blaðið - 14.11.2005, Blaðsíða 8

8 I ERLENDAR FRÉTTIR
MÁNUDAGUR 14. NÓVEMBER 2005 blaðiö
Breskur hermaður ásamt íröskum
börnum. Jalal Talabani, forseti fraks,
sagði í gær að breskar hersveitir geti
hugsanlega farið frá landinu fyrir árslok
á næsta ári.
Rannsókn á sprengingunum í Nýju Delhi:
Meintur höfuðpaur
handtekinn
Breskar her-
sveitir frá
írak fyrir árs
lok 2006
Breskar hersveitir geta hugsanlega
farið frá Irak fyrir árslok 2006. Þetta
sagði Jalal Talabani, forseti Iraks, í
sjónvarpsviðtali í gær. Háttsettur
maður innan breska hersins segir
að þessi tímamörk séu ekki óraun-
hæf en þó þurfi að gaumgæfa málið
áður en ákvörðun um brotthvarf
verði tekin. Talabani sagði að írask-
ar hersveitir gætu tekið við af þeim
bresku í syðri héruðum landsins í
nágrenni borgarinnar Basra fyrir
lok næsta árs og bætti við að eng-
inn íraki vildi að erlendar hersveitir
væru ótímabundið í landinu. Hann
varaði þó við því að skyndilegt brott-
hvarf hersveita undir stjórn Banda-
ríkjamanna myndi hafa skelfilegar
afleiðingar í för með sér fyrir landið
og gæti hugsanlega leitt til borgara-
styrjaldar.
Konur f Nýju Delhi syrgja fórnarlömb sprengjutilræðanna f borginni í síðasta mánuði.
Lögregla á Indlandi hefur hand-
tekið mann frá Kasmír sem hún
segir að hafi skipulagt og fjármagn-
að sprengjuárásirnar í Nýju Delhi í
síðasta mánuði sem urðu 66 manns
að bana og særðu um 200. Lögregl-
an sagði að rannsókn hefði leitt í ljós
að Tariq Ahmad Dar, sölumaður frá
Srinagar, hefði haft tengsl við hin
herskáu pakistönsku samtök Lashk-
ar-e-Taiba. Dar var handtekinn á
fimmtudag í heimaborg sinni og
færður til Nýju Delhi á föstudag til
yfirheyrslna.
K.K. Paul, lögregluforingi í Nýju
Delhi, sagði að næg sönnnunargögn
lægju fyrir til að sanna aðild Dars
að sprengingunum. Hann hefur
ekki verið formlega kærður en lög-
regla hefur fengið leyfi dómstóla
til að hafa hann í gæsluvarðhaldi
í 14 daga til viðbótar svo að hægt
verði að halda rannsókninni áfram.
Vonast lögreglan til þess að með
því takist að hafa hendur í hári að
minnsta kosti fjögurra annarra
tilræðismanna, þar á meðal þeirra
sem komu sprengjunum fyrir.
Samtökin neita aðild
Indverjar sökuðu samtökin um
sprengingarnar þrjár sem urðu í
höfuðborg Indlands aðeins örfá-
um dögum áður en stórar trúarhá-
tíðir hindúa og múslima hófust.
Lashkar-samtökin hafa barist gegn
yfirráðum Indverja í Kasmír-hér-
aði. Starfsemi þeirra hefur verið
bönnuð síðan 2002 eftir að þau voru
sökuð um að hafa staðið að árás á
indverska þingið. Samtökin neita að
hafa átt aðild að sprengingunum í
Nýju Delhi. K.K. Paul sagði aftur á
móti að rannsókn hefði leitt í ljós að
samtökin hefðu komið að tilræðun-
um. ■
Hryðjuverkin í Amman t Jórdaníu:
Nöfn árásarmanna birt
30.000 heim um mitt næsta ár
I kjölfar ummæla Talabanis lét Mu-
waffaq Rubaie, öryggisfulltrúi Iraks,
hafa eftir sér að yfir 30.000 erlendir
hermenn í Irak muni halda til síns
heima um mitt næsta ár. Banda-
ríkjaher hefur þegar fært stjórn
öryggismála í hendur íraka í nokkr-
um borgum, ekki síst þar sem lítið
hefur verið um árásir uppreisnar-
manna. Þar á meðal eru borgirnar
Najaf og Kerbala. ■
Stjórnvöld í Jórdaníu birtu í gær
nöfn þriggja íraskra karlmanna og
einnar íraskrar konu sem stóðu að
sjálfsmorðsárásum á lúxushótelum
í Amman, höfuðborg Jórdaníu, I
síðustu viku. Konunni mistókst
að sprengja sig í loft upp og er nú
í gæsluvarðhaldi. Marwan al-Mu-
asher, aðstoðarforsætisráðherra
Jórdaníu, sagði að hún væri eigin-
kona eins árásarmannsins og systir
háttsetts manns I hryðjuverkahópi
Abu Musab al-Zarqawi, hinum
jórdanska leiðtoga A1 Kaída-sam-
takanna í írak. Karlmennirnir þrír
fórust allir í árásunum en alls létu
57 manns lífið í þeim. Muasher sagði
á blaðamannafundi að árásarmenn-
irnir hefðu komið til Jórdaníu fjór-
Kaupmannahöfn - La Villa
ódýr og góð gisting miðsvæðis í Kaupmannahöfn.
Tölum íslensku.
Sími 0045 3297 5530 • gsm 0045 2848 8905
_____www.lavilla.dk • Geymið auglýsinguna_
Marwan al-Muasher, aðstoðarforsætisráðherra Jórdaníu, sýnir myndir af sprengiefni
sem frösk kona bar á sér í einu hótelanna sem gerð var árás á í síðustu viku.
J1 1
Stigahlíö 45 • 105 Reykjavík
um dögum áður en árásirnar voru
gerðar á miðvikudag. Hann sagði að
konan hefði fylgt eiginmanni sínum
inn í veislusalinn í einu hótelanna
þar sem brúðkaup átti sér stað. Þeg-
ar sprengja sem hún bar á sér sprakk
ekki ýtti eiginmaður hennar henni
út áður en hann sprengdi sjálfan sig
í loft upp.
Forðuðust samskipti við Jórdani
Zarqawi, sem lýst hafði yfir ábyrgð
á tilræðunum, hafði áður sagt að
fjórir Irakar hefðu staðið að baki
þeim, ein hjón og tveir karlmenn. Á
laugardag staðfesti Muasher að árás-
armennirnir hefðu verið þrír karl-
menn en hafnaði vangaveltum um
hvort að kona hefði verið með I hópn-
um. Allir sprengjumennirnir fjórir
komu frá héraðinu Anbar í vestur-
hluta íraks sem liggur að landamær-
um Jórdaníu. Hann sagði ennfremur
að þeir hefðu forðast samskipti við
Jórdani að því er virðist í því skyni
að vekja ekki athygli jórdanskra ör-
yggissveita sem áður hafa komið í
veg fyrir hryðjuverkaárásir. ■
Palestínumenn minnast Arafats í borg-
inni Nablus á Vesturbakkanum í gær.
Vilja rann-
sókn á and-
láti Arafats
Farouk Kaddoumi, yfirmaður
Fatah-samtakanna sem
tilheyra Frelsissamtökum
Palestínu, hefur farið fram á
rannsókn á vegum öryggisráðs
Sameinuðu þjóðanna á andláti
Yassers Arafat, fyrrum leiðtoga
Palestínumanna. Itrekaði
hann jafnframt einu sinni enn
ásakanir um að ísraelsmenn
hafi eitrað fyrir Arafat vegna
þess að hann hafi staðið í
vegi fyrir áætlunum þeirra.
Israelsmenn hafa ávallt
neitað ásökunum um að hafa
átt aðild að dauða Arafats. Þess
var minnst um helgina að ár
var liðið frá andláti Arafats.
Hann lést á sjúkrahúsi í Frakk-
landi þann 11. nóvember á
síðasta ári, 75 ára að aldri. Ekki
er vitað hver nákvæm dánaror-
sök hans var og því hafa farið
á kreik sögur um að eitrað
hafi verið fyrir honum eða að
hann hafi látist af alnæmi.
Spenna eykst á milli
Eþíópíu og Erítreu
Viðbúnaður
efldur á landa-
mærunum
Eþíópíumenn hafa eflt varnir
sínar á landamærum landsins
og Erítreu vegna ótta við að ný
átök brjótist út á milli landanna.
Fréttaritari breska ríkisútvarps-
ins í Eþíópíu segir að her lands-
ins hafi grafið skotgrafir og
komið upp víggirtum byrgjutn.
Að sögn hermálayfirvalda hafa
allar framkvæmdirnar átt sér
stað. Sameinuðu þjóðirnar
hafa varað við því að ástandið
kunni að vera eldfimt. Löndin
tvö háðu stríð sín á milli frá
1998 til 2000 sem kostaði tugi
þúsunda mannslífa. Enn á eftir
að komast að samkomulagi í
deilu um landamæri ríkjanna.
Meles Zenawi, forsætisráð-
herra Eþíópíu, hefur staðfest að
hann hafi látið flytja þúsundir
hermanna til norðurhluta
landsins í því skyni að koma
í veg fyrir innrás frá Erítreu.
Talið er að um helmingur
herafla landsins sé á svæðinu
og Erítreumenn eru einnig í
viðbragðsstöðu hinum megin
landamæranna. Stjórnvöld í
Eþíópíu leggja á það áherslu
að þau muni ekki verða fyrri
til að gera árás og að viðbúnað-
urinn sé aðeins í varnarskyni.