Bændablaðið - 01.10.2002, Side 4
4
BÆNDABLAÐIÐ
Þriðjudagur 1. október 2002
Ferðaþjónusta bænda var á meðal fjölmargra
þátttakenda í ferðakaupstefnunni Vest-
Norden sem fram fór á Akureyri dagana 11.
og 12. september. Sævar Skaptason forstöðu-
maður var þar önnum kafinn við fjórða mann að
selja það sem ferðaþjónustubændur hafa upp á að
bjóða. Hann segir markmiðið með þátttöku í Vest-
Norden fyrst og fremst það að koma ferða-
þjónustu bænda á framfæri og selja það sem
bændur hafa að bjóða.
„Hér höfum við tækifæri til að
hitta á einum stað flestalla sem
selja ferðir til íslands," svarar
Sævar spurður um þátttökuna í
kaupstefnunni. „Hér hittum við
viðskiptavini okkar og kynnum
starfsemi þeirra 120 bæja sem eru
innan vébanda Ferðaþjónustu
bænda. Vest-Norden ferðakaup-
stefnan er orðin fastur punktur hjá
þeim sem starfa í ferðaþjónustu og
margir miða starf sitt og skipulag
við að koma á kaupstefnuna og
ganga frá sínum málum. Megin-
markmiðið er að hitta mjög marga
viðskiptavini á mjög stuttum
tíma."
Persónulegi þátturinn
mikilvœgur
Sævar segir töluverðan
kostnað fylgja því að taka þátt í
svona ferðakaupstefnu, en þó sé
þetta ódýrasta leiðin fyrir bændur
til að koma sér á framfæri.
„Héma ganga menn frá
samningum, semja um verð og það
hvaða þjónustu þeir ætla að taka
inn í bæklingana sína og hvernig
ferðir fyrirtækin ætla að bjóða
næsta sumar," segir Sævar. „Þetta
getur verið svolítið flókið hjá
okkur því innan þessa hóps er
boðið upp á mjög mismunandi
aðstöðu og tegundir gistinga."
Meðal þess sem Ferðaþjónusta
bænda gerir til að koma félags-
mönnum sínum á framfæri er að
gefa út bækling þar sem öllum
Ferðamennirnir
vilja kynnast
fólki
bæjunum og þeirri aðstöðu sem
þar er í boði er lýst. Bæklingur á
ensku er gefinn út í 20 þúsund
eintökum og dreift til ferða-
skrifstofa um allan heim. En hvað
er það sem viðskiptavinir Ferða-
þjónustu bænda em að sækjast
eftir?
„Það sem ferðamenn vilja fyrst
og fremst sjá og upplifa er að
kynnast fólkinu sjálfu. Að hafa
tækifæri til að setjast niður með
fólki og spyrja um líf þess og til-
veru - komast inn fyrir þessa skel
sem þeir mæta til dæmis á stórum
hótelum. Fólkið vill komast í góð
tengsl við íslendinga og leitar þá
til ferðaþjónustubænda í von um
að komast í persónulegri snertingu
við íslendinga en það annars
myndi gera," segir Sævar. Þannig
segir hann að uppskriftin að
árangri sé að ferðaþjónustubændur
haldi í persónulega þáttinn í
þjónustunni. „Já, það er mjög
mikið atriði. Ef ferðaþjónustu-
bændur ætla að greina sig frá
öðrum, til dæmis þeim sem eru í
ferðaþjónustu eða bjóða gistingu á
þéttbýlisstöðum úti á landi, þá er
besta leiðin að gefa ferðamannin-
um tíma og haga vinnu sinni
þannig að menn geti gefið svolítið
af sér."
Stcerðin ókostur?
Með hliðsjón af þessari
eftirsókn ferðamanna í persónulegt
samband við ferðaþjónustu-
bændur, sem Sævar bendir á að sé
mikilvægt, er ef til vill eðlilegt
framhald að spyrja um stærð
gistiaðstöðunnar. Er stærðin þá
hugsanlega ókostur í þessu sam-
bandi? Eru einhverjir ferða-
þjónustubæir orðnir of stórir til að
geta haldið þessum þætti inni í
þjónustunni?
„Það getur farið svo að stærðin
verði ókostur ef menn eru ekki
meðvitaðir um þennan þátt
þjónustunnar. Við erum alltaf að
hamra á þessu í áróðri okkar til
bændanna, það er að þeir gleymi
ekki uppruna sínum þótt umsvifin
aukist. Þeir þurfa að gefa sér tíma.
Það er alltaf hætta á því í erli
dagsins að þetta gleymist og
jafnvel að menn fái leiða á ferða-
mönnunum - en þá þarf að setjast
niður og hugsa sinn gang. Ferða-
mennirnir vilja fá þennan persónu-
lega þátt og kynnast lífmu hér og
fá að vita hvernig við búum í þessu
landi. Ferðamaðurinn kemur til
íslands til þess að kynnast fólkinu
og upplifa hina óspilltu, íslensku
náttúru. Með því að gista hjá
bændum kemst ferðamaðurinn
miklu nær fólkinu og náttúrunni.
Jafnvel þótt ferðaþjónustubýlið sé
stórt í sniðum, þá veit hann að
hann er úti í sveit og að hann getur
gengið út úr matsalnum eftir að
kvöldverði er lokið, beint út í móa,
út í náttúruna," segir Sævar
Skaptason forstöðumaður Ferða-
þjónustu bænda.
Mðrg tækífæri til staðar einmitt nána
Moche Hassid, rekstrarstjóri hjá frönsku
ferðaskrifstofunni Vivatours, einbeitir sér að því
að koma íslandi á framfæri utan háannatímans í
ferðaþjónustunni. í samtali við blaðamann
kemur verðlagið hér fljótlega til tals, eins og hjá
löndum hans Franck Lemaitre og Marc Malliet.
„Það fyrsta sem kemur upp í hugann þegar
venjulegur franskur ferðamaður er spurður um
ísland er verðlagið, sérstaklega yfir
sumartímann. Við hjá Vivatours erum að reyna
að komast framhjá því
og búa til nýjan markað.
Við viljum breyta ferða-
venjum fólks og reyna að
búa tii markað fyrir
ferðir utan háanna-
tímans, og þá á lægra
verði. Við bjóðum allt
frá vikuferðum upp í
fimm vikna dvöl. Við
einbeitum okkur að
hvers kyns vetrar-
afþreyingu fyrir ferða-
menn með nánu samspili
við náttúruna, vegna
þess að náttúra og
umhverfi íslands eru
alveg einstök. Það erum
við að reyna að selja en
verðlagið spilar mjög
stórt hlutverk í minni
vinnu."
Verið frumleg og
uppfin n ingasöm
Viðtölin á Vest-
Norden ferða-
kaupstefnunni voru tekin 11. september og varla
hjá því komist að velta aðeins fyrir sér áhrifum
atburðanna í Bandaríkjunum fyrir ári á þennan
atvinnuveg. Hefur ísland hugsanlega "hagnast"
á því að vera kyrrlátt og friðsælt land í tengslum
við hrun í ferðaþjónustu um allan heim eftir 11.
september í fyrra?
„Ég held að öli Norður-Evrópa hafi
"hagnast" á þróuninni eftir 11. september í
fyrra, ef nota má það orð í þessu sambandi,"
segir Moche. „Það varð
mikið hrun á öðrum
mörkuðum en Norður-
Evrópa virðist ætla að
halda sínu og jafnvel
sækja á. Ef þeir sem
starfa við ferðaþjónustu
hér á íslandi líta á þetta
sem iðnað eða alvöru
atvinnugrein en ekki
eitthvað sem hægt er að
vinna við í tvo til þrjá
mánuði á ári, þá eru
mörg tækifæri sem hægt
er að nýta. Ef þið viljið
skapa ykkur stöðu á
nýjum markaði þá eru
mörg tækifæri til staðar
einmitt núna. En þá
þurfið þið að vera frum-
leg og uppfinningasöm,
komast að því hvað fóik
vill og bjóða nýja mögu-
leika, en fyrst og fremst
að huga að verðlaginu."
Moche Hassid frá Vivatours í Frakklandi segir mörg
tækifæri í feröaþjónustu fyrir lönd Norður-Evrópu
þrátt fyrir - eöa ef til vill vegna - atburöanna í
Bandaríkjunum 11. september í fyrra.
Sævar Skaptason (til hægri), forstöðumaður Ferðaþjónustu bænda, var
ásamt þremur starfsmönnum önnum kafinn við að koma ferðaþjónustu-
bændum á framfæri á Vest-Norden ferðakaupstefnunni, sem haldin var á
Akureyri á dögunum.
Þarf að vera næstum
fullkomiO lyrir petta verO!
Þeir Franck Lemaitre og
Marc Malliet frá frönsku ferða-
skrifstofunni Comptoir D'Islande
eru á meðal stærstu viðskiptavina
Ferðaþjónustu bænda og létu sig
ekki vanta á Vest-Norden. I
stuttu spjalli blaðamanns við þá
félaga kom meðal annars fram að
miðað við það verðlag sem er á
þjónustu á íslandi þurfi hún að
vera næstum fullkomin til að
standa undir væntingum!
Franck Lemaitre hrósar þeirri
miklu fjölbreytni sem er í því
sem ferðaþjónustubændur hafa
að bjóða og segir stærðina ekki
þurfa að vera vandamál. „Ef til
vill eru sumir orðnir of stórir, en
á hinn bóginn getur það verið
ágætt yfir háannatímann þegar
skortur er á gistirými. Þannig
verður til mikil fjölbreytni og
okkar hlutverk er einfaldlega að
upplýsa viðskiptavini okkar um
þá fjölbreyttu möguleika sem
fyrir hendi eru og að finna þá
gistiaðstöðu sem þeir eru að leita
að. En stærðin getur skipt máli og
stundum finnst okkur að sumir
ferðaþjónustubæir séu í raun ekki
bæir lengur og þess vegna notum
við í Frakklandi til dæmis mikið
orðið "sveitahótel" í stað þess að
tala um bóndabýli eða bænda-
gistingu."
Marc Malliet tekur undir með
félaga sínum en segir stærðina
geta falist í ýmsu: „Stærðin er
ekki endilega spuming um um-
fang heldur hugarfar og andann
sem er í þjónustunni. Vandinn
sem getur falist í stærðinni
tengist mjög hugarfari þeirra sem
standa þar að baki. Fyrir mér er
það mjög mikilvægt að sá sem
rekur ferðaþjónustu á bóndabæ
eða sveitahótel haldi á lofti
heimilislegum anda og hafi
persónulega þáttinn í heiðri. Það
er mikilvægt að gestgjafinn tali
við fólkið og haldi sál staðarins
lifandi."
Gœðin mega ekki
týnast í stœrðinni
Franck segir það ekki skipta
svo miklu í raun hvort bændur
stækki við sig og auki umfangið í
ferðaþjónustunni svo mikið að
þeir verði hugsanlega að hætta
hefðbundnum búskap. „Þetta er
spurning um hugarfar eins og
Marc sagði. Það sem við þurfum
að hafa á hreinu er einfaldlega
hvað viðskiptavinurinn vill, hvað
hann getur keypt og hvað hann
fær. Það er reyndar mjótt bilið frá
því að vera bóndi sem býður
gistingu, ferðaþjónustubóndi, yfir
í að vera hótelrekandi með
sveitahótel. En þetta snýst allt um
það hvað fólk vill og fjölbreytnin
getur verið kostur, þótt það geri
okkur stundum erfitt fyrir í starfi
okkar."
Báðir leggja þeir mikla
áherslu á persónulega þáttinn í
þjónustunni á bæjunum og það
að ferðamaðurinn geti sjálfur
valið á hvaða bæ hann fer, meðal
annars út frá því hvað er í boði.
„Það mikilvægasta er að halda
gæðunum, þau mega ekki týnast í
stærðinni," segir Marc og Franck
tekur undir: „Gæðin eru mjög
mismunandi milli einstakra gisti-
staða og það getur gert okkur
erfitt fyrir við að selja áfram til
viðskiptavina okkar. Jafnframt er
mjög mikilvægt að hafa í huga að
ísland er mjög dýrt land og þegar
maður greiðir jafnhátt verð fyrir
gistingu og raunin er hér á íslandi
þá verða gæðin að standa undir
því verði. Þið verðið að bjóða
eitthvað sem er næstum full-
komið fyrir það verð sem er í
boði.
Franck Lemaitre (t.v.) og Marc
Malliet frá frönsku ferða-
skrifstofunni Comptoir D'lsiande
á tali við þær Oddnýju Björns-
dóttur og Sigríði Björnsdóttur frá
Ferðaþjónustu bænda.