blaðið - 24.05.2005, Blaðsíða 12

12 brúðkau
þriðjudagur, 24. maí 2005 I blaðið
Er gifting
næsta skrefið?
Góðar og gildar
ástæður fyrir því að
þið skuluð ganga í
það heilaga:
Þið eruð ástfangin:
Þó svo að ástin sé ekki eina ástæð-
an fyrir giftingu er hún mjög mik-
ilvæg og stór þáttur í þeim sam-
böndum sem enda hvað lengst.
Skuldbinding:
Þið hafið ákveðið að vera saman
að eilífu og gangast við kostum og
göllum hvort annars.
Menningarlegar ástæður:
Gifting er hluti af menningu ykk-
ar. Hjónabandið hefur trúarlega
merkingu eða er hluti af viðmiði
gildismats ykkar.
Fjölskyldan:
Þið hafið átt gott og traust sarn-
band og teljið giftingu vera tíma-
bæra ef til bameigna skal koma.
Til þess að fagna:
Þið viljið deila hamingju ykkar
með fjölskyldu og vinum og leyfa
þeim að taka þátt í að fagna sam-
bandi ykkar.
Rétti tíminn:
Sambandið er traust oggott og gift-
ing er eðlileg sem næsta skref.
Margar ástæður geta verið fyrir því
að fólk skuli ganga að eiga hvort
annað en í flestum tilvikum er það
hamingjusamt samband þar sem ást
ogkærleikur er í fyrirrúmi. Mikilvæg-
ast er að báðir aðilar hafi rætt mál-
in til hlítar og að áhugi beggja sé til
staðar. í ljósi þess að skilnaðartíðni
hefur aukist til muna undanfarin ár
er ástæða til þess að skoða málin vel
og vera samstíga í þeim kröfum sem
gerðar eru til hjónabandsins og hvort
annars. Ef fólk vill ólíka hluti og set-
ur mismunandi kröfur getur verið að
málin taki aðra stefnu en lagt var
upp með.
Þá er fullkomlega eðlilegt að fólk
fái efasemdir þegar að deginum kem-
ur og að heilinn fari á fullt í vanga-
veltum hvers konar. Þetta er auðvit-
að eiii stærsta ákvörðunin sem við
tökum í lífinu. Á meðan þið getið tal-
að opinskátt um tilfinningar, stutt og
hrósað hvort öðru og verið vinir, eru
líkur á að þið séuð á réttri leið.
Ástæður þess að
þið eigið ekki að
ganga í það heilaga:
Til þess að gera sambandið
öruggt:
Ef sambandið er ekki öruggt fyrir
má ekki gera ráð fyrir því að með
giftingu breytist eitthvað í þeim
efnum. Það gæti orðið erfiðara
fyrir ykkur að skilja eftir að hjóna-
bandið hefur verið innsiglað en
það þýðir ekki að meiri gleði verði
í sambandi ykkar.
Hræðsla við að vera ein/n:
Sumir eru hræddir við að enginn
vilji neitt hafa með þá að gera.
Hafið þó hugfast að það er betra
að vera einn en að eyða lífinu með
röngum aðila.
Vegna barnanna:
Það er sannað að börn græða á
því að búa með báðum foreldrum
en að giftast eingöngu vegna bam-
anna er ávísun á vansælt hjóna-
band og erfitt umhverfi fyrir alla.
Þú vilt stórt og glæsilegt
brúðkaup:
Tilhugsunin um hvíta kjólinn,
dýrindisveislu og taumlausa gleði
er sem ævintýri líkust en gleymið
ekki að veislan varir aðeins í einn
dag. Hjónabandið á (í flestum til-
vikum) að vara til æviloka.
Til þess að komast yfir
skilnað:
Sumir vilja annað brúðkaup til
þess að hjálpa sér að komast yfir
það fyrsta, til þess eins að sanna
fyrir sjálfum sér og öðrum að allt
sé í lagi. Tilfinningarnar verða
að koma að innan. Ef það er ein-
göngu vegna fyrrum hjónabands
sem þú giftir þig - slepptu því þá
frekar.
Brúðkaupsvertíðin
að hefjast
íslendingar með skemmtileg
og fjölbreytt brúðkaup
halidora@vbl.is
Elín María Björnsdóttir lifir og hrær-
ist í brúðkaupum en hún er þátta-
stjórnandi Brúðkaupsþáttarins Já.
Hún hefur farið í um 100 brúðkaup
í gegnum tíðina og hefur því upplifað
hinar ýmsu útgáfur af athöfnum og
veislum. „Mér finnst alltaf jafngam-
an að fara í brúðkaup og þau minna
mig oft á mitt eigið,“ segir Elín, en
aðspurð segir hún brúðkaup henn-
ar og Hrafnkels, eiginmanns henn-
ar, standa upp úr. „Auðvitað trónir
manns eigið brúðkaup á toppnum yf-
ir þau eftirminnilegustu en það held
ég að allir geti verið sammála um.“
Elín er spennt yfir sumrinu, enda
er brúðkaupsvertíðin að hefjast þessa
dagana og æ fleiri ganga í það heilaga.
„Mér líst rosalega vel á þetta allt sam-
an í ár, það eru margir að gifta sig
og veisluhöldin verða margbreytileg.
Við íslendingar höldum
afar skemmtileg brúð-
kaup og gefum öðrum
þjóðum ekkert eftir. Við
erum fjölbreytt og sjálf-
stæð og ég finn mikið
fyrir því að fólk planar
daginn eftir eigin höfði
í stað þess að láta önn-
ur áhrif spila þar inn
í. Það einkennir okkur
að mínu mati. Það er í
raun og veru allt í gangi
- íslensk og þjóðleg brúðkaup, brúð-
kaup með bandarískum og asískum
áhrifum og þar fram eftir götunum."
Panta kirkju, prest, veislusal
og tónlistarfólk í tíma
Mismunandi er hvað fólk leggur
aðaláherslu á þegar það giftir sig.
Sumir leggja hvað mest upp úr at-
höfninni sjálfri, einhverjir huga aðal-
lega að veislunni og aðrir hafa mest-
ar áhyggjur af því hvað bera skuli á
borð fyrir veislugesti. „Ég ráðlegg yf-
irleitt fólki að panta kirkju, prest, sal
og tónlistarfólk í tíma, en eftir það er
hægt að taka
hlutina rólega
og fínpússa öll
atriði. Það er
auðveldara að
ráðstafa matn-
um en að fá
kirkju eða tón-
listarfólk og
því er gott að
vera búinn að
því snemma.
Það er ekkert
leiðinlegra en
að fá t.d. ekki
pláss í þeirri
kirkju sem
maður vill
gifta sig í og
þurfa að bíða í
lengri tíma.“
í ár er meira
um að fólk gifti
s i g
fyrr
e n
seinna og síðan þegar
hausta tekur. Aðspurð um
ástæður þessa segir Elín
þær geta verið margar.
„Það eru kannski bara prak-
tískar ástæður. Svo er þetta
örugglega tillitsemi við þá
sem eru að fara til útlanda
en það er oft mest um það
seinni part sumars," segir
Elín og hlær. Hún bætir því við að
haustin séu eins orðinn vinsæll tími
í þessum efnum, enda skemmtilegt
að bíða full eftirvæntingar yfir sumar-
tímann. Aðspurð um hefðir segir Elín
að það sé mismunandi en að fleiri en
færri haldi í við ýmsa gamla og góða
siði. „Það er t.d. algengt að fólk láti
konurnar sitja vinstra megin í kirkj-
unni og karlana hægra megin. Þá
eru margir sem sleppa því að sofa í
sama rúmi nóttina áður og svo er auð-
vitað þessi sígilda þar sem bannað er
að brúðhjónin sjáist fyrir athöfnina.
Annars er nú allur gangur á þessu.“
Óhætt er að segja að
María sé afar fróð
allttengtbrúðkaup-
því hún hefur farið
100 talsins.
Réttur maki, virðing og trygg-
lyndi - lykill að góðu hjóna-
bandi
Þegar fólk giftir sig tekur það stóra
og þýðingarmikla ákvörðun. Elín seg-
ir að fyrir utan að velja sér rétta mak-
ann sé mikilvægt að bera virðingu
hvort fyrir öðru, auk þess sem trygg-
lyndi þurfi að ríkja. „Ég legg líka ríka
áherslu á að fólk ræði við sinn prest
um gildi hjónabandsins og það sem
giftingin hefur í fór með sér. Það sem
skiptir miklu máli er líka að fólk geri
sér grein fyrir að hjónabandið er ekki
bara bein leið, það þarf að takast á
við ýmis mál sem geta komið upp. Ef
hjónin eru samtaka um að vinna sam-
an að því að láta hlutina ganga upp á
þetta að vera hið besta mál. Að taka
ákvörðun um að leysa allan ágrein-
ing er líka gott, auk þess sem við þurf-
um að læra að beygja okkur og vægja
endrum og eins.“ ■
II--------
Ræðið við
prestinn
um gildi
hjónabands
ins.
Eitthvað gamalt, eitthvað nýtt,
eitthvað lánað og eitthvað blátt...
„Something old, something new, so-
mething borrowed, something blue,
and a silver sixpence in her shoe,“
segir í gamalli enskri rímu en sam-
kvæmt hefðinni þarf brúðurin að
hafa eitthvað úr hveijum flokki
til þess að tryggja hamingju hjóna-
bandsins. Silfurpeningur í skónum
hefur verið látinn liggja á milli hluta
síðustu árin en margir reyna að upp-
fylla hin skilyrðin. Þó svo að þetta sé
gömul lumma og eigi kannski ekki
að skipta miklu máli, nema fyrir þá
hjátrúarfullu, getur verið gaman
að auka sjarma undirbúningsins og
velta þessu fyrir sér. Brúðurin gæti
t.d. verið með gamalt hálsmen, í
nýjum nærfótum, með bláa eyrnar-
lokka og fengið sokkaband lánað hjá
vinkonunni. Þar með væri hún búin
að fylgja ráðum vísunnar og eflaust
að gulltryggja velgengni hjónabands-
ins...