blaðið - 23.06.2005, Blaðsíða 16

SHOPUSÆIS
/
16 matur
PUWÆ M
kSHOPUSA.IS J
Er koníak
brandí?
Það er stundum sagt að allt kon-
íak sé brandí en ekki allt brandí
sé koníak. Brandí þýðir brennt vín
sem hægt að búa til hvar sem er í
heiminum. Brandí er vínandi sem
oftast er búinn til úr vínberjum en
stundum öðrum ávöxtum, t.d. epl-
um. Vínandinn er eimaður til að ná
réttum styrkleika alkóhóls og er svo
geymdur í eikartunnum þar til hann
er notaður. Flest brandí er blandað
úr mismunandi árgöngum til að ná
svipuðu bragði ár eftir ár. Einnig
er oft notaður sykur og litarefni í
blöndurnar í sama skyni. Koníak er
hins vegar brandí sem er framleitt
í Cognac-héraðinu í Frakklandi. Til
að tryggja gæðin er sett reglugjöf
um lágmarksaldur vínanda; V.S. er
þriggja stjörnu, eða þriggja ára, og
V.S.O.P. er fimm ára blanda. Napóle-
on og X.O. eru eldri blöndur en þær
geta haft misjafnan aldur eftir fram-
leiðendum.
Margverðlaunaður
RagnarÓmarsson,yfirmatreiðslumað-
ur á Salti, hinum nýja og glæsilega
veitingastað á 1919 Radisson SAS
hótelinu, í Pósthússtræti, töfrar fram
munúðarfullan mat fyrir lesendur
Blaðsins, gefur uppskriftir af veislu-
réttum og veitir góðar ráðleggingar í
matargerð. Raggi var Matreiðslumað-
ur ársins árin 1999 og 2001 og er eini
íslendingurinn sem hefur hlotið tit-
ilinn Matreiðslumaður Norðurlanda
en það var árið 2003. Raggi tók þátt í
keppninni „Bocuse'dor" fyrir íslands
hönd nú í ár og náði þar glæsilegum
árangri og var í fimmta sæti. Síðustu
þrjá mánuði hefur Raggi verið að und-
irbúa Salt-ið en hann hefur starfað á
veitingahúsum víða um heim, t.d. í
Frakklandi, Bandaríkjunum og Nor-
egi. Fylgist með ráðleggingum Ragga
á fimmtudögum og njótið góðs af
meistaratöktum hans í eldhúsinu.
Kaldar grillsósur
Þar sem grill„sísonið“ er í hámarki
um þessar mundir er alveg tilvalið að
gefa lesendum nokkur skemmtileg
ráð um kaldar sósur!
Það sem fólk má hafa í huga um
kaldar sósur er að þær eru miklu
betri ef þær fá aðeins að standa inni
í kæli áður en þær eru látnar toppa
steikina því þegar verið er að setja
hvítlauk, krydd eða annað bragðefni
saman við olíur, sýrðan eða mæjó, þá
tekur það lágmark tvo tíma að gefa
eitthvert bragð frá sér. Einnig er gott
geymsluþol á svona sósum, allt upp
í tvær vikur í kæli, þannig að best
er að laga bara góðan slatta og nota
þær sem dressingu á salatið, sósu á
brauðið eða sem fyllingu í kartöfluna,
svo eitthvað sé nefnt. Hér koma upp-
skriftir af tveimur af mínum uppá-
haldssósum.
Kveðja,
Raggi Ómars.
Blaðið kynnir:
Nýtt hágæðavín í kössum
Geymist í 45 daga eftir opnun
Robertson Cabernet
Sauvignon, rauðvín
Robertson Winery - Robertson - S.-Afríka.
Þægileg og aðgengileg Cabernet-vín hafa rutt sér til rúms.
Cabernet Sauvignon frá Robertson hefur þessi einkenni.
Vínið er dökkt og mjúkt, með talsvert miklu blábeijabragði,
sem gefur víninu skemmtilegan ávaxtakeim.
Vínið er þroskað í sjö mánuði á franskri eik. Vínið er talið
mjög góð kaup í mörgum fagritum. Það er mjög góður
kostur með íslenska lambinu. Frábær kostur í útileguna
- sannkallað sumarvín.
Verð: 3690
Robertson
Chardonnay, hvítvín
Robertson Winery - Robertson - S. Afríka.
Sérstaða Chardonnay-vína er sú að þrúgan er ræktuð hátt
í fjallshlíðum og gefur það víninu mikinn ferskleika og
fyllingu. Vínið hefur mjög mikið bragð af melónu og keim af
lime. Það er mjög kremað, með talsverðan keim af hnetum
sem kemur frá eik. 20% af víninu eru gerjuð í tunnum og
eftir gerjun er það þroskað í nýrri franskri eik. Þetta gefur
víninu mikinn karakter og ágæta fyllingu. Eins og önnur vín
frá Robertson er vínið hreint og tært með stutta endingu.
Vínið er mjög gott með laxi, almennum fiskréttum og jafnvel
Thai-mat og svínakjöti. Drekkið vel kælt!
Verð: 3490
fimmtudagur, 23. júní 2005 ! blaðið
Á myndinni er steikt bruchetta með paprikuosti, avókadói, góðu salati og melónuten-
ingum. Svo nota ég grænmetissósuna á brauðið og nota síðan jógúrtsósuna með
sem aukadressingu.
Grænmetissósa
(þessi er geggjuð)
Vi stk. tómatur
’/á stk. rauð paprika
2 msk. sólþurrkaðir tómatar
1 msk. ólífur, grænar
2 stk. hvítlauksgeirar
1 msk. steinséljusax
1 dl ólívuolía (ekki Extra Virgin)
safi úr hálfri sftrónu
salt og pipar
Aðferð;
Allt maukað saman í matvinnslukönnu
og smakkað til með salti og pipar.
Góð ráð fyrir matarboð
1. Smátt er betra
Það er dýrt að halda stór matarboð, auk þess sem það þýðir að þú ert í eldhúsinu í
margar klukkustundir fyrir og á meðan boðinu stendur. Bjóddu bara þínum nánustu
vinum og fjölskyldu.
2. Einfaldleiki
Það er algjör óþarfi að bjóða upp á margréttaða veislu. Eldaðu einfaldan og góðan
mat og gerðu það vel. Einnig er gott að hafa kaldan rétt með, sem er þá jafnvel hægt
að útbúa fyrr um daginn.
3. Þrifin auðvelduð
Það er óþarfi að þrífa húsið hátt og lágt en hafðu engu að síður snyrtilegt í kringum
þig. Kerti og blóm gera kraftaverk.
4. Nægur húsbúnaður
Vertu viss um að þú eigir nóg af glösum, hnífapörum og diskum, af því þú vilt ekki
vaska upp á milli rétta. Notaðu ímyndunaraflið - ef þú átt lítið eða ekkert borðstofu-
borð, fylltu þá gólfið af púðum og skapaðu óformlega stemmningu.
5. Grillpartí
Það er ekki alltaf nauðsynlegt að hanga inni í eldhúsi. Hitaðu upp grillið og bjóddu
upp á grillaða steik og lax. Það þarf ekkert endilega að vera garðpartí heldur geta
gestirnir verið inni.
6. Slakaðu á
Matarboð eru skemmtilegust ef húsráðandinn er afslappaður og skemmtilegur. Fáðu
þér í glas, borðaðu vel og hafðu gaman af.
Jógúrtsósa „Mojo“
1 dós hrein jógúrt
2 msk. sýrður rjómi
safi úr 1/2 lime
1/3 tsk. kúmenduft
1 geiri hvítlaukur, maukaður
1 msk. steinselja, söxuð
salt og pipar eftir smekk
Aðferð:
Allt hrært vel saman.
Skriðmispill 800 kn I Sólber 650 kr.
Loðvíðir 350 kn I Birkikvistur 399 kr.
Blátoppur 550 kn I Blágreni 600 kr.
Betri plöntur á góðu verði -Tilboð alla daga