Foringinn - 01.01.1963, Page 3

Dróttskátar
Nú stendur ferðaárið yfir, og þá er
einmitt tíminn fyrir dróttskátana að
fara af stað. Nú er tíminn til vetrar-
ferðanna efirminnilegu. Því væri ekki
úr vegi að gefa aðeins innsýn í starf
dróttskáta, hvernig það er byggt upp,
hver verkefnin eru og hver árangurinn
verður.
Markmið skátahreyfingarinnar í
heild er að gera góða og nýta þjóðfé-
lagsþegna úr þeim drengjum og stúlk-
um, sem starfa innan vébanda hennar.
Það er mjög nauðsynlegt fyrir okkur
að halda skátunum í starfi allt til þess,
að þeir eru færir um að taka á sínar
herðar þá ábyrgð, sem því er samfara
að teljast fullgildur meðlimur í þjóð-
félaginu. Þess vegna verðum við að
hafa einhver verkefni fyrir skáta á
aldrinum 14—17 ára, sem þeir geta
sætt sig við, og er um leið trappa
á leiðinni til hins þroskaða borgara.
Við vitum að skáta, sem náð hefur
14—15 ára aldri, finnst lítið koma til
hins venjulega flokkastarfs. Hann
krefst einhvers annars og meira og það
er eðlilegi. Þessi ár eru þau erfiðustu
á þroskaferli hans, og hann er staddur
á tímamótum, þegar honum finnst hann
vera orðinn fullorðinn, en er þó aUs
ekki fær um að skipa sér i raðir hinna
eldri. A þessu þroskaskeiði unglings-
ins verðum við foringjarnir að hjálpa
honum með því að skapa honum verk-
efni, sem hann vill vinna að.
Dróttskátastarfið er ekki verk Bad-
en-Powells, en reynslan hefur sýnt, að
þörfin eykst með árunum og aukinni
tækni á öllum sviðum. Svíar eru
komnir einna lengst í dróttskátastarfi.
Þeir lögðu grundvöll að nýju starfs-
fyrirkcmulagi, sem hefur verið tek-
ið upp víða á Norðurlöndum og nú síð-
ast hér heima.
Dróttskátasveitin samanstendur af
minnst fjórum og mest tuttugu drótt-
skátum. Henni er skipt í fjórar nefnd-
ir, sem hver um sig hefur ákveðið
verkefni: útilíf, tómstundastörf,
skemmti- og fræðslustörf og þjón-
ustustörf. Starfstímabil dróttskáta-
sveitarinnar er hálft ár. A misseris
fresti er haldið sveitarþing og þá er
gengið frá starfsáætlun fyrir næsta
tímabil. Dróttskátarnir vinna sjálfir að
áætluninni, hver í sinni nefnd, og síð-
an er ákveðið á þinginu, hverjar af til-
lögum nefndanna verða notaðar í loka-
áætlun.
Frh. á bls. 9.
FORINGINN 3