blaðið - 08.12.2005, Blaðsíða 21

blaðið FIMMTUDAGUR 8. DESEMBER 2005
99............................................
Efmaður nær að lifa í núinu þá er enginn annar tími
til. Þá er maður laus úr viðjum fortíðar og án ótta
við framtíðina. Uppskera lífsins er alltafí núinu."
Ég var fimmtán ára gamall þegar
ég gekk í trotskýistasamtökin, tók
þátt í að búa til dreifirit og mætti á
fundi og fór á vinnustaði og sagðist
ætla að breyta heiminum. Mikið
af þessu starfi var bull en það var
góður skóli að vera með sér rey ndara
fólki. Á þessum tíma tileinkaði
ég mér það viðhorf að ég væri
gerandi í lífinu en ekki þiggjandi.
Þegar ég barðist fyrir réttindum
farandverkamanna öðlaðist ég
innsýn í íslenskt samfélag. Sá skóli
reyndist mér ómetanlegur þegar ég
seinna stóð frammi fyrir því sem
myndlistarmaður að hvergi væri
vettvangur sem tæki við mér. Hvað
ætlaði ég þá að gera? Fara í biðröð
og bíða eftir því að númerum væri
útdeilt hjá listasjóði ríkisins? Ég
ákvað að leysa stríðsmanninn úr
læðingi og senda hann út af örkinni
og berjast fyrir málverkum mínum.
Fyrir bragðið er ég mjög sýnilegur
og all þekktur myndlistarmaður.“
Þú ert þá mjögsáttur viðferilinn?
„Ferill minn hefur verið farsæll
að því leyti að ég hef þroskast og
breyst og er ekki alltaf að mála
sömu myndina. Ég hef átt tímabil
þar sem ég hef selt hverja einustu
mynd sem ég hef málað en ég hef
ekki fest mig i þeirri myndlist
heldur haldið áfram að þróast. Ég
er þakklátur fyrir að hafa fengið
að þróast og eina leiðin til þess
er að fá að lifa af sinni myndlist.
Það er ævistarf að þróast sem
myndlistarmaður. Það er ekki
áhugamál eða hlutastarf. Um leið
og maður þróast sem manneskja á
jarðarkringlunniþróast myndirnar
með manni. Þetta er ég mjög sáttur
við.“
Samspil við náttúruna
Fyrir mörgum árum sagði mér
þekktur málari að eitt það versta
í íslensku myndlistarlífi vœri
öfundin og rœtnin sem beindist að
málurum sem selja vel. Þú hlýtur að
hafa orðið var við þetta viðhorf?
„Ég veit að mönnum finnst
mismikið til minna verka koma
eins og gengur. Ég er þakklátur
fyrir þá virðingu sem ég fæ hjá
þeim sem kaupa mín verk. Sumir
hafa safnað í einhver ár til að geta
keypt mynd. 1 því felst fullkomin
virðing. En þegar manni gengur
vel er eðlilegur hliðarverkur að
einhverjir verða óánægðir. Það er
ekkert persónulegt við það heldur
er hluti af vaxtarflórunni.“
Þú málar náttúrumyndir, er
náttúran þér mikils virði?
„Náttúran hefur alltaf leikið
stórt hlutverk í mínum myndum,
eins og í mínu lífi. Svör við öllum
spurningum mannanna er að
finna í náttúrunni. Lífssýn mín
og lífsviðhorf byggjast á samspili
við náttúruna. Ég átti frábæra
bernsku í sveit þar sem ég fékk
að reika um fjöll og firnindi með
bræðrum mínum og félögum,
nánast í leik. Þetta hafði mikil
áhrif á lífsviðhorf mitt. Leitin
að Paradís er kannski leit okkar
allra á einn eða annan hátt. Hjá
mér felst leitin í því að finna svör
í náttúrunni. í málverkum mínum
skipta litir máli, einfaldir eða
fjölbreytilegir og svo er það birtan.
Eg er tilfinningalegur málari og
þar gegnir birtan lykilhlutverki.“
Þú virkar á mig sem sáttur maður
og þú verður örugglega flott
gamalmenni.
„Ég lít á ellina sem spennandi
viðfangsefni. Ef ég fæ að halda
heilsunni þá snýst ellin um viðhorf
og það skapa ég sjálfur. Ég ber
ábyrgð á því hvernig ég horfi á
lífið. Það er heldur ekki leiðinlegt
að eldast og eiga góða fjölskyldu,
kannski verður kominn lítill
ættbálkur í kringum okkur svo
við Gunný þurfum ekki að horfa
einsömul á sólarlagið."
kolbrun@vbl.is
Síðasti móttökudagur
jólapantana er lO.des.
Margfeldi aðeins kr,169.-núna!
/\§XI0$vöriu I i sti n n
^fiá^JÓIalistinn frír
jneðan birgðlr endastl
AdCÍÍtÍOriSfatalistinn
www.bmagnusson.is
Pöntunarsími 555-2866
bm@bmagnusson.is
Verslun
Jóla og gjafavara I miklu úrvali
Flottur fatnaður á alla fjölskylduna
á sama verði og erlendis!
B.MAGNÚSSON
Austurhrauni 3,Gbæ/ KAYS
Opið virka daga 10-18, og á morgun lau. 10-18