Foringinn - 01.01.1963, Síða 13
( ^
„Púppa“ tók nýliðapróf í maí
1953. Hún var flokksforingi í tvö
ár. 1957 varð hún sveitarforingi
og nokkru síðar deildarforingi.
Ritari í stjórn K.S.F.R. var hún
1959—1960. Sumarið 1957 og aft-
ur 1958 starfaði hún við kven-
skátaskólann á Úlfljótsvatni.
Og nú nýlega hóf „Púppa“ að
starfa á skrifstofu B.Í.S.
V______________________________________J
Þess er skammt að bíða, að Skáta-
blaðið fylli þriðja áratuginn. Saga þess
hefur verið rysjótt, en slíkt er óhjá-
kvæmilegt. Grasið grænkar á vorin,
fölnar að hausti; á svipaðan hátt hefur
veðráttan í íslenzku skátafélögunum
haft áhrif á afkomu Skátablaðsins. Þó
ber öllum saman um, að blaðið hefur
gegnt mikilvægu hlutverki í sögu
skátahreyfingarinnar hér á landi, og
vonandi rýrnar þáttur þess ekki í
framtíðinni.
Flestir skátar á íslandi eru á aldrin-
um ellefu til fjórtán ára, og ber að
Margrét Arnórsson hugleiðir:
velja efni Skátablaðsins samkvæmt
því. Þó er rétt að hafa blaðið sem fjöl-
breyttast, þannig, að flestir félagsmenn,
án tillits til aldurs og stöðu, finni eitt-
hvað í blaðinu við sitt hæfi. En stærsti
lesendahópurinn á rétt á, að flestar
blaðsíður séu ætlaðar honum.
Með útkomu Foringjans þrengist enn
svið Skátablaðsins. Efni ætluðu for-
ingjum og ská'ium eldri en fjórtán ára
er hægt að gera betur skil í foringja-
blaðinu en áður var unnt í Skátablað-
inu, og nú getur Skátablaðið rýmt fyr-
ir meira lesmáli handa nýliðum og
ungum skátum, án þess að gert sé á
kostnað annarra lesenda.
Skátar, á aldrinum ellefu til fjórtán
óra, vilja helzt kynnast starfi skáta á
sama reki. Tilgangslaust er að birta
greinar i Skátablaðinu, sem fyrirfram
er vitað, að níutíu af hundraði lesenda
gefa engan gaum. Af þessu er ljóst, að
greinar um skátaþing, róð og fundi
æðri skáta, hversu ágætar sem þær
eru; í Skátablaðinu eru þær ekki á
réttum stað.
Skótablaðið er nokkurs konar mið-
stöð. Fyrir áhrif þess tengjast skátar í
dreifbýli nánar skátastarfi stórra deilda
og sveita, sem aftur á móti kynnast
starfsmöguleikum fámennra félaga.
En höfum hugfast, að Skátablaðið vinn-
ur ekki af sjálfu sér. Allir skátar, ekki
síður lesendur en forráðamenn blaðs-
ins verða að leggjast á eitt til að hag-
nýta möguleika þess. Ef annar aðilinn
kemur ekki til móts við hinn, er til
einskis barizt.
FORINGINN 13