blaðið - 17.01.2006, Blaðsíða 13
blaöið ÞRIÐJUDAGUR 17. JANÚAR 2006
ERLENDAR FRÉTTIR I 13
Adel Al-Lamy, yf irmaður óháða kjörráðs-
ins I (rak.
Ógildar niður-
stöður í írak
Óháða kjörráðið í Irak sagði í gær að
atkvæðaseðlar frá 227 kjörstöðum
hefðu verið lýstir ógildir vegna
svindls. Ekki er talið að ákvörð-
unin hafi áhrif á heildarniðurstöðu
kosninganna sem fram fóru þann
15. desember, enda voru kjörstaðir
nærri 32.000 talsins. Kjörráðið birti
í gær niðurstöður rannsókna á 58
kærum sem bárust vegna gruns um
alvarlegt kosningasvindl. Af þeim
komu 25 kærur frá kjörstöðum í
höfuðborginni Bagdad og nágrenni
hennar. Meðal annars komust kosn-
ingaeftirlitsmenn að því að falsaðir
kjörseðlar hefðu verið notaðir á
sumum kjörstaða. Ennfremur voru
niðurstöður frá 53 kjörstöðum
ógildar þar sem of margir höfðu
greitt atkvæði. ■
Mannskæður
eldsvoði í
Vladivostok
Að minnsta kosti níu manns fórust
og átján slösuðust eftir að eldur
braust út í átta hæða skrifstofubygg-
ingu í hafnarborginni Vladivostok
í Rússlandi í gær. Hugsanlegar
undankomuleiðir voru lokaðar að
sögn rússneskra fréttastofa og emb-
ættismanna og vitni sögðu að sum
fórnarlambanna, aðallega ungir
menn, hefðu stokkið út um glugga
á byggingunni til að flýja reykinn
og logana. „Ég sá þrjár ungar konur
stökkva. Þær biðu fram á síðustu
stundu,“ sagði eldri maður í samtali
við NTV-sjónvarpsstöðina. Eftir að
eldurinn braust út tókst að forða
um 500 manns út úr byggingunni.
Eldurinn braust út á milli sjöttu og
sjöundu hæðar í húsinu.
Grunur leikur á að reglum um
öryggi hafi ekki verið fylgt og eftir-
liti ekki sinnt sem skyldi. Þá komu
grindur í stigagangi í veg fyrir að
fólk hefði getað flúið. Rannsókn
hefur þegar verið hafin og er talið
að um sakamál kunni að vera að
ræða. ■
Minnismerki
um grimmd
Pamela And-
erson, leik-
konan kunna
,fer fyrir hópi
fólks sem
vill að brjóst-
mynd af Har-
land Sanders
ofursta, stofn-
anda KFC-
skyndibita-
keðjunnar,
verði fjarlægð
úr ráðhúsinu í Frankfort í Kentucky-
ríki. Leikkonan segir að styttan
væri eins og „minnismerki um
grimmd" en dýraverndunarsinnar
hafa í gegnum tíðina beint spjótum
sínum að keðjunni vegna illrar með-
ferðar á kjúklingum.
Uppátækið hefur þó ekki valdið
miklu fjaðrafoki á skrifstofu Ernie
Fletcher, ríkisstjóra í Kentucky, sem
segir að Sanders ofursti hafi verið í
hópi nafntoguðustu sona Kentucky,
frumherji og sómamaður sem eigi
sinn sess skilið i sögu ríkisins. ■
Pamela Anderson.
Forsetakosningar í Finnlandi:
Kosiö á milli Talonen og Misto
Finnar munu kjósa á milli Tarja Hal-
onen, núverandi forseti landsins, og
Sauli Niinisto, frambjóðanda Ihalds-
manna, í síðari hluta forsetakosning-
anna sem fram fer þann 29. janúar.
Halonen, sem býður sig fram fyrir
Jafnaðarmenn, hlaut 46,3% atkvæða
í fyrri umferð kosninganna sem
fram fór um helgina, en Niinisto
lenti í öðru sæti með 24,1%. Matti
Vanhanen, forsætisráðherra, lenti í
þriðja sæti með 18,6% atkvæða.
Utanríkismál settu mark sitt á
kosningabaráttuna, sérstaklega
samskipti Finna við Atlantshafs-
bandalagið. Völd forseta Finnlands
hafa í gegnum tíðina einkum legið
á sviði utanríkismála en um utanrík-
isstefnu hefur gilt víðtækt samkomu-
lag milli forseta og ríkisstjórnar.
Báðirframbjóðendurnireruhlynntir
aðild Finna að Evrópusambandinu,
samvinnu landsins við Atlantshafs-
bandalagið og nánum samskiptum
við hina fornu fjendur Rússa.
Halonen varð kosin forseti Finn-
lands fyrst kvenna árið 2000. ■
Kosið verður á milli Sauli Niisto og Tarja
Halonen til embættis forseta Finnlands
síðar í mánuðinum.
SETTU MARKIÐ
HÁTT'
Nýr Grand Vitara, er lúxusjeppi byggöur á grunni Grand Vitara frá Suzuki, einum stærsta
bílaframleiðanda Japans. Grand Vitara er alvöru jeppi af réttri stærö fyrir nútíma fólk
sem gerir miklar kröfur um aksturseiginleika, öryggi og hagkvæman rekstur.
Undir glæsilegri yfirbyggingu leynist sterkbyggö grind, aflmikil vél og fullkomiö
fjórhjóladrif með háu og lágu sídrifi meö læsingu á milli fram- og afturhjóla.
Það skiptir ekki máli hvort þú ert í borgarumferðinni, eða uppi á fjöllum, einstakir
aksturseiginleikar Grand Vitara gera aksturinn ánægjulegan.
NÝR GRAND VITARA
$ SUZUKI
—er lífsstíll!
SUZUKI BILAR HF.
Skeifunni 17. Sími 568 5100.
www. suzukibilar. is