blaðið - 23.06.2005, Blaðsíða 4

SHOPL/SA.IS
fimmtudagur, 23. júní 2005 i blaðið
/

{SHOPUSAASj
Ofbeldisbrotum í
Reykjavík fækkar
Ofbeldisbrotum í Reykjavík hefur
fækkað talsvert frá árinu 2003.
Þetta kemur fram í nýútkominni
ársskýrslu lögreglunnar í Reykjavík.
Árið 2004 voru 588 ofbeldisbrot kærð
til lögreglunnar í Reykjavík, sem
samsvarar um 18% fækkun frá árinu
2003. Líkamsárásum fækkaði um
18%, minni háttar líkamsmeiðing-
um fækkaði um 40% en meiri háttar
líkamsmeiðingum fækkaði um 44%.
Ofbeldisbrotum í umdæminu hefur
fækkað stöðugt frá árinu 2000 en þá
var tilkynnt um 899 ofbeldisbrot.
Kynferðisafbrotum hefur fjölgað
stöðugt frá árinu 1999 en nauðgun-
um hefur þó fækkað. Árið 2004 var
eitt mál er tengdist vændi kært til
lögreglunnar. Rannsókn á því máli er
nú að mestu lokið en um er að ræða
nuddstofu þar sem boðið var upp á
það sem kallað er erótískt nudd. Þrír
einstaklingar stóðu að rekstrinum og
eru þeir sakaðir um að hafa boðið þar
upp á þjónustu sem varðar við hegn-
ingarlög.
Tvö manndráp voru kærð á árinu
og einnig tvær tilraunir til mann-
dráps. I maí lést ung stúlka eftir
áverka sem móðir hennar veitti
henni með hnífi. í júlímánuði myrti
maður sambýliskonu sína og vísaði
lögreglu á lík hennar mánuði síðar.
í desember lést maður af völdum
höfuðhöggs sem hann hlaut á veit-
ingastað í Mosfellsbæ. Þá var maður
kærður fyrir alvarlega líkamsárás en
hann skar leigubílstjóra á háls. Ann-
ar maður er nú vistaður á réttargeð-
deildinni á Sogni fyrir að skera mann
alvarlega með hm'fi fyrir utan hús við
Laugaveg í nóvember.
Norðurlöndin
verði fyrirmynd
íraks
„Norðurlöndin
eru dæmi um
það hvernig
góð nágranna-
tengsl geta
leitt til velmeg-
unar og styrkt
þróun,“ eru
þau skilaboð
sem utanríkis-
ráðherrarNorð-
urlandanna
senda alþjóðlegri ráðstefnu í Brussel,
þar sem fjallað var um ástand og horf-
ur í írak. Segir í bréfi ráðherranna að
þátttaka nágrannaríkja skipti miklu
við að koma á stöðugleika, sem sé for-
senda endurreisnar í írak. Þá segir
að vilja þjóðarinnar sjálfrar þurfi að
hafa að leiðarljósi við endurreisnar-
starfið og að skapa verði réttlátt og
gegnsætt réttarríki. „Góðir stjómar-
hættir og stjórnvöld, sem verða að
standa fyrir máli sínu gagnvart borg-
urunum, eru þungamiðjan í lýðræðis-
legri samfélagsgerð."
Stuðningur íslendinga við lýð-
ræðisþróun
Þótt Davíð Oddsson utanríkisráð-
herra sé skrifaður fyrir bréfi ráð-
herranna er það Geir H. Haarde
fjármálaráðherra sem situr fundinn
í Brussel fyrir hönd íslands. í ræðu
sinni á fundinum lýsti hann stuðn-
ingi íslenskra stjórnvalda við lýð-
ræðisþróun í írak og lagði áherslu
á mikilvægi þess að ný stjórnarskrá
landsins tryggði rétt allra írakskra
borgara. Hann ítrekaði einnig þann
ávinning sem lýðræði og stöðugleiki
í írak hefði á önnur ríki í þessum
heimshluta.
4 innle
Hátt verð á eldislaxi
Verð á íslenskum eldislaxi hefur
hækkað verulega á evrópskum mörk-
uðum að undanfómu. Ástæðan fyrir
þessu er að fyrir skömmu setti Evr-
ópusambandið refsitolla á norskan
eldislax og er tollurinn að meðaltali
um 16%. Við það dró úr framboði á
laxi í Evrópu, auk þess sem verð
á norskum laxi hækkaði til
samræmis við refsitollana.
Verð á íslenskum laxi var
gríðarlega hátt í síðustu viku,
þegar það fór yfir fimm evr-
ur á kg. Þá hafði verðið
hækkað um u.þ.b. 75%
frá áramótum. í
þessari viku hefur
verðið hins vegar
verið í kringum
fiórar evrur á
kg sem, þrátt
fyrir lækkun
milli vikna,
þykir engu að
síður mjög gott
verð.
Að sögn Birg-
is Össurarsonar,
sölu- og markaðs-
stjóra Samherja,
stendur greinin
sterk um þessar
mundir. Hann
Hágæða
prótein
Fáar
hitaeiningar
Formaður
stjórnar
Samkeppniseftirlits:
„Tengist
FL Group á engan hátt“
Gylfi Magnússon,
formaður stjórnar
Samkeppniseftir-
lits, vísar á bug
gagnrýni Birgis
Jónssonar, fram-
kvæmdastjóra Ice-
land Express, um
meintvanhæfi sam-
keppnisyfirvalda til að taka á deilum
Iceland Express og FL Group vegna
starfa hans fyrir Flugleiðir.
Gylfi bendir á að ákvörðun um að
heimila samruna FL Group, Bláfugls
og Flugflutninga, sem Birgir gagn-
rýni sérstaklega, hafi verið tekin af
Samkeppnisráði, sem sé hinu nýja
Samkeppniseftirliti óviðkomandi, en
þar fyrir utan hafi hann hvergi komið
að því máli á nokkru stigi.
„Ég hef veitt ýmsum fyrirtækjum
og öðrum aðilum ráðgjöf í samkeppn-
ismálum á undanfórnum árum. Eitt
þessara fyrirtækja er FL Group, sem
hefur raunar síðan þá skipt um nafn,
eigendur og helstu stjórnendur,"
segir Gylfi en ítrekar að hann teng-
ist engu af þessum fyrirtækjum eða
aðilum fjárhagslega eða með öðrum
hætti sem máli skiptir lengur. „Ég
mun vitaskuld ekki vinna við slíka
ráðgjöf á meðan ég starfa fyrir Sam-
keppniseftirlitið og hef raunar ekki
gert það síðan árið 2003.“
Gylfi segir að störf hans fyrir Flug-
leiðir hafi snúið að hagfræðilegri
ráðgjöf í einu deilumáli fyrirtækis-
ins og Iceland Express. Niðurstaða
í því máli hafi fengist með úrskurði
áfrýjunarnefndar samkeppnismála í
september 2003, en síðan hafi hann
ekkert starfað fyrir FL Group eða
dótturfyrirtæki þess.
Hann hefur ekki áhyggjur af því
að þau tengsl geti flækt störf sín fyr-
ir Samkeppniseftirlitið. „Menn þurfa
á degi hverjum að taka afstöðu til
slíkra mála og ef einhver vafi leikur á
hæfi manns víkur maður einfaldlega
sæti. Það er alvanalegt."
bendir þó á að miklar
sveiflur séu í verði
á eldislaxi, með-
al annars vegna
ákvarðana stj óm-
málamanna.
„Við höfum
lært að taka
því sem að
höndum ber og
samþykkja það
starfsumhverfi
sem er á hverj-
um tíma,“ segir
Birgir.
Prestur frá
Eþíópíu á íslandi
Paulos Shune, einn forseta Mekane
Yesu kirkjunnar í Eþíópíu, verður
meðal vígsluvotta þegar biskup fs-
lands vígir hjónin Helgu Vilborgu Sig-
urjónsdóttur og Kristján Þór Sverris-
son til kristniboða á sunnudaginn.
Paulos mun síðan um kvöldið tala á
samkomu í húsi KFUM og K en hann
er hér á landi sem sérstakur gestur
Kirkjudaga sem verða um helgina.
Hjónin hafa búið í Noregi undan-
farið ár við undirbúning fyrir störf
sín í Eþíópíu en Mekane Yesu kirkj-
an er samstarfskirkja Kristniboðs-
sambandsins á íslandi.
Umferðin:
Stefnir í stórslysaár
„Þegar lesið er úr tölfræði kemur í
ljós að sumar- og haustmánuðir taka
langstærstan toll á vegum landsins. í
ljósi þess að 13 manns hafa látið lífið
í umferðarslysum það sem af er ári er
vissulega áhyggjuefni hvernig það á
eftir að enda,“ segir Ágúst
Mogensen, framkvæmda-
stjóri Rannsóknarnefnd-
ar umferðarslysa. Hann
segir að almennt aki fólk
of hratt miðað við aðstæð-
ur og að hraðakstur í
beygjum á vegum úti séu
algeng orsök banaslysa.
11
*g§r
Hámarkshraði miðast
við bestu aðstæður
„Við [Rannsóknarnefnd
umferðarslysa] teljum
mikilvægt að ökumenn
fylgi lögbundnum hámarkshraða en
séu þó meðvitaðir um að hann miðast
við bestu aðstæður,“ sagði Ágúst á íjöl-
miðlafundi í gær þar sem kynnt var
Óðum styttist í aðra stærstu ferðahelgi
ársins, fyrstu helgi júlímánaðar. Um síð-
ustu helgi létust þrír í umferðarslysum.
Það á að
taka úr
umferð
þá sem
stunda
ofsaakstur
nýtt þjóðarátak Vátryggingafélags
íslands (VÍS) „Hægðu á þér - tökum
slysin úr umferð". Átakið gengur út
á það að við svokallaða svarta bletti
á þjóðvegum landsins verða sett upp
skilti þar sem bent er á leiðbeinandi
hámarkshraða. Með þessu
á að reyna að minnka
hraða á vegum úti, þar
sem fæstir ökumenn gera
sér grein fyrir afleiðingum
hraðaksturs.
ssnBMSHaNaanHBHB
Ofsaakstur verði ekki
liðinn
Ágúst er hæstánægður
með átakið og bindur von-
ir við að það fækki umferð-
arslysum. Hann segir þó
að það eina sem virkilega
dugi sé aukin löggæsla og
þyngri refsingar. „Það á að taka úr
umferð þá ökumenn sem stunda ofsa-
akstur því þeir hafa ekki rétt á að
stofna lífi og limum annarra vegfar-
enda í hættu.“ Um síðastliðna helgi
mældi lögreglan á Akureyri yfir helm-
ing bíla á yfir 110 kílómetra hraða en
þrír létust þá helgi í umferðinni.
Neytenda-
samtök gera
athugasemd
við Símann
Neytendasamtökin sendu í gær Póst-
og fjarskiptastofnun bréf þar sem
þau gera athugasemd við ákvörðun
Símans um að breyta tímamælingum
á símtölum viðskiptavina sinna. Sím-
inn auglýsti fyrir nokkru síðan kosti
þess að mæla kostnað símtala með
sekúndumælingu en hefur breytt
gjaldtökunni í það sem tíðkast hjá
samkeppnisaðilum.
Illa auglýst
Segir í bréfi Neytendasamtakanna
að eingöngu hafi breytingin verið til-
kynnt á heimasíðu Símans, sem telja
verður með öllu ófullnægjandi út
frá hagsmunum neytenda. Fullyrða
þau að þessi breyting komi sem bein
hækkun á símreikningum viðskipta-
vina.
Villandi útskýringar
í bréfi sem Síminn sendi Póst- og
fjarskiptastofnun 8. júní sl., kemur
fram að samhliða þessum breyting-
um verði boðið upp á nýjar sparnað-
arleiðir sem muni leiða til lækkunar
á simreikningum þeirra sem nýta sér
slík afsláttarkjör. Samkvæmt ítar-
legri könnun sem Póst- og fjarskipta-
stofnun gerði í aprílmánuði kemur
m.a. fram að 72% aðspurðra fylgjast
illa með tilboðum fjarskiptafyrirtækj-
anna. Þykir Neytendasamtökunum
einnig furðulegt að þeir viðskiptavin-
ir Símans sem kjósa óbreytt ástand
þurfi að tilkynna það sérstaklega.
Skref í ranga átt
Segja Neytendasamtökin einu eðli-
legu leiðina í innheimtu vera að inn-
heimta fyrir þann rauntíma sem neyt-
endur tala. „Ef Og Vodafone mælir
tímalengd GSM-símtala á sama hátt
og Síminn gerir nú, ætlast Neytenda-
samtökin til að Póst- og fjarskipta-
stofnun beiti sér fyrir að breytingar
verði einnig gerðar þar.“
Seltirningar
ánægðír með
þjónustu
Mikill meirihluta íbúa á Seltjarnar-
nesi er ánægður með þá þjónustu
sem bærinn veitir. Þetta er niður-
staða könnunar sem Gallup gerði fyr-
ir sveitarfélagið fyrir skemmstu, en
niðurstaðan var kynnt í gær.
Samkvæmt niðurstöðu könnunar-
innar telja rúmlega 85% bæjarbúa
þjónustu bæjarins í heildina vera
góða, en aðeins 3% telja hana vera
slæma. Rúmlega 90% þeirra sem
tóku þátt í könnuninni telja að bær-
inn veiti bömum yngri en sex ára
góða þjónustu í daggæslu og leikskól-
um, og um 95% telja leikskóla Sel-
tjarnarness veita góða þjónustu.