-
varp. Þar sem þau voru á leið heim til
íslands eftir nokkra mánuði spurðu þau
starfsmenn verslunarinnar ítrekað hvort
tækið myndi ekki örugglega virka á ís-
landi. Svör Dixons voru öll á þá leið að
ekkert mál yrði að nota tækið á íslandi.
Vorið 2002 komu hjónin heim og þegar
á reyndi kom ekkert hljóð úr tækinu.
Ástæðan var sú að hljóð í bresku sjón-
varpi er sent út á annarri tíðni (bylgju-
lengd) en tíðkast í öðrum löndum
Evrópu, þ.á.m. íslandi. Hjónin höfðu
samband við umboðsaðila sjónvarps-
ins á íslandi og þá kom í Ijós að ekkert
var hægt að gera til að breyta tíðnistill-
ingu hljóðsins. Tækið væri ónothæft.
Itrekaðar tilraunir voru gerðar af hálfu
umboðsaðilans á íslandi til að ná samn-
ingum við Dixons en þeir sýndu engan
samstarfsvilja. Samt sem áður var Ijóst að
samkvæmt kaupalögum var sjónvarpið
gallað því það svaraði ekki til þeirra
upplýsinga sem seljandi hafði gefið um
tækið fyrir kaupin.
í nóvember 2003 ákváðu hjónin loks að
leita með málið til Neytendasamtakanna
og gátu samtökin sent mál þeirra til Evr-
ópsku neytendaaðstoðarinnar en hún
annast kvörtunarmál neytenda yfir landa-
mæri. ENA hafði samband við tengilið
sinn í Bretlandi og var mál íslensku hjón-
anna sent út til meðferðar ENA í Bretland
þann 30. desember 2003. Eins og við var
búist voru Dixons ekki fúsir til samstarfs
í fyrstu en eftir ítrekaðar bréfaskriftir og
erindi í 7 mánuði létu Dixons undan
þrýstingi ENA og ákváðu að endurgreiða
hjónunum sjónvarpið að fullu, auk þess
að endurgreiða viðbótarábyrgð sem þau
höfðu keypt. í byrjun ágúst bárust ENA á
íslandi síðan tvær ávísanir frá Dixons.
Starfsfólk ENA var að vonum afar sátt við
þessi málalok þótt það hefði viljað sjá
Dixons bregðast rétt við frá upphafi en
ekki rúmu ári eftir að fyrst var haft sam-
band við fyrirtækið.
DVD-diskar bættir vegna
galla í hugbúnaði
Kvörtunarþjónustan fékk mál inn til sín
sem sneri að eyðilögðum DVD-disk-
um. Kona ein hafði farið í Tölvulistann
og keypt sér tölvuturn og hugbúnaðinn
DVD X Copy Express sem átti að virka
með DVD-skrifara sem keyptur var á
sama tíma. Eftir mikið basl og eyðilegg-
ingu á 3 endurskrifanlegum DVD-RW
diskum keyptum í Tölvulistanum og 9
skrifanlegum DVD-R diskum frá annarri
verslun, kom í Ijós að DVD X Copy Ex-
press hugbúnaðurinn var gallaður og
eyðilagði alla DVD-diskana. Við svo
búið sneri konan sér til Tölvulistans sem
var tilbúinn að bæta þá diska sem keypt-
ir voru hjá þeim en hafnaði alfarið að
bæta þá diska sem keyptir höfðu verið
í annarri verslun. Konan var ekki sátt
við þetta þar sem hugbúnaður í ábyrgð
frá Tölvulistanum olli tjóninu og leitaði
til Neytendasamtakanna. í lögum um
neytendakaup segir m.a. að seljandi beri
ábyrgð á tjóni sem galli veldur á öðrum
hlutum ef þeir standa í nánu og beinu
sambandi við not söluhlutar. Óumdeilt
hlýtur að vera að notkun DVD-diska er
í slíku beinu sambandi við notkun DVD
X Copy Express hugbúnaðarins. Eftir að
Neytendasamtökin höfðu komið þessum
upplýsingum á framfæri við Tölvulistann
leiðrétti verslunin strax þennan misskiln-
ing og endurgreiddi alla DVD-diskana.
Af þessu dæmi má sjá hversu mikilvægt
það er að starfsmenn verslana sem sjá
um úrlausn ágreiningsmála þekki þau
lög og reglur sem eiga við í neytenda-
kaupum.
Misheppnuð iitun
Neytendasamtökin hafa hafttil meðferð-
ar mál sem varða flauelsdragt sem var
sett í litun hjá Fatalituninni Höfða hf.
Akureyri.
Við litunina hafði dragtin hlaupið og
saumar raknað upp. Frágangur á flíkun-
um var auk þess ekki við hæfi þar sem
flíkurnar voru ekki pressaðar. Konan sem
átti dragtina var að vonum ekki ánægð
með verkið og hafði samband við Neyt-
endasamtökin sem reyndu að miðla
málum. Það tókst ekki og óskaði eigandi
dragtarinnar að málið yrði sent úrskurð-
arnefnd Neytendasamtakanna og Félags
efnalaugaeiganda. Nefndin úrskurðaði
að Höfða hf. bæri að borga 8.000 kr.
í skaðabætur fyrir dragtina auk þeirrar
upphæðar sem konan hafði á sínum
tíma borgað fyrir litunina. Höfði neitar
að hlíta úrskurði nefndarinnar.
Annað mál kom á svipuðum tíma til
Neytendasamtakanna þar sem um var
að ræða Burberrys-ullarkápu sem var
lituð hjá Höfða hf. Eiganda kápunnar
þótti útkoman óviðunandi þar sem káp-
an hafði hlaupið og leðurlykkjur harðnað
og dottið af. Eigandi kápunnar óskaði
eftir að Höfði hf. greiddi skaðabætur
vegna kápunnar en eigandi Höfða taldi
sig ekki bera ábyrgð á því hvernig fór.
Eigandi kápunnar er ekki reiðubúinn að
leggja í meiri kostnað í bili til að ná fram
rétti sínum og mun ekki leggja málið fyr-
ir úrskurðarnefndina þar sem Ijóst er að
Fatalitunin Höfði ferekki eftir úrskurðum
nefndarinnar. Dómstólar eru því eina
leiðin. Það getur hins vegar verið dýrt
og tímafrekt.
Sjaldgæft er að seljendur þjónustu af
þessu tagi fari ekki eftir niðurstöðu sér-
fræðinga sem í nefndunum sitja. Neyt-
endasamtökin harma hvernig Höfði hf.
hefur tekið á þessum málum og beina
þeim tilmælum til neytenda að kynna sér
vel allar aðstæður áður en farið er með
föt í litun.
NEYTENDABLAÐIÐ 3. TBL. 2004 3