blaðið - 05.10.2005, Qupperneq 8

8 I ERLENDAR FRÉTTIR
MIÐVIKUDAGUR 5. OKTÓBER 2005 blaöiö
Talsmaður
Talibana
handtekinn
Abdul Latif Hakimi, helsti tals-
maður Talibana í Afganistan, var
handtekinn í Pakistan í gær eftir
vísbendingu sem leyniþjónust-
unni barst. Rashid Ahmed, upp-
lýsingaráðherra Pakistan sagði
að hann hefði verið handtekinn
í Baluchistan héraði sem hggur
að landamærum Afganistan.
„Við erum að yfirheyra hann og
vonumst til að hann veiti okkur
mikilvægar upplýsingar," sagði
Rashid. Ahmed vildi ekki svara
því hvort Hakimi yrði afhentur
bandarískum yfirvöldum eins
og gert hefiir við aðra vígamenn
Talibana og A1 Kaída-liða sem
handteknir hafa verið í Pakistan.
„Fyrst ædum við að yfirheyra
hann og svo sjáum við til,“ sagði
Ahmed. Ekki Uggja fyrir ná-
kvæmar upplýsingar um hvernig
handtöku Halcimis bar að.
Leiðir vonandi tii þess að
fleiri verði handteknir
Hakimi hefur verið aðal
talsmaður Tahbana sem voru
hraktir ffá völdum f Afganistan
með innrás Bandarfkjanna og
bandamanna þeirra árið 2001.
Hann var iðulega f sam-
bandi við fféttamenn gegnum
gervihnattasfma ff á óþekktum
stað. Afgönsk og bandarísk
yfirvöld hafa lengi grunað að
hann héldi sig í Pakistan.
Embættismaður á skrif-
stofu Hamid Karzais, forseta
Afganistan, fagnaði fréttum
af handtöku Hakimis. „Hak-
imi lýsti yfir ábyrgð á dauða
saklauss fólks. Við vonum að
handtaka hans leiði til þess
að fleiri verði handteknir.“ ■
Sprengja við
landamærastöð
Að minnsta kosti sex Afganar
fórust, þar af kona og tveir drengir,
og 16 særðust,þegar sprengja
sprakk á landamærastöð í borg-
inni Spin Boldak í Pakistan í gær.
Fómarlömbin voru óbreyttir borg-
arar sem voru að reyna að komast
til Pakistan eða að snúa aftur til
Afganistan. Yfirmaður landamæra-
gæslusveita sagði að sprengjan
hefði verið falin f vatnskrukku
nálægt landamæraskrifstofunni.
Ekki er ljóst hver bar ábyrgð á árás-
inni en Assadullah Khalid, héraðs-
stjóri f Kandahar, fordæmdi hana
í gær og sagði hana vera „skemmd-
arverk óvina Afganistans."
■
Róstursamt vlð
upphaf Ramadan
Sjálfsmorðssprengjuárás var gerð í Bagdad í gær. Bandarískar her-
sveitir hófu stórsókn gegn uppreisnarmönnum í vesturhluta íraks.
Dick Cheney segir ekkert fararsnið á hersveitum.
Að minnsta kosti fimm fórust í átökum hermanna og uppreisnarmanna í bænum Ram-
adi í vesturhluta landsins á mánudag.
Þrír fórust og sex særðust þegar mað-
ur ók inn í hið svo kallaðá Græna
svæði í Bagdad í gær og sprengdi sig
i loft upp. Græna svæðið er vfggirt
hverfi miðsvæðis í höfuðborginni
þar sem meðal annars er að finna
ráðuneyti og aðrar stjórnsýslubygg-
ingar auk sendiráða Bretlands og
Bandaríkjanna. Að sögn lögreglu
sprakk bíllinn þegar verið var að
leita í honum á eftirlitsstöð við inn-
gang inn í hverfið. Árásin átti sér
stað á fyrsta degi Ramadan, föstu-
mánaðar múslima, en öldur ofbeld-
is hafa áður riðið yfir á því tímabili.
Stórsókn gegn uppreisnarmönnum
Þúsundir bandarískra hermanna
hófu stórsókn gegn uppreisnar-
mönnum A1 Kaída samtakanna í Efr-
atdalnum og víðar í vesturhluta ír-
aks í gær. I tilkynningu frá hernum
segir að þetta séu umfangsmestu
aðgerðir hersins í Al-Anbar hérað-
inu á árinu. Með aðgerðunum vilja
heryfirvöld koma í veg fyrir starf
samtakanna í borgunum Haditha,
Haqlaniyah og Barwana sem eru í
Efratdalnum. Þau telja að Haditha
sé fyrsti viðkomustaður margra
erlendra vígamanna sem komi yfir
landamæri Sýrlands til að berjast
í írak. Aðgerðin kemur í kjölfar
annarrar aðgerðar hersins nálægt
landamærum Sýrlands sem hófst á
laugardag. Á fjórða tug uppreisnar-
manna og einn bandarískur hermað-
ur höfðu fallið í þeim átökum í gær.
Alls hafa 1926 bandarískir hermenn
fallið í stríðinu síðan innrásin í írak
hófst í mars 2003 samkvæmt upplýs-
ingum frá Bandaríska varnarmála-
ráðuneytinu.
Cheney varar við heim-
kvaðningu hersveita
Dick Cheney, varaforseti Bandaríkj-
anna, varaði við því á mánudag að
bandarískar hersveitir verði sendar
of snemma heim frá Irak því að þá
sé hætta á að landið gæti orðið fyr-
ir meiriháttar hryðjuverkaárásum.
Stuðningur almennings í Bandaríkj-
unum við stríðið hefur minnkað að
undanförnu á sama tíma og ekkert
lát virðist vera á aðgerðum upp-
reisnarmanna. Ríkisstjórnin hefur
lagt áherslu á það á undanförnum
vikum að hún hyggist ekki kalla her-
sveitir heim í bráð. ■
Leit að líkum hætt í New Orleans
Formlegri leit að líkum þeirra sem
fórust í New Orleans þegar fellibyl-
urinn Katrín reið yfir borgina hefur
verið hætt. Tala látinna var komin í
972 í gær sem er nokkru minna en
óttast var í fyrstu. Fyrirtæki sem tek-
ið hefur að sér að fjarlægja lík verður
þó áfram í viðbragðsstöðu enda má
búast við því að tala látinna hækki
þrátt fyrir að formlegri leit hafi ver-
ið hætt. Borgin er smátt og smátt
að taka við sér á ný og á mánudag,
fimm vikum eftir að óveðrið skall
á henni, hófst skólastarf í nokkrum
hverfum hennar.
í gær ferðaðist Bill Clinton, fyrr-
verandi Bandaríkjaforseti, um Lou-
isiana-fylki til að hitta fólk sem
komst lífs af úr hamförunum í neyð-
arskýli í Baton Rouge, afla upplýs-
inga um neyðaraðstoð og heimsækja
hverfi New Orleans sem voru illa
leikin í óveðrinu. Alls hafa um 100
milljónir Bandaríkjadala safnast í
Katrínusjóð Bush og Clintons sem
forsetarnir fyrrverandi stofnuðu til
aðstoðar fórnarlamba fellibylsins. ■
Nemandi í forskóla í úthverfi New Orleans
faðmar aðstoðarmann kennara að sér á
fyrsta skóladegi eftir að Katrín reið yfir
borgina.
Sláandi niðurstöður nýrrar rannsóknar:
Aðeins 10% Bandarískra
karlmanna í kjörþyngd alla ævi
Nítíu prósent bandarískra karl-
manna ogsjötíu prósentbandarískra
kvenmanna eiga við offitu að stríða
einhvern tíma á ævinni samkvæmt
nýrri og viðamikilli rannsókn. Eftir
því sem þeir verða eldri þeim mun
hættara er Bandaríkjamönnum við
að bæta á sig aukakílóum. „Kannan-
ir og aðrar rannsóknir sýna okkur
að Bandaríkjamenn eiga við meiri
háttar offituvandamál að stríða, en
þessi rannsókn gefur til kynna að
vandamálið kunni að versna á næstu
áratugum,“ segir dr. Elizabeth Na-
bel, forstöðumaður Hjarta-, lungna-
og dreyrastofnunar Bandaríkjanna
sem kostaði gerð rannsóknarinnar.
Einnig sýndi rannsóknin að sum-
ir þjóðernishópar svo sem þeldökkir
og fólk af suður amerískum upp-
runa hafa meiri tilhneigingu til að
eiga við offituvanda að stríða.
„Þó að niðurstöðurnar komi ekki á
óvart er ástæða til að hafa áhyggjur
af þeim,“ segir dr. Ramachandran
Vasan, aðstoðarprófessor við lækna-
deild Boston-háskóla, sem stjórnaði
rannsókninni. „Ef þessi þróun held-
ur áfram mun þjóð okkar þurfa að
horfast í augu við veruleg heilbrigð-
isvandamál í tengslum við offitu,“
sagði hann.
Meirihluti Bandaríkjamanna á viö offitu
aö strföa einhvern tíma á ævinni sam-
kvæmt nýrri og viðamikilli rannsókn.
íran vill viðræð-
ur án skilyrða
Iranar sögðust í gær vilja taka
aftur upp þráðinn í viðræðum
við Evrópusambandið um
kjarnorkumálefni landsins. Við-
ræðurnar runnu út í sandinn í
ágúst eftir að yfirvöld í Teheran
hófu á ný tilraunir til auðgun-
ar úrans sem hafði verið hætt
eftir að samningur náðist við
Frakka, Þjóðverja og Breta í
nóvember 2004. Þeir hafna þó
að sérstök skilyrði verði sett
fyrir því að hefja viðræður á
ný en Evrópusambandið vill
að íranar hætti úrantilraunum
og sýni Alþjóðakjarnorkumála-
stofnuninni fulla samvinnu. ■
Indverskir síamstvíburar:
Verða væntan-
lega aðskildir
Bandaríski taugaskurðlækn-
irinn dr. Benjamin Carson
telur að indversku síamství-
burasysturnar Saba og Farah
muni lifa af aðgerð sem mun
aðskilja þær. Hann vill þó fá
niðurstöður frekari prófa í
hendurnar áður en hann tekur
ákvörðun um að framkvæma
hina flóknu aðgerð. „Ef allt fer
eftir áætlun geri ég ráð fyrir að
þær lifi þetta báðar af,“ sagði
Carson í gær. Ef af verður mun
hann framkvæma aðgerðina
í Indraprastha Apollo sjúkra-
húsinu í Nýju Delí þar sem
systurnar dvelja. Systurnar
sem eru tíu ára eru samgrónar
á höfði og eru með sameigin-
lega slagæð í heila sem veldur
læknum miklum áhyggjum
og gerir aðgerðina sérlega
vandasama. Að auki hefiir
Farah tvö nýru en Saba ekkert.
Verði systurnar ekki skildar að
er talin hætta á að þær látist
innan áratugs þar sem Farah
á við hjartveiki að stríða sem
gæti riðið þeim báðum að fullu.
Lfkur eru taldar á að indversku sí-
amstvfburasysturnar Saba og Farah
veröi aöskiidar.
Móðurást
út yfir gröf
og dauða
Syed Abdul Gafoor, enskupró-
fessor f þorpinu Siddavatta á
Indlandi, þótti svo vænt um
móður sína að hann neitaði
að láta greftra hana þegar hún
dó fyrir 20 árum. Þess í stað
varðveitti hann lík hennar í
efnablöndu f glerbúri. Uppá-
tækið leiddi til þess að eigin-
kona hans fór frá honum og
þorpsbúar hunsuðu hann það
sem eftir var. Kennarinn lifði í
einangrun þangað til hann lést
um helgina sextugur að aldri.
Samkvæmt eigin ósk var hann
borinn til grafar ásamt móður
sinni í grennd við moskuna í
þorpinu. ■