blaðið - 28.07.2005, Side 10

10 I ERLENDAR FRÉTTIR
FIMMTUDAGUR 28. JÚLÍ 2005 blaðiö
Lundúnalögreglan handtókfjóra menn í Birmingham
ígær í tengslum við hryðjuverkatilraunina 21. júlí.
Árásarmaður fundinn
Lundúnalögreglan handtók í gær
fjóra menn í Birmingham og er einn
þeirra talinn vera á meðal þeirra
sem reyndu að sprengja þrjár lestir
og strætisvagn í borginni síðastlið-
inn fimmtudag. Heimildarmenn
greindu frá því að hinn 24 ára gamli
Yasin Hassan Omar, sem lögreglan
lýsti eftir og birti myndir af opinber-
lega, sé sá handtekni. Maðurinn náð-
ist eftir að lögregla skaut hann með
Taser-rafbyssu en BBC-fréttastofan
greindi frá því að hann hefði verið
með grunsamlegan bakpoka þegar
atvikið átti sér stað. Talsmaður inn-
anrikisráðuneytisins sagði að ef í
ljós kæmi að maðurinn væri einn
árásarmannanna myndi lögregla
vafalaust reyna að fá hann til að
starfa með sér við að upplýsa málið,
gegn því að fá dóm sinn mildaðan.
Hinir þrír mennirnir voru hand-
teknir í sama húsi og eru í haldi lög-
reglunnar í Birmingham. Vitað er
að þeir munu ekki hafa framið árás-
irnar sjálfir en lögreglan leitar sem
áður skipuleggjanda árásanna og
öðrum sem kunna að tengjast þeim,
eða árásunum 7. júlí, á einhvern
hátt. Maður var einnig handtekinn
á flugvelli í Luton í tengslum við
árásirnar en hann mun hafa ætlað
að fljúga með Ryanair til borgarinn-
ar Nimes í Frakklandi. Þá voru tveir
einstaklingar handteknir í lest á leið
til King’s Cross-lestarstöðvarinnar
og teknir til yfirheyrslna á þriðju-
dagskvöld.
Æsileg atburðarás
Tugir íbúa Birmingham voru vaktir
upp um 5 leytið I gærnótt af sérsveit-
armönnum og beðnir að yfirgefa
heimili sín þegar lögreglu var ljóst
að hinn grunaða hryðjuverkamann
væri þar að finna. Leituðu grun-
lausir íbúar skjóls í nærliggjandi
stórmarkaði og fylgdust með þar
sem sérsveitarmenn brutu sér leið
inn í hús mannsins og tóku hann
höndum. Allt að 200 hús í námunda
við svæðið voru rýmd þegar gatan
fylltist af lögreglumönnum og þyrl-
ur sveimuðu yfir. „Ég vaknaði upp
um nótt við það að vopnaðir lög-
reglumenn og sprengjuleitarmenn
ruddust inn í húsið við hliðina á
mínu. Þegar þeir komu svo út héldu
þeir á blárri tösku. Þetta var eins og
í bíómynd“ sagði maður á fimmtugs-
aldri sem var einn þeirra sem þurfti
að yfirgefa heimili sitt.
Stórhættulegir menn
Lögregla rannsakar um þessar
mundir íbúð í norðurhluta Lundúna
sem talin er tengjast tveimur þeirra
sem grunaðir eru um hryðjuverka-
tilraunirnar 21. júlí. Talsmaður lög-
reglu sagði efni hafa fundist þar og í
bílskúr við húsið sem gætu hafa ver-
ið ætluð til sprengjugerðar. Þá hef-
ur fundist hvítur Volkswagen Golf
sem talinn er hafa verið notaður af
árásarmönnunum. Nágranni kvaðst
hafa séð einn hinna grunuðu utan
við heimili sitt daginn eftir árásirn-
ar misheppnuðu. Ian Blair, lögreglu-
stjóri Lundúnalögreglunnar, hefur
sagt að þeir sem reyndu að sprengja
í samgöngukerfi borgarinnar í síð-
ustu viku gætu vel reynt að gera aðra
árás. „Þeir gætu vel reynt að drepa
aftur“, sagði Blair. „Við verðum að
finna þá. Við munum halda áfram
að leggja okkur alla fram við leitina
og erum stöðugt að færast nær því
að komast til botns í málinu.“ ■
Forsætisráðherra fraks, Ibrahim Jaafari, ásamt varnarmálaráðherra Bandaríkjanna, Don-
ald Rumsfeid, eftir sameiginlegan blaðamannafund þeirra i gær.
írakar vilja
Bandaríkjaher burt
Forsætisráðherra íraks, Ibrahim al-
Jaafari, sagði á blaðamannafundi
í gær að upp væri runnin sú stund
að Bandaríkjaher þyrfti að fara að
Irökun
huga að því að fela Irökum stjórnina
I landinu. Fundinn hélt hann ásamt
Donald Rumsfeld, varnarmálaráð-
herra Bandaríkjanna, sem kom
óvænt til íraks í gær.
Aðspurður hversu fljótt mætti
vænta brottfarar Bandarlkjahers
sagði Jaafari að nákvæm tímatafla
hefði ekki verið gerð en það væri
staðfest og sameiginleg ósk þeirra
að það myndi gerast sem allra fyrst.
Jaafari sagði að hraða þyrfti því ferli
að bandamenn lykju við að þjálfa ír-
akskar öryggissveitir. Þá sagði hann
að náið samstarf um öryggisum-
skiptin þyrfti að ríkja milli innrásar-
hersins og írakskra stjórnvalda.
írakar þurfa að vera ákveðnari
gagnvart nágrannalöndum
Donald Rumsfeld sagði í gær að leið-
togar íraks þyrftu að hafa ákveðn-
ari andstöðu gagnvart skaðlegum
afskiptum Sýrlands og frans. „Þeir
þurfa að vera ákveðnari í samskipt-
um sínum við nágrannalöndin til
að hindra að erlendir hryðjuverka-
menn komist inn í landið og sjá
til þess að nágrannalöndin hvorki
skýli andspyrnumönnum né fjár-
magni gerðir þeirra.“ Rumsfeld
þrýsti einnig á að lokið yrði við gerð
stjórnarskrá landsins fyrir 15. ágúst
næstkomandi.
Yfirmaður herliðs Bandaríkja-
manna, George Casey, sagði að
raunhæft væri að afturkalla stóran
hluta herliðsins næsta vor og sumar.
Það væri þó háð þeim skilyrðum að
áframhaldandi framför yrði á stjórn-
málasviðinu og ef uppreisnarmönn-
um héldi ekki áfram að vaxa fiskur
umhrygg.
Samkvæmt talsmönnum banda-
rískra yfirvalda er þróun á fjölbreytt-
um öryggissveitum í gangi í írak. f
írakska hernum eru sem stendur 77
þúsund hermenn en áætlað er að
fjölga hermönnum um átta þúsund
á þessu ári. Þá eru 94 þúsund íraksk-
ir lögreglumenn sem áætlað er að
verði orðnir 145 þúsund í árslok. ■
&
Sony Ericsson K508
Skemmtilegur sími með fullt af möguleikum
Léttkaups-
#yOV/ útborgun
og 750 kr. á mánuði í 12 mánuði
Símadagatilboð: 11.980 kr.
Eingöngu fyrir kort frá Símanum
y
^^
Sony Ericsson T630
Spennandi sími með myndavél
1'7Qri Léttkaups-
• / O\J útborgun
og 600 kr. á mánuði í 12 mánuði
Símadagatilboð: 8.980 kr.
Eingöngu fyrir kort frá Símanum
Línuskautar á 2.000 kall
með öllum GSM tilboðum í sumar.
Hlífar fylgja með.
<•»
Síminn
Þráðlaust Internet
3.990
Mánaðargjald
• Innifalið er póstfang, heimasfðusvæði, vlrusvörn
á póst, 1Gb niðurhal o.fl.
• Tölvuleikur í kaupbæti
• Afnot af ADSL búnaði án aukagjalds*
• Búnaður tilbúinn fyrir sjónvarp um ADSL
í Reykjavík 25.-28. júlí
r
SIEMENS C200
Heimaslmi
Tilboðsverð
SMS sending og móttaka
7.980
• Númerabirting fyrir 30 símanúmer
• Slmaskrá fyrir 200 slmanúmer og nðfn
•10 hríngitónar
• Innbyggður hátalari fyrir handfrjálsa notkun
• Raddstýring á 20 númerum