blaðið - 28.09.2005, Blaðsíða 10

10 I ERLENDAR FRÉTTIR
MIÐVIKUDAGUR 28. SEPTEMBER 2005 blaftið
Hert lög gegn hryðjuverkum
Ný oghert lög gegn hryðjuverkum verða lögðfram í Ástralíu og Frakklandi. Eftirlit verð-
ur aukið með grunuðum hryðjuverkamönnum og borgaraleg réttindi skert. Níu grunaðir
hryðjuverkamenn voru handteknir í áhlaupi Parísarlögreglunnar á mánudag.
Hægt verður að halda grunuðum
hryðjuverkamönnum í allt að tvo
sólarhringa án þess að ákæra sé
lögð fram og nota rafeindatækni
til að fylgjast með þeim samkvæmt
nýjum lögum gegn hryðjuverkum í
Ástralíu. Ennfremur verða skilyrði
fyrir áströlskum ríkisborgararétti
hert og lögregla fær víðtækari heim-
ildir til að stöðva fólk og leita á því.
Ríkisstjórn landsins samþykkti
í gær yfirgripsmiklar öryggistillög-
ur sem John Howard, forsætisráð-
herra, lagði fram í kjölfar árásanna
í London í sumar. „Við búum við
afar hættulegar og ógnvekjandi að-
stæður og við þeim þarf að bregðast
á sterkan og afdráttarlausan hátt,“
sagði Howard í gær. Keysar Trad, for-
seti Vináttusamtaka fslam og Ástral-
íu, fordæmdi aftur á móti nýju lögin.
,Þessi lög verða óréttlát og kunna að
leiða til að hér myndist fasistaríki,“
sagði Trad.
Frakkar herða baráttuna
Frönsk stjórnvöld hafa einnig kynnt
nýja áætlun gegn hryðjuverkum.
Eftirlitsmyndavélum verður fjölgað
í landinu, aðallega á flugvöllum og
á lestarstöðvum en einnig við versl-
anir og banka. Áætlunin var kynnt
á mánudag, aðeins örfáum klukku-
stundum eftir að lögregla handtók
níu menn grunaða um að vera að
skipuleggja hryðjuverkaárásir.
Samkvæmt nýju lögunum ber eig-
endum netkaffihúsa og þeim sem
reka farsímaþjónustu framvegis að

Eftilitsmyndavélum verður fjölgað á lestarstöðvum, flugvöllum og víðar I Frakklandi
samkvæmt nýrri áætlun stjórnvalda um aðgerðir gegn hryðjuverkum.
halda skrá yfir notendur og símtöl.
.Hryðjuverkamenn notfæra sér inter-
netið á ótrúlegan hátt. Við beinum
sjónum okkar að netkaffihúsum
vegna þess að við gerum okkur
grein fyrir því að þeir nota þau þar
sem þeir njóta öruggrar nafnleynd-
ar þar,“ sagði Nicolas Sarkozy, innan-
ríkisráðherra Frakklands. Lögin um
sima og neteftirlit munu aðeins gilda
til þriggja ára og verður franska þing-
ið að leggja blessun sína yfir þau á
ný eftir árið 2008, sagði dagblaðið
Le Figaro. Fjölmiðlar í Frakklandi
sögðu að í áætlununum sem lagðar
verða fyrir ríkisstjórnina i næsta
mánuði verði yfirvöldum einnig
heimilað að auka vegabréfaeftirlit
í millilandalestum og ljósmynda
bílnúmer og ferðamenn við landa-
mærastöðvar. Þá verða viðurlög við
hryðjuverkum hert til muna.
Níu handteknir í áhlaupi lögreglu
Fyrr um daginn hafði lögreglan í
París gert skyndiáhlaup í bygging-
ar í úthverfum borgarinnar. Hinir
grunuðu voru teknir til yfirheyrslu
hjá leyniþjónustu landsins en ekki er
ljóst hvort ráðist hafi verið í aðgerð-
irnar vegna upplýsinga um tiltekna
eða yfirvofandi ógn við þjóðarör-
yggi. Lögregla telur að hinir grunuðu
tengist alsírskum hryðjuverkahópi
sem hafi tengsl við A1 Kaída samtök-
in. Yfirmaður frönsku lögreglunnar
sagði í júlí að hópurinn hefði verið
í sambandi við Abu Musab al-Zarqa-
wi, leiðtoga A1 Kaída í írak, vegna
mögulegra árása í Frakklandi. Einn
hinna handteknu var 35 ára Alsírbúi
sem nýlega losnaði úr fangelsi eftir
að hafa tekið út tíu ára dóm fyrir
mannskæðar sprengjuárásir í Frakk-
landi árið 1995.
Frönsk stjórnvöld óttast árásir
íraskra hermdarverkamanna þrátt
fyrir yfirlýsta andstöðu yfirvalda
við stríð Bandaríkjanna og banda-
manna þeirra i Irak. ■
;Cb LYFJ A
x . .. j
Kal - Lifið heil
www.lyfla.is
c
5
s
cn
—
o
5
Q
í
Það sem gerir þig öðruvísi er það sem gerir þig fallega.
Loksins er kominn á markað andlitsfarði sem lagar sig að lit
húðar þinnar og ljær henni eðlilega fullkomna áferð.
Með einstakri “Ideal Match” tækninni getum við líkt eftir
eðlilegum húðlit þínum og það gerir gæfúmuninn.
Þú sérð aðeins fúllkomna áferðina, útlitið er þitt eigið.
Notaðu faröann með nýja Ideal Light hyljaranum til þess að
gæða húðina auknu lífi og fela það sem ástæða er til.
Gjöfin þín I Lyfju: Glæsileg hátísku hliðartaska fylgir ef
keypt er saman nýi farðinn og hyljarinn frá Estée Lauder.
Förðunarmeistari frá Estée Lauder verður í:
• Lyfju Lágmúla fimmtudag kl. 13-18
• Lyfju Smáratorgi föstudag kl. 13-18
• Lyfju Laugavegi laugardag kl. 12-16
LAUDER
....
Individualist
Natural Finish Makeup
Hæfír þínum húðlit.
Nelson Mandela:
Vill meira
fé til barátt-
unnar gegn
alnæmi
Nelson Mandela hvetur þjóðir heims
tii að láta meira fé af hendi rakna til
baráttunnar gegn alnæmi og öðrum
skæðum sjúkdómum.
Nelson Mandela, fyrrverandi
forseti Suður Afríku, hvatti í
gær þjóðir heims til að láta
meira fé af hendi rakna i bar-
áttuna gegn alnæmi og öðrum
alvarlegum sjúkdómum. Hann
sagði það vera til háborinnar
skammar að sjóður sem ætlað
er að nota í baráttuna hafi
aðeins fengið um helming þess
fjár sem þörf er á fyrir árin
2006 og 2007 með alþjóðlegum
framlögum. „Af öllum þeim
erfiðu viðfangsefnum sem
heimsbyggðin þarf að takast á
við er engin jafn banvænn eða
útbreiddur og alnæmisfarald-
urinn með þeim meinsemdum
og tjóni sem honum fylgir,“
skrifaði hann í skoðanadálk
vikuritsins The Times.
Mandela sagði að margt
hefði verið gert á síðustu fimm
árum til að taka á vandamálinu
með alþjóðlegum framlögum
í þvi skyni að bæta meðferð
og forvarnir í öllum heimshlut-
um. „Það er því til háborinnar
skammar að mikilvægasta
tækið í baráttunni við alnæmis-
faraldurinn, Alþjóðasjóðurinn
gegn alnæmi, berklum og
malaríu, skuli berjast í bökkum
fyrir þeim flármunum sem
hann þarf til að halda verk-
efnum sínum áfram.“Þrátt
fyrir að hafa farið vel af stað fái
sjóðurinn nú á þriðja starfsári
sínu aðeins um helming þeirra
7,1 milljarða Bandaríkjadala
sem hann þarf á að halda. ■
Hæstiréttur
úrskurðar um
kosningalög
Hæstiréttur Bandaríkjanna
sagðist í gær ætla að skera úr
um hvort að lög í Vermont ríki
sem takmarka þá flárhæð sem
frambjóðendur í almennum
kosningum geta eytt í kosninga-
baráttu standist stjórnarskrá.
Dómararnir munu meðal ann-
ars hafa til hliðsjónar úrskurð
amerísks áffýjunardómstóls
sem hafnaði þeim rökum að
lög um flármögnun kosninga-
baráttu gengju gegn stjórnar-
skrárvörðum rétti til tjáning-
arfrelsis. í tímamótaúrskurði
árið 1976 komst Hæstiréttur
Bandaríkjanna að því að það
bryti í bága við stjórnarskrá að
setja takmörk við því hversu
mildu mætti eyða í kosninga-
baráttu. Bandaríkjaþing hafði
samþykkt lög þess efnis í
kjölfar Watergate-hneykslisins.
Aftur á móti leyfði rétturinn
að takmörk skyldu sett á
framlög til stjórnmálaflokka. ■