blaðið - 29.11.2005, Blaðsíða 30

38IFÓLK
ÞRIÐJUDAGUR 29. NÓVEMBER 2005 blaöið
LITLAR THELMUR
í HVERJU HORNI
Smáborgarinn tekur undir með Karli
Sigurbjörnssyni, biskupi Islands, sem
mælir með því að Thelma Ásdísardóttir
verði valin „maður ársins" vegna hug-
rekkis síns að segja átakanlega sögu af
hryllingi í bernsku sinni. Hún sýndi ótrú-
legan kjark þegar hún sagði sögu sína
og hefurfengið þjóðina til að nötra. Þó
að sagan sé hrikalega sorgleg er það
jákvæða við hana að með þvf að segja
hana hefur mikil umræða farið af stað
í samfélaginu og stóraukist í fjölmiðl-
um. Smáborgarinn hefur tekið eftir
því að síðan sagan var sögð hefur ver-
ið dagleg umfjöllun um kynferðislegt
ofbeldi í fjölmiðlum. Sagan fékk Smá-
borgarann, og marga aðra, til að hugsa
um öll litlu börnin sem eru úti í samfé-
laginu og þegja yfir svipuðum sögum
sem þau eru neydd til að þegja yfir.
Smáborgarinn verður að viðurkenna
að eftir að hann heyrði söguna hefur
hann verið á varðbergi og getur ekki
annað gert en að líta í kringum sig til
að leita vísbendinga og hvort hann sjái
fleiri litlar Thelmur í kringum sig. Smá-
borgarinn sér skrattann í hverju horni
og þegar hann sér menn á gangi með
börnin sín fer hann ósjálfrátt að skoða
hvort það sé ekki allt í lagi með þau og
hvort samskiptin séu eðlileg. Smáborg-
aranum þykir verst að það sést ekki á
mönnum hvort þeir eru ofbeldismenn
eða ekki. Þó að Smáborgaranum þyki
skelfilegt að horft sé á saklausa menn
slíkum ásökunaraugum þá skammast
hann sín ekki, því honum finnst betra
að vera á verði heldur en að láta börnin
þurfa að kljást við þögnina. Smáborgar-
inn hugsar oft til þess að það hljóti að
vera erfitt að vinna með börnum og
þurfa að vera vakandi yfir einkennun-
um ofbeldis á hverjum degi. Smáborg-
aranum finnst Thelma svo sannarlega
eiga hrós skilið fyrir kjarkinn og vonar
að umræðan muni ekki þagna því eins
og við vitum erfullt af litlum Thelmum
sem eru að upplifa svipaða hluti og hún
hefur þurft að gera.
HVAÐ FINNST ÞÉR?
Ólafur F. Magnússon, borgarfulltrúi og lœknir.
Hvað finnst þér um sölu Heilsu-
verndarstöðvarinnar?
„Þetta mál er frá upphafi til enda sorglegt. Bæði fyrir menningarsögu borgarinnar
og heilbrigðissögu Islands. Þetta er merkileg bygging sem þjónar vel þeim tilgangi
sem hún var byggð fyrir, þ.e.a.s að annast heilsugæslu og heilsuvernd. Hér er um
að ræða ófyrirgefanleg mistök að mínu mati og það er dapurt að það hafi ekki verið
stuðningur við baráttu mína í borgarstjórn gegn þessum áformum. Ég þekki sögu
og starfsemi stofnunarinnar sérlega vel. Ég var i stjórn á sínum tíma og því til við-
bótar samfellt í tólf ár í stjórn heilsugæslunnar í borginni á meðan þar voru enn við
lýði lýðræðislega kjörnar stjórnir. Ég held því miður að sumir borgarfulltrúar beri
ekki skynbragð á hvaða mistök þeir eru að gera, en aðrir láta sér málið ekki varða.
Með því eru þeir að bregðast hagsmunum umbjóðenda sinna sem eiga það skilið að
borgarfulltrúar geri allt sem í þeirra valdi stendur til þess að heilbrigðisþjónusta í
borginni sé eins og best er á kosið. Þetta eru sorgleg mistök.“
•f
r 4
dtá f m
Take That byrjaðir aítur
Það er opinbert: Take That munu byrja aftur og fara í tónleikaferðalag að nýju. Robbie Williams mun þó ekki slást
í för með þeim Gary Barlow, Mark Owen, Howard Donald og Jason Orange í tónleikaferðina sem mun standa í ell-
efu daga og hefjast í apríl á næsta ári. Talsmaður bandsins sagði: „Take That eru mjög spenntir að
komast aftur á svið og þakka áhangendum sínum fyrir dyggilegan stuðning síðan þeir
hættu árið 1996. Margir muna eftir líflegum tónleikum þeirra með miklum sköpunar-
krafti, flottum búningum og vel æfðum dönsum. Næsta tónleikaferð verður ekkert
öðruvísi og styrkir stoðir Take That sem besta strákaband Bretlands.“ Áhugi fyr-
ir sveitinni hefur aukist í kjölfar heimildamyndar sem gerð var um þá og útgáfu
á plötu sem inniheldur alla helstu smelli sveitarinnar, en hún fór beint í 2. sæti
vinsældalistanna. Meðlimir Take That munu fá 1,5 milljónir punda hver, fyrir að
fara í téða tónleikaferð á nýju ári.
Elton vill friðsœlt brúðkaup
Það voru allir farnir að vona að Elton John myndi hafa glamúr, glaum og gleði í
fyrirhuguðu brúðkaupi hans og David Furnish. Þeir hafa hins vegar ákveðið að
bjóða engum stjörnum og partíliði heldur vilja þeir hafa athöfnina litla og einlæga.
Bandarískur lífsstílsþáttur hafði boðið þeim 6 milljón dali fyrir að fá sýningar-
réttinn á brúðkaupinu, en því var neitað. Elton sagði: „Ást okkar er helg og á
henni er ekki verðmiði.“ Elton sagði ennfremur að ákvörðun Madonnu um að
banna myndavélar í athöfninni sinni hafi haft áhrif á ákvörðun þeirra. Elton og
David hafa verið saman í 11 ár og ganga í það heilaga þann 21. desember í Wind-
sor. „Þar verða einungis foreldrar mínir, foreldrar hans og við tveir,“ sagði Elton.
„Morguninn verður á rólegu nótunum og svo förum við með foreldrum okkar í
hádegismat eftir athöfnina.“
Madonna
vill leikstýra
Madonna segist vilja feta í fótspor mannsins síns, Guy Ritchie, og leik-
stýra sinni eigin kvikmynd. Söngkonan kemur fram í heimildamynd sem
gerð var um líf hennar. Myndin heitir I’m going to tell you a secret eða
Ég ætla að segja þér leyndarmál. Hún er ætluð fyrir sjónvarp og verð-
ur frumsýnd 1. desember á sjónvarpsstöðinni Channel 4 í Bretlandi.
„Ég myndi svo sannarlega vilja leikstýra sjálf,“ sagði Madonna. „Ég
fékk mikinn innblástur við að taka þátt í gerð þessarar myndar
og lærði mikið um kvikmyndagerð og handritsvinnu. í næsta
skipti geri ég þetta bara sjálf.“
eftir Jim Unger
,Ég sé það - nýkominn heim frá út-
löndum - að helsta innlegg stjórnar-
andstöðunnar í þjóðmálaumræðuna
hefur verið að óskapast yfir fjarveru
ráðherra. Þetta er að minnsta kosti
það úr málflutningi stjórnarandstöð-
unnar sem best hefur náð í gegn í fjöl-
miðla og segir þá væntanlega nokkuð
um annað það sem hún hefur haft
fram að færa.
Þessi umræða segir okkur bara eitt.
Stjórnarandstaðan hefur kosið að yfir-
gefa alvöru þjóðmálaumræðu. Það er
hún sem er bersýnilega með langtíma-
fjarvistarleyfi úr pólitískri umræðu í
landinu. Stjórnarandstaða sem hefur
þetta helst að leggja fram - skv. mati
fjölmiðla og skrifum á heimasíður
stjórnarandstöðuþingmanna - hefur
augljóslega fengið stórt S í kladdann
sinn. S fyrir skróp.
Sjálfur var ég erlendis. Var með
fjarvistarleyfi frá Alþingi og í minn
stað sat varamaður minn Guðjón Guð-
mundsson. Erindi mín voru lögmæt
og var raunar löngu ákveðið með þess-
ar ferðir."
Einar Kristinn Guðfinnsson á
http://www.ekg.is/
„Ríkisstjórnarflokkarnir og þá eink-
um og sér i lagi Framsóknarflokkur-
inn bera hér höfuðábyrgð. Sú sök sem
þeir eru seldir er ofurþung. Það var
Framsóknarflokkurinn sem kýldi
stóriðjuframkvæmdirnar í gegn. Það
var Framsóknarflokkurinn sem fór í
kosningabaráttu með 90 prósenta lof-
orðið, og kom því svo gegnum þingið
í fyrra. Það á eftir að reynast þjóðinni
afar dýrt þegar upp verður staðið, að
Framsóknarflokknum tókst með 90
prósenta loforðunum að halda sjó
í síðustu Alþingiskosningum. Því
miður var þetta samþykkt af öllum
þingheim og ég var einn þeirra sem
greiddu þessu atkvæði þegar til loka-
afgreiðslu kom. Hugsunin á bak við
þetta hjá okkur í Frjálslynda flokkn-
um að minnsta kosti, var að gera
ungu fólki auðveldara að eignast sitt
fyrsta húsnæði. Ég veit ekki með hina
flokkana. En þetta sprakk allt fram-
an í okkur og fór strax úr böndunum,
eins og reyndar var búið að vara við.
Ég dauðsé eftir að hafa ekki sagt nei.“
Magnús Þór Hafsteinsson á
http://www.althingi.is/magnush/
safn/oo2i94.html#oo2i94
staðinn
HEYRST HEFUR.
Gagnrýni á ferðalag Þorgerð-
ar Katrínar Gunnarsdóttur,
menntamálaráðherra, til Sene-
gal linnir ekki á heimasíðu
Össurar Skarphéð-
inssonar en hann
sagði á Alþingi að
ráðherrann hefði
lagt á flótta frá
fjárlagaumræðu
og flatmagaði í
i Afríku. Össur virð-
ist hafa lagst í rannsóknir á
vefsíðu ráðuneytisins og segir
að þar sé alltaf fjallað itarlega
um hvert fótmál ráðherrans og
jafnvel ferðalög starfsmanna
ráðuneytisins tíunduð. Össuri
finnst því dularfullt í meira lagi
að ekki sé að finna eitt einasta
orð um ferðalagið til Senegal á
heimasíðunni. Dregur hann þá
ályktun að starfsmönnum þess
hafi verið bannað að fjalla um
hana á heimasíðunni...
Björn Bjarnason, dómsmála-
ráðherra; myndi varla
þegja yfir því ef hann færi til
Senegal því hann greinir ná-
kvæmlega frá
ferðalögum í þágu
lands og þjóðar á
heimasiðu sinni.
Um helgina var
hann viðstaddur
málþing um Sturl-
ungu í sendiráðinu í París þar
sem franskur prófessor flutti
erindi um Guðmund góða og
Tómas Ingi Olrich, sendiherra,
lofaði Regis Boyer fyrir íslensku-
þýðingar sínar. Björn greinir
frá því að Einar Már Jónsson,
sem líka er prófessor, hafi flutt
erindi um Þórð kakala. Ekkert
er eins góður aðdragandi að
góðu teiti og langur fundur og
Björn greinir frá því að á eftir
hafi verið boðið upp á léttar
veitingar fyrir hundrað gesti...
Eftirspurnin eftir „þriðja
manninum“ í forystu Sam-
fylkingarinnar í borginni eykst
enn, en sem kunnugt er hefur
formaður flokksins, Ingibjörg
Sólrún Gísladóttir, gefið út að
leiðtogaefni fokksins á vett-
vangi borgarinnar verði ekki
fundið innan hans. Þetta lásu
menn sem herhvöt
til Dags B. Eggerts-
sonar um að hætta
við sín boðuðu pól-
itísku starfslok. Nú
hefur Degi hins veg-
ar bæst liðsauki úr óvæntri átt,
því Staksteinar Morgunblaðs-
ins hafa tekið undir þetta, en
höfundum þeirra þykir Stein-
unn V. Óskarsdóttir lítt líkleg
til kosningasigra og að Stefán
Jón Hafstein hafi ekki breiða
skírskotun utan flokksins. Hitt
er síðan annað mál hvort stuðn-
ingur Styrmis Gunnarssonar sé
ekki fremur myllusteinn um
háls Dags...
Gísli Marteinn Baldursson
hélt sitt árlega aðventu-
boð á sunnudag og gestalistinn
var æði fjölbreyttur. Þar mátti
finna þau llluga Gunnarsson,
Jón Gnarr, Selmu
Björnsdóttur og .. *•
Loga Bergmann í i .
jólaskapi, en Ólafur
Teitur Guðnason, * '
blaðamaður og ná-
granni Gísla, sló á
létta strengi í orðs-
ins fyllstu merkingu. Þá voru
tveir rithöfundar fengnir til
þess að lesa upp úr jólabókum
sínum, harla ólíkir. Þar voru
sumsé komnir þeir Hallgrím-
ur Helgason og Hannes Hólm-
steinn Gissurarson, sem lásu
upp úr Roklandi og Laxness...
i