blaðið - 12.12.2005, Síða 17

blaðið MÁNUDAGUR 12. DESEMBER 2005
JÓLABLAÐ I 25
Jólastjarnan
er ekki hœttuleg
Tími til kominn að þettafallega blóm njóti sannmœlis
Fá blóm fara betur á uppdúkuðu
borði í desember en jólastjarnan víð-
fræga með sín skærrauðu blöð. Hún
er enda vinsæl eftir því, en hins vegar
vill bregða við að jólastjarnan njóti
ekki fullkomins sannmælis meðal
blómaunnenda. Um hana ganga víða
svæsnar sögur sem hafa jafnvel orðið
til þess að fólk hikar við að bjóða
henni heim yfir hátíðarnar. Hún er
sögð eitruð og jafnvel hættuleg fyrir
dýr, menn og aðrar plöntur. Steinar
Björgvinsson hjá blómaverkstæðinu
Blómálfinum við Vesturgötu segir
hins vegar lítið til í því.
„Jólastjarnan er ekki eitruð þannig,
nema maður beinlínis leggi sér hana
til munns í einhverju magni. Það eru
ýmsar sögur í gangi um jólastjörn-
una, en þær eru bara flökkusögur.
Staðreyndin er sú að hún er býsna
meinlaus planta,“ segir Steinar. Jóla-
stjarnan er að hans sögn af svokall-
aðri mjólkurjurtaætt, en fjölskyldu-
meðlimir þar hafa allir inni í sér
eitraðan safa sem er ertandi fyrir
slímhúðina, þá sérstaklega augun.
Haldi maður safanum hins vegar frá
viðkvæmum stöðum er lítið að ótt-
ast. Hvað gæludýr heimilisins varðar
telur Steinar að þau hafi lítið að ótt-
ast. „Ég hef aldrei heyrt um að dýr
hafi borið skaða af jólastjörnu. Dýrin
vita yfirleitt hvað þau eiga að forðast
og ef þau smakka lítillega á henni
er ekki líklegt að þau geri það aftur,
enda safinn beiskur."
Ógnar ekki öðrum plöntum
Önnur goðsögn tengd jólastjörnunni
er að mikil ógæfa geti stafað af sam-
ney ti hennar við aðrar plöntur - fólki
er jafnvel ráðlagt að koma henni ekki
fyrir í sama herbergi og öðrum. „Nei,
það er fjarri sannleikanum. Jóla-
stjörnunni kemur vel saman við
aðrar plöntur og það er ekkert því
til fyrirstöðu að hafa hana jafnvel í
potti með þeim. Staðreyndin er að
jólastjarna er ein mest selda potta-
plantan á landinu, selst í þúsundatali
fyrir jólin og enn hefur ekki heyrst af
neinum vandamálum henni tengdri."
Þó jólastjarnan sé líklega þekktust
fyrir fallega rauða litinn er hún til í
fleiri útfærslum og litum, s.s. hvítum
og bleikum. Jólastjarnan er skamm-
degisplanta ættuð frá Mexíkó og
þarf stuttan dag til að geta blómstrað.
Steinar segir hana harðgerða, en þó
þurfi að passa að hún ofkælist ekki.
Það sé gert með því að vökva hana
ávallt með volgu vatni og gæta sér-
staklega að því þegar hún er flutt
heim úr blómabúð. „Hún þolir alls
ekki frost og líður best í hita á bilinu
17-24°C. Ef kalt er í veðri þegar hún
er keypt verður að pakka henni inn
fyrir heimferðina, annars fara blöðin
fljótlega að detta af eitt og eitt, líkt
og margir þekkja. Annars eru ýmsar
aðrar plöntutegundir sem tengjast
jólum sem fólk mætti að ósekju
skoða, þar má nefna jólakaktusinn
og ýmsar skammdegisplöntur eins
og riddarastjörnu og goðalijuna.“
haukur@vbl.is
VDO - Borgartún 36 - S:588-9747- verslun@vdo.is - www.vdo.is
bl 1 ð E L= Skiptiborð Auglýsingadeitd Smáauglýsingar 510-3700 510-3744 510-3737
Catan - Borgir og riddarar
er ævintýraleg viðbót við grunnspilið
sem stækkar spilið og gerir það flóknara.
Þetta er viðbót fyrir slinga spilara sem
vilja spila mikið og lengi.
Catan - Sæfararnir
er viðbót sem bætir
við grunnspilið. Fyrir
þá sem vilja meira.
VIOBÓT
‘fyrir 5 cða 6 þátttakendur
Catan - Viðbót
við grunnspilið,
með henni geta
tveir (viðbót spilað,
Catan Landnemarnir.
Þetta er klassíska grunnspilið sem
fjórir geta spilað í einu.
Catan er auðvelt að læra, en það krefst útsjónarsemi
og dirfsku af spilurunum. Catan er spil fyrir alla aldurshópa
sem fjölskyldan getur semeinast um.
1S miHjónir
í Evrópu
CATAN
Klaus Teuber
SPIL SEM BRÚAR KYNSLÓÐABIL
SjeiakarmR