Neytendablaðið - 01.09.2006, Blaðsíða 22
Það sem aðrir tryggja ekki
- eóa hvaó?
Þig hefur lengi langaö í stafrœna myndavél,
þú þekkir marga sem eiga eina slika. Það
gœti verið gaman lœra á svona tœki, svo
ekki sé talað allt það sem hœgt er að gera
við stafrœnar myndir I tölvunni. Eftir að hafa
athugað markaðinn, skoðað gœðakannanir
og fengið tœknilega ráðgjöf hefur þú loksins
fundið út hvaða vél hentar þér best. Þú ert
í versluninni og biður eftir að röðin komi
að þér, þú hefur ákveðið hvað þú œtlar að
kaupa. „Ég œtla að fá Sony Silver Powershot
myndavél, er hún ekki 6 megapixlar?" spyrð
þú þegar afgreiðslumaðurinn snýr sér að þér
og býður þjónustu sina. „Jú einmitt. Gott
val, hún á eftir oð reynast þér vel," segir
afgreiðslumaðurinn um leið og hann bregöur
sér frá til að ná i eina pakkningu. Þú hefur
þegargert verðsamanburð og veist nákvœm-
lega hvað myndavélin kostar. Þess vegna ert
þú hér þvi tilboðið var eitt það hagstœðasta
sem þú fannst á markaðinum. En spyrð samt
til öryggis þegar hann kemur til baka með
nýju myndavélina: „Er hún ekki á 18.990?"
„Jú passar, bestu kaupin á markaðinum í
dag," staöhœfir afgreiðslumaðurinn, „var
það eitthvað fleira?" spyr hann. „Nei takk,
þetta dugar" segir þú.
„Má kannski bjóða þér tryggingu á vélina?"
spyr þá afgreiðslumaðurinn. „Haí" segir
þú, þetta var óvœnt hliðarspor i fyrir fram
gefnu kaupferli. Það átti bara eftir að taka
upp veskið, greiða 18.990 kr. og þakka fyrir
viðskiptin. „Tryggingu á vélina, til hvers?"
Afgreiðslumaðurinn hallar sér fram á
borðið og horfir djúpt í augun á þér. „Það
er viöbótartrygging sem bœtir tjónið ef þú
missir vélina t.d. í gólfið eða i sundlaugina.
Líka ef hún bilar eða henni er stolið, þá
fœrðu hana bœtta að fullu." Aahh ... nú þarf
að hugsa hratt. Er þetta ekki mikilvœgt?
Ekki viltu henda tœpum 19.000 krónum út
um gluggann ef þú t.d. missir nýju mynda-
vélina i kvöld ofan í baðkarið þegar þú ætlar
mynda litla snáðann þinn að leika sér með
bátinn sinn í freyðibaði. Þú spyrð hvað það
kostar. „Trygging til þriggja ára kostar 6.000
krónur og til fjögurra ára kostar hún 7.500
kr." útskýrir afgreiðslumaðurinn, „en ef þú
þarft að taka út trygginguna þá veistu að
hún gildir bara fyrir þessa einu vél. Þú kaupir
myndavél og eyðileggur hana eftir einn dag,
þá fœrðu nýja vél. En þá gildir ekki gamla
tryggingin lengur heldur þarftu að kaupa
nýja tryggingu, ef þú velur það. En samt þú
ert að fá nýja vél fyrir þessa ónýtu á 6.000
kallsem annars myndi kosta 18.990 kr."
Margar spurningar vakna og adrenalínið er
farið að flœða. Þarf ég þessa tryggingu, er
ekki ábyrgð á vélinni ef hún reynist gölluð?
Jah, samkvœmt kaupalögum er kvörtun-
arfrestur vegna galla tvö ár og fimm ár á
hlutum sem œtlaður er lengri endingar-
timi, svo ekki er það vandamálið. Nú svo er
ég með fjölskyldutryggingu sem bœtir alls
konar tjón og þjófnað en kannski ekki allt, ég
er heldur ekki með skilmálana i kollinum og
svo er það sjálfsábyrgðin. Þegar ég ferðast
er ég með farangurstryggingu, hún dekkar
örugglega myndavélina, en samt ekki ef ég
er á sundlaugarbakkanum og hef innbyrt
aðeins ofmargar margarítur og missi vélina
ofan i laugina! Ef einhver annar skemmir
hana fyrir mér hlýtur hann að bœta tjónið, ef
hann erþá borgunarmaður fyrir þvi. En hvað
ef... þetta eralltofflókið!Svo erþetta ekkert
svo há upphœð. Ég tek ekki sénsinn, ég vil
geta slappað afþegar ég er að nota mynda-
vélina, ekkert vesen. Einhver annar verður að
hafa áhyggjurnar. „Já takk, best að fá svona
tryggingu."... „Það gera 26.490 kr." og kortið
erstraujað!
Norræn skýrsla um viðbótartryggingar
Einhverjir kannast kannski við þessar
kringumstæður því viðbótartryggingar
eru að verða algengar þegar keyptir eru
dýrir hlutir sem ætlað er að endast. Sala á
viðbótartryggingum er algengari á hinum
Norðurlöndunum og í nýrri norrænni
skýrslu um viðbótartryggingar kemur fram
að 33% þeirra neytenda sem boðin er
viðbótartrygging þiggja hana. Það þýðir
að á hverju ári eru teknar um 3-3,5 millj-
ónir viðbótartrygginga á Norðurlöndum.
Markaðurinn er stór og má ætla að heildar-
velta viðbótartrygginga sé ekki undir 12
milljörðum á ári á Norðurlöndunum öllum.
Tillœgsforsikringeri Norden er ný skýrsla sem
unnin var fyrir Norrænu ráðherranefndina.
Þar er markaðurinn fyrir viðbótartryggingar
kortlagður en einnig var athugað hver
þekking neytandans er og hver sé þörf hans
fyrir viðbótartryggingu. í skýrslunni kemur
fram að viðbótartryggingar eru einkum
seldar í tengslum við heimilistæki og margar
tegundir raftækja. Viðbótartryggingar eru
einnig seldar með ýmsum öðrum vörum
eins og farsímum og gleraugum. Venjulegar
innbústryggingar eða fjarsala á tryggingum
eru ekki skoðaðar í skýrslu þessari heldur
eingöngu tryggingar sem snerta vörukaup
sem stofnað er til í smásöluverslun. Dæmi
um aðrar tegundir viðbótartrygginga er
forfallatrygging á flugferðum og jafnvel
þjónustuábyrgð bílaumboða. Má því ætla
að velta viðbótartrygginga sé mun meiri en
fram kemur í skýrslunni.
Samband verslunar og tryggingafélags
Viðbótartryggingar eru útbreiddastar meðal
stórra verslunarkeðja á smásölumarkaði,
sérstaklega í heimilis- og raftækjasölu. Oft
er um að ræða samnorrænar keðjur og eins
eru tryggingafélögin á þessum markaði oft
22 NEYTENDABLA6IÐ 3. TBL. 2006