blaðið - 05.10.2005, Blaðsíða 22

22 I HEIMILI
MIÐVIKUDAGUR 5. OKTÓBER 2005 blaöiö
Svala ogfjölskyldafluttu búferlumfrá Akureyri til Hafnarfjarðar
Flott að hafa miðbœ,
höfn og fjöllin i kring
-líkt og á Akureyri
Svala Fanney Njálsdóttir flutti
ásamt fjölskyldu sinni búferlum
frá Akureyri um síðustu áramót.
Leiðin lá í Hafnarfjörðinn þar
sem fest voru kaup á fallegri
fjögurra herbergja íbúð. Svala og
sambýlismaður hennar, Árni Páll
jóhannsson, eiga samtals þrjár
dætur þannig að þegar mest er
eru heimasæturnar þrjár - þá er
eins gott að hafa nóg pláss fyrir
dót og dúllerí.
„I desember í fyrra fór Árni suður
til að líta á nokkrar íbúðir, meðal
annars þessa sem við svo keyptum.
Á meðan lá ég á meðgöngudeildinni
á Akureyri og komst því ekki með,“
segir Svala Fanney en hún og Árni
eignuðust dótturina Sylvíu Mist í
lok júní. Árni hreifst svo af íbúðinni
að Svala samþykkti kaup á henni án
fess að hafa borið hana augum sjálf.
dag segist hún sannarlega ekki sjá
eftir því - fjölskyldunni líði vel í
íbúðinni og ekki síst bæjarfélaginu.
„Bæjarfélögin tvö eru í raun ekki
svo ólík. Bæjarbragurinn er ekki
ósvipaður Akureyri og Hafnarfjörð-
ur er gróinn bær eins og Akureyri.
Við erum með höfnina og fjöllin hér
í kring og það er miðbær hérna, sem
svipar mjög til þess á Akureyri. Sam-
félagið er mjög samhent og það er
einmitt það sem við eigum að venj-
ast frá Akureyri," segir Svala. Hún
segist geta hugsað sér að búa í Hafn-
arfirði áfram nema ef að Árni, sem
nú stundar nám við Lögregluskól-
ann, fengi stöðu fyrir norðan þegar
námi hans lýkur. „Hugurinn sækir
alltaf heim. Síðan á Árni auðvitað
dóttur fyrir norðan og hún væri stór
ástæða fyrir því ef við flyttum aftur
norður,“ segir Svala.
Útsýni í þrjár áttir
Hvað íbúðina varðar segir
Svala, Árna hafa staðið sig vel í hús-
næðisleitinni.
„Það þurfti auðvitað að gera ýmis-
legt, eins og gengur og gerist þegar
flutt er í nýja íbúð og ýmsu er ólok-
ið enn. Við eigum eftir að fjárfesta
í ljósum, klára að mála og annað
slíkt. Það fyrsta sem við gerðum var
mála veggi í stofunni sem að voru
fagurgulir - við máluðum þá í að-
eins meira nýmóðins lit. Síðan höf-
um við smám saman verið að gera
eitt og annað, eigum eftir að mála
svefnherbergin öll til dæmis. Næst
á dagskrá er að skipta um borðplötu
Blalil/Frikkl
Svala Fanney og Sylvía Mist sem er rúmlega þriggja mánaða gömul. I forgrunni er skemmtileg haustskreyting sem Svala gerði. Einfalt er að skreppa út i garð með skæri og klippa
reyniber, setja þau svo í skál. Fallegt og ódýrt i senn.
og flísar í eldhúsinu," segir Svala.
Emelía Kolka sem er fjögurra ára
fékk sitt eigið herbergi í nýju íbúð-
inni og er himinlifandi með það.
Húsgögnin voru keypt í versluninni
Baby Sam og henta sérstaklega vel í
stelpuherbergi. Hillan er keypt í IK-
EA og hentar mjög vel því hægt er
að hafa svo gott skipulag með henni.
Hægt er að hafa kassa á hillunni og
geyma alls kyns dót í kössunum.
„Ibúðin hæfir okkur mjög vel þó
að hún verði of lítil þegar fram líða
stundir. Það væri gaman ef allar
stelpurnar gætu fengið sitt eigið her-
bergi. Skipulagið í íbúðinni er mjög
gott. Hún er opin en þó ekki of op-
in. Við erum með útsýni í þrjár áttir.
Sjáum meðal annars Snæfellsjökul
við góð skilyrði," segir Svala Fanney
að lokum.
Herbergið hennar Emelíu Kolku er líflegt og skemmtilegt. Sniðugt er að hafa hengi fyrir
neðan kojuna þar sem tilvalið er að geyma dót. Hillan nýtur sín líka mjög vel og er mjög
hentug fyrir bækur og dót.
Séð frá forstofunni yfir sjónvarpsholið og inní eldhúsið. Skreytingin i forgrunni var gjöf
frá móður Svölu. Skeljar eru settar í hólfaðan kertastjaka og kerti þar ofan i. Hillurnar
fyrir sjónvarpið njóta sín líka sérstaklega vel.
Gamlir hlutir sem hafa mikið gildi prýða
stofugluggann. Smásjá sem faðir Svölu
fékk í fermingargjöf, myndavél sem afi
hennar heitinn átti auk gamallar tindósar
sem líkega var einhvern tímann notuð
undirtóbak.